چمپئن ٹرافی سے قبل ہندوستانی ٹیم کی زبردست مشق۔ محمد سمیع نے لینتھ پر کام کیا۔ رشبھ پنت ہاردک کے شاٹ پر زخمی ہوئے۔

ہندوستانی ٹیم نے یہاں خوبصورت آئی سی سی اکیڈمی پریکٹس گراؤنڈ میں چمپئن  ٹرافی سے پہلے اپنے تربیتی سیشن کا آغاز کیا جس میں محمد سمیع نے بولنگ کوچ مورنے مورکل کے ساتھ کافی وقت گزارا۔ نئے معیاری آپریٹنگ طریقہ کار  پر سختی سے عمل درآمد کے ساتھ، متبادل پریکٹس کا سوال ہی پیدا نہیں ہوتا تھا، اس لیے کپتان روہت شرما سے لے کر نوجوان ہرشیت رانا تک سبھی نے مشق کی۔
 انگلینڈ کے خلاف ٹی ۲۰؍ اور یکروزہ  کے ذریعے بین الاقوامی کرکٹ میں واپس آنے والے محمد سمیع  نے گھٹنے پر اسٹریچ ایبل کیپ پہن رکھی تھی۔ انہوں نے مختصر رن اپ کے ساتھ شروعات کی۔ بلے بازوں کے نیٹ پر آنے سے پہلے، سمیع کو اپنی لینتھ  پر کام کرتے ہوئے دیکھا گیا اور وہ بولنگ کوچ مورنے مورکل کے ساتھ بلے بازوں کی طرف گئے۔ ایسا لگتا تھا کہ وہ اس بارے میں بات کر رہے ہیں کہ   مثالی لینتھ کتنی ہونی چاہیے۔ بلے باز پریکٹس کے لیے اترنے کے بعد سمیع  نے زبردست گیند بازی کی۔
 ہاردک پانڈیا اور شریاس ایّر نے کلدیپ یادو اور باقی اسپنرس کا کردار ادا کیا۔ پانڈیا کے ایک زوردار شاٹ سے رشبھ پنت گھٹنے پر گیند لگ گئی۔ وہ درد سے کراہ رہے تھے لیکن فیزیو کملیش جین نے ان کا فوری علاج کیا۔ پانڈیا انہیں چیک کرنے کیلئے نیٹ سے باہر آئے۔ تاہم  چوٹ سنگین نہیں تھی اور پنت نے فوری طور پر پیڈ پہنا اور  پریکٹس کیلئے  آئے۔ روہت  انگلینڈ کے خلاف سنچری کے بعد اچھے جذبات میں نظر آئے۔ اہم بلے بازوں کی نیٹ پریکٹس کے دوران ہرشیت رانا، ورون چکرورتی اور پنت نے فیلڈنگ کوچ ٹی دلیپ کے ساتھ پریکٹس کی۔  

سمیع سے زیادہ امیدیں 
محمد سمیع کا دائیں ہاتھ کا جادو ہے اور وہ اپنی کلائی کے جھٹکے سے دنیا کے بہترین بلے بازوں کو حیران کر سکتے ہیں لیکن کیا وہ اس جادو کو۱۲؍ سال بعد آئی سی سی  چمپئن ٹرافی جیتنے میں ہندوستان کی مدد کرنے کیلئے  استعمال کر سکتے ہیں؟ شائقین کو امید ہے کہ سمیع اس ٹورنامنٹ میں ہندوستان کو جسپریت بمراہ کی کمی محسوس نہیں ہونے دیں گے۔ بمراہ انجری کی وجہ سے ٹیم سے باہر ہیں۔ تاہم سمیع کی تیاریوں کے حوالے سے کئی خدشات ہیں۔ ہندوستانی ٹیم اپنا پہلا میچ بنگلہ دیش کے خلاف۲۰؍ فروری کو دبئی میں کھیلے گی۔۳۴؍ سالہ سمیع انجری سے صحت یاب ہونے کے بعد لوٹ   رہے ہیں۔