رائل چیلنجرز بنگلورو نے کے کےآر کو۷؍وکٹ سے شکست دے کر آئی پی ایل ۱۸؍ کا پہلا مقابلہ جیتا۔ وراٹ کوہلی نے نصف سنچری بنائی

 رائل چیلنجرز بنگلور نے فل سالٹ (۵۶؍ رن ) اور وراٹ کوہلی ( ناٹ آؤٹ ۵۹؍رن )کی جارحانہ بلے بازی کی بدولت دفاعی چمپئن کولکاتا نائٹ رائیڈرس کو۷؍ وکٹ سے شکست دے کر آئی پی ایل۱۸؍ کا افتتاحی میچ جیت لیا ہے۔ رائل چیلنجرز بنگلور (آر سی بی) نے کولکاتا  نائٹ  رائیڈر (کے کے آر ) کو۳؍ سال بعد شکست دی ہے۔ 
 بنگلور نے ایڈن گارڈن اسٹیڈیم میں۱۷۵؍ رن کا ہدف۱۶ء۲؍ اوور میں حاصل کرلیا۔ وراٹ کوہلی۵۹؍ رن بنانے کے بعد ناٹ آؤٹ  پویلین  لوٹے۔ کپتان رجت پاٹیدار نے۳۴؍ اور فل سالٹ نے۵۶؍ رن بنائے۔ کولکاتا کی جانب سے ورون چکرورتی نے ایک وکٹ حاصل کیا۔ ۱۷۵؍ رن کے ہدف کا تعاقب کرتے ہوئے، بنگلورو نےچوکالگاکر اپنا کھاتہ کھول کر اپنے ارادے ظاہر کردیئے تھے۔ فل سالٹ نے پہلا اوور پھینکنے والے ویبھو اروڑہ کی پہلی گیند پر چوکا لگایا۔ کوہلی نے اس کے بعد اوور کی۵؍ویں گیند پر باؤنڈری لگائی۔  کولکاتا کے امپیکٹ کھلاڑی ویبھو اروڑہ نے پہلا اوور کروایا۔ وہ انگکرش رگھوونشی کی جگہ میدان میں اترے تھے۔فل سالٹ اور وراٹ کوہلی نے ویبھو اروڑہ کے ایک اوور میں۲۰؍ رن لئے جو اننگز کا تیسرا اوور کر رہے تھے۔ انہوں نے ایک ساتھ ۴؍چوکے لگائے۔ اس میں ایک چھکا اور۳؍ چوکے شامل تھے۔
 فل سالٹ اور وراٹ کوہلی نے چوتھے اوور میں ففٹی پارٹنرشپ مکمل کی۔ سالٹ نے ورون چکرورتی کے اوور میں لگاتار ۴؍ چوکے لگائے۔ اس اوور میں بنگلور کا اسکور۵۰؍رن  سے زیادہ ہوگیا۔ ۱۷۵؍ رن  کے تعاقب میں بنگلور نے تیز شروعات کی  ۔ ٹیم نے پاور پلے میں۶؍ اوورس میں بغیر کسی نقصان کے۸۰؍ رن بنائے۔ سالٹ اور کوہلی ناٹ آؤٹ رہے۔فل سالٹ نے۷؍ویں اوور میں اپنینصف سنچری  مکمل کی۔ انہوں نے ورون چکرورتی کے اوور میں ایک رن لے کر نصف سنچری بنائی۔ 
 بنگلورو کا پہلا وکٹ۹؍ویں اوور میں گرا۔ یہاں فل سالٹ۵۶؍ رن بنانے کے بعد آؤٹ ہوئے۔ وہ ورون چکرورتی کے ہاتھوں اسپینسر جانسن کے ہاتھوں کیچ ہوئے۔ ورون نے ۵۰؍رن  کی شراکت توڑی۔
  بنگلورو نے۱۰؍ویں اوور میں۱۰۰؍ رن کا ہندسہ عبور کیا۔   بنگلورو نے۱۵؍ ویں اوور میں۱۵۰؍ رن  کا ہندسہ عبور کیا۔ کپتان رجت پاٹیدار نے ہرشیت رانا کے اوور میں۴؍ چوکے لگائے۔ اس اوور میں۱۹؍ رن بنے۔ اس سے قبل  اجنکیا رہانے (۵۶؍ رن) اور سنیل نارائن (۴۴؍ رن) کی بلے بازی کی بدولت کے کے آر نے آر سی بی کے خلاف پہلے بلے بازی کرتے ہوئے ۸؍ وکٹ پر۱۷۴؍ رن بنائے تھے۔ کوئنٹن ڈی کاک (۴؍رن) کے طور پر پہلا وکٹ گرنے کے باوجود، کپتان اجنکیا رہانے (۵۶؍ رن) اور سنیل نارائن (۴۴؍رن) نے دھواں دار بیٹنگ کا مظاہرہ کیا اور دسویں اوور تک ٹیم کا اسکور ۳؍ ہندسوں کو عبور کر چکا تھا۔ دونوں بلے بازوں کی اننگز کے کے آرکیلئے  ایک بڑے اسکور کی نشاندہی کر رہی تھی، لیکن اسی دوران آرسلام نے سنیل کو وکٹ کے پیچھے کیچ کرا کر اس مضبوط شراکت کو توڑ دیا، جبکہ اگلے ہی اوور میں رہانے کرونال پانڈیا کی شارٹ گیند کو پل کرنے کی کوشش میں ڈیپ اسکوائر لیگ پر کیچ آؤٹ ہوگئے۔مگر ٹیم مقررہ۲۰؍ اوورس میں۱۷۴؍ رن  سے آگے نہ بڑھ سکی۔ آر سی بی کی جانب سے کرونال پانڈیا (۲۹؍رن دے کر ۳؍ وکٹ) سب سے کامیاب گیند باز رہے۔