ایف سی بارسلونا اوساسونا کے خلاف ۱۔۲؍کی سنسنی خیز جیت کے ساتھ لا لیگا ٹائٹل کے مزید قریب پہنچ گیا ہے۔بارسلونا ریئل میڈرڈ سے۱۴؍ پوائنٹس آگے ہے۔ ریئل میڈرڈ اتوار کو آر سی ڈی ایسپینیول کے خلاف کھیلے گی۔

ایف سی بارسلونا اوساسونا کے خلاف ۱۔۲؍کی سنسنی خیز جیت کے ساتھ لا لیگا ٹائٹل کے مزید قریب پہنچ گیا ہے۔بارسلونا  ریئل  میڈرڈ سے۱۴؍ پوائنٹس آگے ہے۔ ریئل میڈرڈ اتوار کو آر سی ڈی ایسپینیول کے خلاف کھیلے گی۔ اگر میڈرڈ یہ میچ نہیں جیت پاتا تو بارسلونا کا چیمپئن بننا یقینی ہو جائے گا۔ اگر میڈرڈ جیت جاتا ہے تو بارسلونا کے پاس ٹرافی جیتنے کا اگلا موقع اگلے ویک اینڈ میں ایل کلاسیکو میں ہوگا۔
بارسلونا نے۸۱؍ویں منٹ میں گول کیا جب رابرٹ لیوانڈووسکی نے مارکس رشفورڈ کے کراس کو گول میں تبدیل کیا، اور فیران ٹوریس نے پانچ منٹ بعد فرمین لوپیز کی تھرو بال کو گول میں پہنچایا۔شِنہوا کی رپورٹ کے مطابق راؤل گارسیا نے ۸۸؍ویں منٹ میں ہیڈر سے ایک گول کیا، لیکن بارسلونا نے اپنی برتری برقرار رکھی اور اگر ریال میڈرڈ اتوار کو ایسپینیول سے نہ جیت سکا تو بارسلونا چیمپئن بن جائے گا۔

🚨 Barça are already planning the title parade, but rain could delay the celebrations.

If Real Madrid drop points vs Espanyol and Barça are crowned champions today, the parade may be pushed from Monday/Tuesday to Wednesday.

— @mundodeportivo pic.twitter.com/QTVt42tVbe

— Barça Universal (@BarcaUniversal) May 3, 2026

ویاریا ل نے چیمپئن لیگ میں اپنی جگہ پکی کر لی اور لیوانتے پر ۱۔۵؍گول سے گھریلو فتح کے ساتھ تیسری پوزیشن مضبوط کرنے کے مزید قریب پہنچ گیا، جس سے مہمان ٹیم کی بچنے کی امیدوں کو بڑا دھچکا لگا۔جارجس میکاؤتادزے نے ایک کمزور بیک پاس کا فائدہ اٹھا کر اسکورنگ کا آغاز کیا اور اگرچہ کارلوس ایسپے نے ۵۱؍ویں منٹ میں برابر کیا، لیکن البرٹو مولیرو نے ایک گھنٹے کے بعد ویاریا ل کو دوبارہ برتری دلا دی۔ میکاؤتادزے نے اپنا دوسرا گول کیا، اس سے پہلے تاجون بکانن اور نکولاس پیپے کے آخری گول نے جیت مکمل کر دی۔

یہ بھی پڑھئے:ہندوستان شکست سے دوچار، فرانس اور چین کے درمیان فائنل مقابلہ ہوگا

ایٹلیٹیکو میڈرڈ کے کوچ ڈیاگو سیمیونے نے اگلے ہفتے آرسنل کے خلاف چیمپئن لیگ ٹرپ سے پہلے اپنے تقریباً تمام ریگولر اسٹارٹرز کو آرام دیا، لیکن اس کے باوجود ان کی ٹیم نے نوجوان ایکر لُوک اور میگوئل کوبو کے گولوں کی مدد سے والنسیا میں۰۔۲؍گول سے کامیابی حاصل کی۔ والنسیا ابھی بھی ریلیگیشن کی جنگ میں پھنسا ہوا ہے اور شائقین نے ٹیم کو بو کیا۔

یہ بھی پڑھئے:پتی پتنی اور وہ دو ٹریلر: آیوشمان، سارہ، وامیکا اور رکول کی الجھی ہوئی محبت کی کہانی

ایتھلیٹک بلباؤ نے الاویس میں ۲۔۴؍گول سے شاندار واپسی کرتے ہوئے اپنی یورپی امیدوں کو زندہ رکھا، جس دن کوچ ارنیسٹو والورڈے نے اپنا ۵۰۰؍واں میچ مکمل کیا۔ انتونیو بلانکو اور نہویل ٹیناگلیا نے دو بار میزبان ٹیم کو برتری دلائی، رابرٹ ناوارو اور اوہین سانسیٹ نے ہر بار برابری کی، اس سے پہلے نیکو ولیمز، جو پیلوک مسئلے کے بعد فارم میں واپس آئے تھے، نے دو گول کرکے جیت یقینی بنا دی۔