ٹوکیو پیرا لمپکس کی چاندی کا تمغہ فاتح بھاوینا پٹیل نے جمعہ کو ایشین پیرا گیمز میں فاتحانہ آغاز کرتے ہوئے خواتین کے پیرا ٹیبل ٹینس مقابلے میں کویت کی احد الراشدی کو سیدھے گیمز میں شکست دے دی۔

ٹوکیو پیرا لمپکس کی چاندی کا تمغہ فاتح بھاوینا پٹیل نے جمعہ کو ایشین پیرا گیمز میں فاتحانہ آغاز کرتے ہوئے خواتین کے پیرا ٹیبل ٹینس مقابلے میں کویت کی احد الراشدی کو سیدھے گیمز میں شکست دے دی۔ بھاوینا نے خواتین سنگلز کلاس ۴۔۵؍گروپ’ اے‘ کے میچ میں ۳۔صفر  سے کامیابی حاصل کی۔ انہوں نے تینوں گیمز۶ ۔۱۱،۳۔۱۱،۶۔۱۱؍ سے جیتے۔ بیبی سہانا روی نے بھی خواتین سنگلز کلاس ۹؍ گروپ’ بی‘ میں ویتنام کی  ہوا فونگ گویین کو ۳۔صفرسے شکست دی۔ سہانا نے ۶۔۱۱،۵ ۔۱۱، ۴۔۱۱؍ سے کامیابی حاصل کی۔

مردوں کے مقابلوں میں شبھم وادھوا نے کلاس ۳؍ گروپ کے اپنے پہلے میچ میں نیپال کے کیشو تھاپا کو۳۔صفرسے شکست دی۔  جہان مدن نے بھی ہندوستان کے لئےکامیابی حاصل کرتے ہوئے مردوں کے سنگلز کلاس ون گروپ میچ میں ہم وطن سندیپ ڈانگی کو تین ایک سے شکست دی۔

یہ بھی پڑھئے: کومل اپنی حریف کیلئے سخت ثابت ہوئیں، کانسے کا تمغہ جیت لیا

پیرا ٹیبل ٹینس میں کھلاڑیوں کی درجہ بندی ان کی جسمانی معذوری کی نوعیت اور شدت کی بنیاد پر کی جاتی ہے۔ کلاس ایک سے ۵؍ تک وہیل چیئر استعمال کرنے والے کھلاڑی شامل ہوتے ہیں جبکہ کلاس۹؍ میں کھڑے ہوکر کھیلنے والے ایسے کھلاڑی شامل ہیں جن کی جسمانی معذوری کھیلنے والے ہاتھ یا ٹانگوں کو متاثر کرتی ہے۔ایشین پیرا گیمز میں اس بار ۱۶۸؍ رکنی ہندوستانی دستہ حصہ لے رہا ہے، جس میں ۱۱۲؍ مرد اور ۵۶؍ خواتین کھلاڑی شامل ہیں۔ افتتاحی تقریب ۱۸؍ اکتوبر کو ہوگی ۔بیڈمنٹن کھلاڑی پرمود بھگت اور پیرا ٹیبل ٹینس کھلاڑی بھاوینا پٹیل ہندوستان کے پرچم بردار ہوں گے۔ تمغوں کے مقابلے ۱۹؍ سے ۲۴؍اکتوبر تک ہوں گے۔