ویسٹ انڈیز کے خلاف دوسرے ٹیسٹ کے موقع پر جمعرات کو یہاں صحافیوں سے بات چیت کرتے ہوئے گل نے کہاکہ تینوں فارمیٹ کھیلنے سے جسمانی تھکاوٹ تو ہوتی ہے۔

ہندوستانی ٹیسٹ اور ون ڈے کپتان  شبھ من  گل نے کہا ہے کہ وہ ہندوستان کے لئے تینوں فارمیٹس میں آئی سی سی ٹرافی جیتنا چاہتے ہیں۔

یہ بھی پڑھیئے:ویسٹ انڈیز کا بنگلہ دیش کے خلاف ون ڈے اور ٹی ۲۰؍ سیریز کے لئے الگ الگ اسکواڈ کا اعلان

ویسٹ انڈیز کے خلاف دوسرے ٹیسٹ کے موقع پر جمعرات کو یہاں صحافیوں سے بات چیت کرتے ہوئے گل نے کہاکہ تینوں فارمیٹ کھیلنے سے جسمانی تھکاوٹ تو ہوتی ہے لیکن جب آپ مسلسل کھیلتے ہیں تو کبھی کبھی ذہنی تھکاوٹ بھی ہو جاتی ہے۔ جب میں کھیلتا ہوں تو میرے پاس کچھ توقعات اور اہداف ہوتے ہیں۔ یہ ایک بہت بڑا چیلنج ہے جسے پورا کرنا ہے۔ میں ہندوستان کے لیے تینوں فارمیٹ میں کھیلنا چاہتا ہوں اور اگر آئی سی سی میں کامیابی حاصل کرنا چاہتا ہوں۔یہ ایک چیلنج ہے جس کا مجھے سامنا کرنا ہے۔

Want to win everything that we have in the upcoming months: Shubman Gill

Captain Shubman Gill speaks about his aspirations after being appointed as the #TeamIndia ODI skipper 🇮🇳🙌#INDvWI | @IDFCFIRSTBank | @ShubmanGill pic.twitter.com/htiVcwXHNd

— BCCI (@BCCI) October 9, 2025

انگلینڈ میں ٹیسٹ کپتان کے طور پر شاندار کارکردگی کا مظاہرہ کرنے والے شبھ من گل کی اب نہ صرف ٹی ۲۰؍ انٹرنیشنل میں واپسی ہوئی ہے بلکہ انہیں نائب کپتان بھی مقرر کر دیا گیا ہے۔ اس کے بعد جب وہ گھریلو سرزمین پر اپنی کپتانی میں اپنا پہلا ٹیسٹ میچ جیت رہے تھے تو انہیں ون ڈے ٹیم کا کپتان بھی مقرر کیا گیا۔ ہندوستانی ٹیم انتظامیہ اب مستقبل کی طرف دیکھ رہی ہے، روہت شرما ٹیم میں صرف ایک کھلاڑی رہ گئے ہیں۔ اگلے سال ہندوستان  میں ہونے والے ٹی ۲۰؍ ورلڈ کپ کے علاوہ، جاری ۲۰۲۷ء ورلڈ ٹیسٹ چمپئن  شپ سائیکل اور جنوبی افریقہ میں یکروزہ ۲۰۲۷ء ورلڈ کپ بھی شامل ہیں۔ 
انہوں نے کہاکہ یقیناً، اعلان احمد آباد ٹیسٹ کے بعد ہوا، لیکن میں نے ٹیسٹ میچ سے کچھ دیر پہلے ون ڈے کی کپتانی کے بارے میں پتہ چلا، یہ ایک بہت بڑی ذمہ داری اور اعزاز کی بات ہے۔ میں اپنے ملک کی ون ڈے میں بھی کپتانی کرنے کے لیے پرجوش ہوں، گزشتہ چند ماہ میرے لیے بہت اچھے رہے ہیں اور میں منتظر ہوں۔ میں حال میں رہنا چاہتا ہوں اور آنے والے میچ میں زیادہ پیچھے نہیں دیکھنا چاہتا ہوں اور میں اپنے آنے والے میچ میں جیتنا چاہتا ہوں۔ گل نے اس بات سے انکار کیا کہ روہت اور وراٹ ان کے ۲۰۲۷ء کے منصوبوں کا حصہ نہیں ہیں۔ یہ بات قابل غور ہے کہ دونوں تجربہ کار کھلاڑی ٹیسٹ اور ٹی  ۲۰؍ کرکٹ سے ریٹائرڈ ہو چکے ہیں لیکن وہ ون ڈے کرکٹ کھیلنا جاری رکھے ہوئے ہیں۔ گِل نے یہاں تک کہا کہ وہ روہت کی کپتانی سے بہت زیادہ ترغیب لے رہے ہیں۔ 
انہوں نے کہا کہ روہت اور کوہلی کے پاس جس طرح کا تجربہ ہے، جس طرح سے انہوں نے ہندوستان کے لیے میچ جیتے ہیں، دنیا میں ان جیسے کھلاڑی بہت کم ہیں۔ ان کی صلاحیت، مہارت اور تجربہ رکھنے والے کھلاڑی بھی دنیا میں بہت کم ہیں۔  ہندوستانی ٹیم کا کیلنڈر آگے بہت مصروف ہے۔ ٹیسٹ سیریز کے اختتام کے فوراً بعد، ہندوستانی ٹیم دہلی سے پرتھ، آسٹریلیا کے لیے روانہ ہوگی، جہاں وہ تین ون ڈے اور پانچ ٹی ۲۰؍ انٹرنیشنل کھیلے گی۔ ہندوستانی ٹیم فوری طور پر جنوبی افریقہ کے خلاف دو میچوں کی ہوم ٹیسٹ سیریز کھیلے گی۔ تینوں فارمیٹس میں گل کے کردار کا مطلب ہے کہ انہیں اب مسلسل کرکٹ کھیلناہوگا۔