ہندوستانی جونیئرخواتین ہاکی ٹیم  جمعہ کو یہاں نیشنل ہاکی سینٹر میں آسٹریلیا کے دورے کے اپنے پہلے میچ میں آسٹریلیا کی انڈر ۔۲۱؍ ٹیم سے ۲۔۳؍سے ہار گئی۔

ہندوستانی جونیئرخواتین ہاکی ٹیم  جمعہ کو یہاں نیشنل ہاکی سینٹر میں آسٹریلیا کے دورے کے اپنے پہلے میچ میں آسٹریلیا کی انڈر ۔۲۱؍ ٹیم سے ۲۔۳؍سے ہار گئی۔ ہندوستانی کی جانب سے لالتھنتھلوانگی (۴۷؍ویں منٹ) اور سونم (۵۴؍ویں منٹ) نے گول کئے، جبکہ آسٹریلیا کی جانب سے بیانکا زورر (۳۶؍ویں منٹ)، ایوی سرینسبی (۴۵؍ویں منٹ) اور سیمی لو (۵۹؍ویں منٹ) نے گول کئے۔ 
  آسٹریلیا کی جانب سے پہلا گول ۳۶؍ویں منٹ میں بیانکا زورر نے کامیاب پنالٹی کارنر کے ذریعے کیا۔ اس کے بعد آسٹریلیا نے ۴۵؍ویں منٹ میں ایوی سرینسبی کے ایک اور پنالٹی کارنر پر گول کر کے اپنی برتری کو  ڈبل کر دیا۔ چوتھے کوارٹر میں ہندوستان نے ۲؍ اہم گول کرکے میچ میں واپسی اور برابری کی۔ سب سے پہلے لالتھنتھلوانگی نے ۴۷؍ویں منٹ میں پنالٹی کارنر کو گول کر کے اسکور برابر کر دیا اور پھر سونم نے ۵۴؍ویں منٹ میں فیلڈ گول کر کے میچ برابر کر دیا۔  وقفہ ختم ہونے سے صرف ایک منٹ قبل آسٹریلیا کے سیمی لو نے پنالٹی کارنر کو گول کر کے ہندوستان کی جیت یقینی بنائی۔