فیفا ورلڈ کپ کے گروپ مرحلے کے آخری روز ناک آؤٹ مرحلے کی تمام ٹیموں کا فیصلہ ہو گیا، جبکہ انگلینڈ کے کپتان ہیری کین نے ورلڈ کپ کی تاریخ میں انگلینڈ کی جانب سے سب سے زیادہ گول کرنے والے کھلاڑی بن کر نیا ریکارڈ قائم کر دیا۔

  فیفا ورلڈ کپ کے گروپ مرحلے کے آخری روز ناک آؤٹ مرحلے کی تمام ٹیموں کا فیصلہ ہو گیا، جبکہ انگلینڈ کے کپتان ہیری کین نے ورلڈ کپ کی تاریخ میں انگلینڈ کی جانب سے سب سے زیادہ گول کرنے والے کھلاڑی بن کر نیا ریکارڈ قائم کر دیا۔ دوسری جانب کروشیا، الجزائر اور آسٹریا نے بھی اگلے مرحلے کے لیے کوالیفائی کر لیا۔

Every team in the Round of 32!#FIFAWorldCup #Qualified | @Mcdonalds pic.twitter.com/I93Rzj0H3k

— FIFA World Cup (@FIFAWorldCup) June 28, 2026

کینساس سٹی میں کھیلے گئے سنسنی خیز مقابلے میں ساشا کالاجڈزک نے انجری ٹائم کے چھٹے منٹ میں گول کر کے آسٹریا کو الجزائر کے خلاف ۳۔۳؍گول سے ڈرا دلایا۔ اس نتیجے کے ساتھ دونوں ٹیموں نے آخری 32 مرحلے میں جگہ بنا لی، جبکہ ایران ٹورنامنٹ سے باہر ہو گیا۔ ارجنٹائنا نے گروپ جے میں پہلی پوزیشن حاصل کی، جبکہ آسٹریا دوسرے نمبر پر رہا اور اب راؤنڈ آف ۳۲؍ میں اس کا مقابلہ اسپین سے ہوگا۔ الجزائر بہترین تیسری پوزیشن حاصل کرنے والی ٹیموں میں شامل ہونے کے باعث ناک آؤٹ مرحلے میں پہنچ گیا، جہاں اس کا سامنا سوئزرلینڈ سے ہوگا۔
نیو جرسی میں ہیری کین اور جوڈ بیلنگھم کے دوسرے ہاف میں کیے گئے گولوں کی بدولت انگلینڈ نے پناما کو ۰۔۲؍گول سے شکست دے کر گروپ ایل میں پہلی پوزیشن حاصل کی۔ انگلینڈ نے سات پوائنٹس کے ساتھ گروپ مرحلہ ختم کیا جبکہ پناما اپنے تینوں میچ ہار کر ایونٹ سے باہر ہو گیا۔ اپنا ۱۱؍واں ورلڈ کپ گول کرنے کے بعد ہیری کین نے گیری لائنیکر کا ریکارڈ پیچھے چھوڑ دیا۔ انہوں نے کہا’’یہ میرے لیے باعثِ فخر لمحہ ہے۔ ورلڈ کپ دنیا کا سب سے بڑا مقابلہ ہے اور اس میں ۱۱؍ گول کرنا میرے لیے بہت بڑی کامیابی ہے۔‘‘

یہ بھی پڑھئے:میسی نے عالمی کپ میں متبادل کھلاڑی کے طور پر میدان میں اتر کر پہلا گول داغ دیا

فلاڈیلفیا میں نکولا ولاسچ کے آخری لمحات میں کیے گئے گول کی بدولت کروشیا نے گھانا کو ۱۔۲؍گول  سے شکست دے کر گروپ ایل میں دوسری پوزیشن حاصل کی۔ گھانا بھی اگلے مرحلے میں پہنچ گیا۔ کروشیا کے لیے پیٹار سوسچ اور نکولا ولاسچ نے گول کیے، جبکہ گھانا کی جانب سے ڈیرک لوکاسین نے واحد گول اسکور کیا۔
ورلڈ کپ سے گروپ مرحلے میں باہر ہونے کے بعد اسٹیو کلارک نے اسکاٹ لینڈ کی کوچنگ چھوڑنے کا اعلان کر دیا
 اسکاٹ لینڈ کے ہیڈ کوچ  اسٹیو کلارک نے فیفا ورلڈ کپ کے گروپ مرحلے سے ٹیم کے باہر ہونے کے بعد اپنے عہدے سے استعفیٰ دینے کا اعلان کر دیا، جس کے ساتھ ان کا سات برس پر محیط کوچنگ کا دور اختتام پذیر ہو گیا۔ ۶۲؍سالہ اسٹیو کلارک نے یہ فیصلہ ایسے وقت میں کیا ہے جب تقریباً ایک ماہ قبل ہی انہوں نے اسکاٹ لینڈ فٹبال ایسوسی ایشن کے ساتھ چار سالہ نئے معاہدے پر دستخط کیے تھے۔

یہ بھی پڑھئے:سال کی سب سے زیادہ کمائی کرنے والی ہندی فلمیں اور ۵؍ بہترین فلموں کی رپورٹ

اسکاٹ لینڈ نے ورلڈ کپ مہم کا آغاز ہیٹی کے خلاف ۰۔۱؍ گول کی فتح سے کیا تھا، تاہم اس کے بعد اسے مراکش کے ہاتھوں ۰۔۱؍گول  اور برازیل کے خلاف  ۰۔۳؍ گول  سے شکست کا سامنا کرنا پڑا۔ ٹیم گروپ سی میں تین پوائنٹس کے ساتھ تیسرے نمبر پر رہی اور بہترین آٹھ تیسرے نمبر کی ٹیموں میں جگہ نہ بنا سکی، جس کے باعث ناک آؤٹ مرحلے تک رسائی حاصل نہ کر سکی۔ اپنے الوداعی بیان میں کلارک نے کہا’’اس رخصتی کا سب سے جذباتی پہلو میرے کھلاڑی ہیں، جن کے بغیر ۲۰۱۹ء سے اب تک کی خوبصورت یادیں ممکن نہ ہوتیں۔ وہ ہر اس تعریف اور محبت کے مستحق ہیں جو انہیں ملی، اور ان کا کوچ ہونا میرے لیے اعزاز کی بات رہی۔‘‘