ایشیائی کھیلوں میں ہندوستانی مردوں کی ہاکی ٹیم نے تاریخ رقم کردی

ہندوستانی مردوں کی ہاکی ٹیم نے ایشیائی کھیل ۲۰۲۶ء کے فائنل میں ملائیشیا کو ۱۔۵؍گول سے شکست دے کر طلائی تمغہ اپنے نام کرلیا۔ اس کامیابی کے ساتھ ہندوستان نے پہلی مرتبہ ایشیائی کھیلوں میں مردوں کی ہاکی کا اپنا طلائی تمغہ کامیابی سے برقرار رکھا اور مسلسل دوسری مرتبہ ایشیائی چیمپئن بننے کا اعزاز حاصل کیا۔ اس فتح کے ساتھ ہندوستان نے  لاس اینجلس ۲۰۲۸ء اولمپکس  کے لیے بھی براہِ راست کوالیفائی کرلیا ہے۔ 

𝗧𝗛𝗘 𝗜𝗡𝗗𝗜𝗔𝗡 𝗠𝗘𝗡’𝗦 𝗛𝗢𝗖𝗞𝗘𝗬 𝗧𝗘𝗔𝗠 𝗜𝗦 𝗔𝗦𝗜𝗔𝗡 𝗚𝗔𝗠𝗘𝗦 𝗖𝗛𝗔𝗠𝗣𝗜𝗢𝗡 𝗢𝗡𝗖𝗘 𝗔𝗚𝗔𝗜𝗡! 🇮🇳🥇

India defeat Malaysia 5-1 in the Asian Games 2026 final to successfully defend their crown and create history by winning consecutive Asian Games gold medals… pic.twitter.com/ZaBzKMGyJw

— Hockey India (@TheHockeyIndia) October 3, 2026

فائنل میں ہندوستان نے آغاز ہی سے جارحانہ کھیل پیش کیا۔  ۱۱؍ویں منٹ میں کپتان ہرمن پریت سنگھ  نے پنالٹی کارنر کو گول میں تبدیل کرکے ہندوستان کو  ۰۔۱؍کی برتری دلائی۔ تاہم ملائیشیا نے جلد ہی واپسی کرتے ہوئے  ۱۴؍ویں منٹ میں شیلون سلویریئس  کے فیلڈ گول کی مدد سے مقابلہ ۱۔۱؍ سے برابر کردیا۔ ہندوستان نے اس کے بعد اپنی رفتار تیز کی اور حریف کو مسلسل دباؤ میں رکھا۔

یہ بھی پڑھئے:شاہ رخ خان کا ’’محبتیں‘‘ والا لک کیسے تیار ہوا؟ ہیئر اسٹائلسٹ دلشاد نے راز کھولا

۲۳؍ویں منٹ میں جگراج سنگھ  نے پنالٹی کارنر پر شاندار گول کرکے ہندوستان کو دوبارہ ۱۔۲؍ کی برتری دلائی۔ تیسرے کوارٹر میں  ہاردک سنگھ  نے پنالٹی اسٹروک کو کامیابی سے گول میں تبدیل کیا، جس کے بعد ہندوستان کی برتری ۱۔۳؍گول ہوگئی۔ چوتھے کوارٹر میں  شیلانند لکڑا  نے فیلڈ گول کرکے اسکور۱۔۴؍ کردیا، جبکہ میچ کے  ۵۷؍ویں منٹ میں ہرمن پریت سنگھ  نے ایک اور پنالٹی کارنر کو گول میں تبدیل کرتے ہوئے اپنا دوسرا گول کیا اور ہندوستان کی ۱۔۵؍ سے فتح یقینی بنادی۔ 
یہ کامیابی ہندوستانی ہاکی کے لیے تاریخی اہمیت رکھتی ہے۔ اس سے قبل ہندوستان نے ۱۹۶۶ء، ۱۹۹۸ء، ۲۰۱۴ء اور ۲۰۲۲ء میں ایشیائی کھیلوں میں مردوں کی ہاکی کا طلائی تمغہ جیتا تھا۔ ۲۰۲۶ء کا طلائی تمغہ ہندوستان کا اس مقابلے میں  پانچواں گولڈ میڈل  ہے۔ سب سے اہم بات یہ ہے کہ ہندوستان نے پہلی بار ایشیائی کھیلوں میں مردوں کی ہاکی کا اعزاز مسلسل دو ایڈیشنز میں اپنے نام کیا ہے۔  
اس فتح کے ساتھ ہندوستان نے لاس اینجلس اولمپکس ۲۰۲۸ء میں مردوں کے ہاکی مقابلے کے لیے براہِ راست جگہ بھی حاصل کرلی۔ ایشیائی کھیلوں کا مردوں کا ہاکی چیمپئن اولمپک کوالیفکیشن کا براہِ راست کوٹہ حاصل کرتا ہے۔ ہندوستانی ٹیم نے فائنل سے قبل سیمی فائنل میں پاکستان کو سنسنی خیز مقابلے میں ۳۔۴؍ سے شکست دے کر فائنل میں جگہ بنائی تھی۔ 

یہ بھی پڑھئے:پاکستان کو شکست دے کر ہندوستان نے ایشیائی کھیلوں کا کرکٹ کا طلائی تمغہ جیتا

۲۰۲۶ء کے ایشیائی کھیل ہندوستانی ہاکی کے لیے اس اعتبار سے بھی تاریخی بن گئے کہ  مردوں اور خواتین دونوں ٹیموں نے طلائی تمغے جیتے ۔ ہندوستانی خواتین کی ٹیم نے ایک روز قبل چین کو۰۔۱؍گول  سے شکست دے کر گولڈ میڈل حاصل کیا تھا اور اس کے ساتھ ہی ۲۰۲۸ء اولمپکس کے لیے براہِ راست کوالیفائی کیا۔ خواتین کی ٹیم نے ۴۴ ؍سال بعد ایشیائی کھیلوں میں ہاکی کا طلائی تمغہ جیتا۔ 
 ہندوستانی ہاکی نے ایک ہی ایشیائی کھیل میں  مردوں اور خواتین کے ڈبل گولڈ  کا تاریخی کارنامہ انجام دیا۔ اس سے قبل ایشیائی کھیلوں میں ہندوستان کی جانب سے کبڈی اور کرکٹ کی ٹیمیں مردوں اور خواتین کے مقابلوں میں ایک ہی ایڈیشن میں طلائی تمغے جیتنے کا یہ اعزاز حاصل کرچکی ہیں۔