مراکش کی فٹ بال ٹیم کے ہیڈ کوچ محمد اوہبی نے کہا ہے کہ جمعرات کو فرانس کے خلاف ورلڈ کپ کوارٹر فائنل میں ان کی ٹیم اسٹار فارورڈ اسماعیل سائباری کے بغیر کھیلے گی۔

مراکش کی فٹ بال ٹیم کے ہیڈ کوچ محمد اوہبی نے کہا ہے کہ جمعرات کو فرانس کے خلاف ورلڈ کپ کوارٹر فائنل میں ان کی ٹیم اسٹار فارورڈ اسماعیل سائباری کے بغیر کھیلے گی۔کوارٹر فائنل کی شام بدھ کو منعقدہ پریس کانفرنس میں اوہبی نے کہا’’سائباری کو چھوڑ کر تمام کھلاڑی دستیاب ہیں، کیونکہ ان کے لیے یہ میچ بہت جلدی ہے، حالانکہ مجھے امید ہے کہ وہ ٹورنامنٹ کے باقی میچوں سے باہر نہیں ہوئے ہیں۔‘‘

يواجه منتخبنا الوطني منتخب فرنسا على الساعة التاسعة مساءً في دور ربع نهائي كأس العالم 🏆

𝐍𝐞𝐱𝐭 𝐌𝐚𝐭𝐜𝐡 🔜
Our National Team faces France 🇫🇷 in the FIFA World Cup 2026 Quarter-finals

⏰ | 9PM 🇲🇦 - 4PM 🇺🇸#DimaMaghrib #FIFAWorldCup pic.twitter.com/fC2BlrmYiV

— Équipe du Maroc (@EnMaroc) July 8, 2026

یہ بھی پڑھئے:’’ویلکم ٹو دی جنگل ‘‘:کیا اکشے کمار کی فلم او ٹی ٹی پر کامیڈی کی تاریخ بدل دے گی

انہوں نے کہا’’تمام کھلاڑی دستیاب ہیں، حالانکہ ہم یقینی طور پر صرف انہی کھلاڑیوں کا انتخاب کریں گے جو سو فیصد فٹ ہوں۔ جب آپ کسی مقابلے میں بہت آگے جانا چاہتے ہیں، تو آپ کو سب کی ضرورت ہوتی ہے، اور جو کھلاڑی ابتدائی ۱۱؍ میں نہیں ہو سکتے، وہ جانتے ہیں کہ ان کے پاس میچ ختم کرنے کا موقع ہے۔ ہمارے پاس ابتدائی کھلاڑی ہیں اور جب دوسرے کھلاڑیوں کو متبادل کے طور پر میدان میں اتارا جاتا ہے، تو وہ ہمارے لیے میدان پر فرق لا سکتے ہیں۔ یہ ٹیم کے لیے ایک مثبت بات ہے، اور اس سے ہمیں کافی اعتماد ملتا ہے۔‘‘

یہ بھی پڑھئے:ہند-آسٹریلیا نے مختلف شعبوں میں تعاون اور شراکت داری کو نئی جہت عطاکی : مودی

سنیچر کو ہوسٹن میں کنیڈا کے خلاف مراکش کی۰۔۳؍ گول  سے جیت کے دوران، سائباری کو میچ کے ۲۲؍ منٹ بعد کچھ تکلیف کی وجہ سے میدان سے باہر لے جایا گیا تھا اور گزشتہ چند دنوں سے ان کی ہیمسٹرنگ کی چوٹ کی سنگینی کا پتہ لگانے کے لیے طبی معائنے اور تجزیے کیے جا رہے ہیں۔ ٹیم کے بوسٹن پہنچنے کے بعد پیر کو کیے گئے ایم آر آئی سے پتہ چلا ہے کہ چوٹ اتنی سنگین نہیں ہے کہ انہیں پورے مقابلے سے باہر رہنا پڑے۔