دوسرے ٹی۔۲۰؍میچ میں ٹیم انڈیا کی ۷؍وکٹوں سے فتح،سنجو سیمسن کی شاندار ہاف سنچری۔

ہندوستان نے دوسرے ٹی۔۲۰؍میچ میں افغانستان کیخلاف شاندار آل راؤنڈ کارکردگی کا مظاہرہ کرتے ہوئے ۷؍وکٹوں سے کامیابی حاصل کر لی۔اس جیت کے ساتھ ہی ٹیم انڈیا نے۳؍میچوں کی سیریز میں ۲صفر سے ناقابل تسخیر برتری حاصل کر لی۔پہلے بلے بازی کرتے ہوئے افغانستان نے ۸؍وکٹوں کے نقصان پر ۱۵۹؍رن بنائے تھے۔جس کے جواب میں ہندوستان نے ۱۴ء۵؍اوور میں صرف ۳؍وکٹیں گنواکر میچ جیت لیا۔

ہندوستان کیلئے افتتاحی بلے باز سنجو سیمسن نے ۲۲؍گیندوں پر ۵۷؍رنوں کی جارحانہ بلے بازی کا مظاہرہ کیا۔ انہوں نے اپنی اننگز کے دوران ۷؍چوکے اور ۴؍چھکے مارے۔ ابھیشیک شرما (۳۹) اور ایشان کشن نے ۳۸؍رن بنائے 

یہ بھی پڑھئے:ڈسکارٹ اور موتی نے سنسنی خیز فتح کے ساتھ ٹرائیڈنٹس کے لیے پلے آف میں جگہ پکی کی

  اس سے قبل نتیش کمار ریڈی (۲۴؍رن پر ۳؍ وکٹیں) کی شاندار گیند بازی کی بدولت ہندوستان نے ارون جیٹلی اسٹیڈیم میں افغانستان کو ۸؍ وکٹوں کے نقصان پر ۱۵۹؍ رنوں پر محدود کر دیا تھا۔ نتیش کے ۳؍ وکٹوں کے علاوہ عرشدیپ سنگھ نے ۳۵؍رن دے کر ۲؍ وکٹیں حاصل کیں۔ افغانستان کی جانب سے کپتان اور اوپنر ابراہیم زدران نے سب سے زیادہ ۳۷؍ رن بنائے۔افغانستان نے پہلے میچ کے مقابلے میں ۳؍ رن زیادہ بنائے پھر وہ اپنی بلے بازی سے خوش نظر نہیں آئے۔  آخری ۵؍ اوور میں ۵۹؍رن نہ بنتے تو ٹیم کا اسکور ۱۶۰؍تک نہیں پہنچ پاتا۔