ہندوستانی فاسٹ بولر محمد سمیع نے ۳۶؍ سال کی عمر میں ٹیسٹ کرکٹ سے ریٹائرمنٹ کا اعلان کردیا ہے۔ تاہم، وہ ون ڈے اور ٹی ۲۰؍ فارمیٹ میں ملک کی نمائندگی کرتے رہیں گے۔ ۶۴؍ ٹیسٹ میچوں میں ۲۲۹؍ وکٹیں حاصل کرنے والے سمیع نے اپنے ٹیسٹ کریئر کو یادگار قرار دیتے ہوئے ساتھی کھلاڑیوں، کوچز اور شائقین کا شکریہ ادا کیا۔

۳۶؍سالہ محمد سمیع نے ایک ویڈیو پوسٹ کر کے اپنے ریٹائرمنٹ کا اعلان کیا۔ واضح رہے کہ مہاراشٹر کے خلاف بنگال کیلئے ایک میچ ختم ہونے کے تقریباً۲۴؍ گھنٹے بعد، انہوں نے ریڈ بال کرکٹ (ٹیسٹ فارمیٹ) کو الوداع کہہ دیا۔ تاہم، وہ کھیل سے مکمل طور پر ریٹائر نہیں ہو رہے ہیں، سمیع نے واضح کیا کہ وہ۴۰؍ اوورز کی کرکٹ (ون ڈے) اور ٹی ۲۰؍ میچز کھیلنا جاری رکھیں گے۔ 
سمیع نے ہندوستان کیلئے۶۴؍ ٹیسٹ میچوں میں ۲۲۹؍ وکٹیں حاصل کی ہیں۔ وہ کافی عرصے سے قومی ٹیم سے باہر ہیں۔ ۲۰۲۵ء چیمپئنز ٹرافی کے فائنل کے بعد سے انہوں نے ہندوستان کیلئے کوئی میچ نہیں کھیلا ہے۔ چوٹوں کی وجہ سے بھی انہیں طویل عرصے تک کھیل سے دور رہنا پڑا۔ بنگال کے ساتھ ڈومیسٹک کرکٹ میں واپسی کرتے ہوئے انہوں نے اپنی بولنگ سے متاثر کیا، لیکن مسلسل اچھا مظاہرہ کرنے کے باوجود وہ قومی ٹیم میں اپنی جگہ دوبارہ نہیں بنا سکے۔ انہوں نے اس بات پر اپنی مایوسی کا اظہار کیا اور قومی سلیکشن کمیٹی کے سابق چیئرمین اجیت اگرکر پر تنقید بھی کی۔

Safed jersey se vida le raha hoon, lekin usse judi yaadon se kabhi nahi… 🇮🇳❤️ Jab pehli baar Bharat ki Test jersey pehni thi, tab sirf ek sapna tha — apne desh ke liye kuch kar dikhane ka.. Uske baad har wicket, har sangharsh, har chot aur har comeback ne mujhe kuch na kuch sikhaya. Test cricket mere liye sirf ek format nahi, meri zindagi ka ek behad khaas hissa raha hai. Aaj bhaari dil aur anginat khoobsurat yaadon ke saath main Test cricket se retirement lene ka faisla kar raha hoon. Is safar mein mera saath dene wale har teammate, coach, family aur un karodon Bharatiyon ka dil se shukriya, jinhone achhe aur mushkil dono waqt mein mujh par bharosa banaye rakha.. BCCI aur Cricket Association of Bengal (CAB) ka bhi dil se shukriya, jinhone mere talent par bharosa kiya, mujhe aage badhne ke mauke diye aur mere cricket ke safar mein ek aham bhoomika nibhayi. Aapka saath aur vishwas mere liye hamesha khaas rahega. Maidan par meri aakhri Test ball bhale hi fenki ja chuki ho, lekin Bharat ke liye khelne ka garv hamesha mere dil mein zinda rahega. Shukriya, Test Cricket. ❤️ Aapka Shami 🇮🇳 #Mdshami11 #Mdshami #TestCricket #Retirement

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 6, 2026

سوشل میڈیا پر اپنی ریٹائرمنٹ کا اعلان کرتے ہوئے محمد سمیع نے لکھا ’’میں بھلے ہی سفید جرسی کو الوداع کہہ رہا ہوں، لیکن اس سے جڑی یادوں کو کبھی الوداع نہیں کہہ سکتا۔ ‘‘ جب انہوں نے پہلی بار ہندوستانی ٹیسٹ جرسی پہنی تھی، تب ان کا بس ایک ہی خواب تھا: اپنے ملک کیلئے اپنا تعاون دینا۔ تب سے لے کر اب تک، حاصل کی گئی ہر وکٹ، جھیلے گئے ہر مشکل دور، ہر چوٹ اور ہر واپسی نے انہیں بہت کچھ سکھایا ہے۔ محمد سمیع نے کہا ’’میرے لئے ٹیسٹ کرکٹ صرف ایک فارمیٹ نہیں ہے، بلکہ یہ میری زندگی کا ایک بہت ہی خاص باب ہے۔ بھاری دل کے ساتھ، لیکن ان گنت خوبصورت یادوں کو ساتھ لے کر، میں ٹیسٹ کرکٹ سے سنیاس لینے کا اعلان کرتا ہوں۔ انہوں نے اس طویل سفر میں ملنے والے تعاون کیلئے اپنے ساتھیوں، کوچز، خاندان اور ملک بھر کے کرکٹ شائقین کا شکریہ ادا کیا۔ اسی کے ساتھ انہوں نے بی سی سی آئی اور کرکٹ اسوسی ایشن آف بنگال کا بھی شکریہ ادا کیا اور ان سبھی کا شکریہ ادا کیا کہ جنہوں نے ان کی صلاحیتوں پر بھروسہ کیا، انہیں مواقع دئیے اور ان کے کرکٹ کریئر کو سنوارنے میں مدد کی۔ 
یاد رہے کہ سمیع نے ہندوستان کیلئے کئی یادگار ٹیسٹ میچ کھیلے ہیں۔ ان کی بولنگ، خاص طور پر غیر ملکی سرزمین پر، ہندوستانی ٹیم کی کامیابیوں میں اہم رہی ہے۔ انہوں نے بار بار چوٹوں سے ابھر کر میدان پر واپسی کر کے ایک مثال بھی قائم کی ہے۔ بھلے ہی انہوں نے ٹیسٹ کرکٹ میں اپنی آخری گیند پھینک دی ہو، لیکن اس فاسٹ بولر نے کہا ہے کہ اپنے ملک کی نمائندگی کرنے کا فخر ان کے دل میں زندگی بھر رہے گا۔