ارجنٹائنا کے اسٹار فٹ بال کھلاڑی لیونل میسی اپنی قومی ٹیم کے ساتھ مصروف شیڈول کے باعث میجر لیگ ساکر کلب انٹر میامی کیلئے کم از کم ۶؍ میچ نہیں کھیل سکیں گے۔ 

ارجنٹائنا کے اسٹار فٹ بال کھلاڑی لیونل میسی اپنی قومی ٹیم کے ساتھ مصروف شیڈول کے باعث میجر لیگ ساکر کلب انٹر میامی کیلئے کم از کم ۶؍ میچ نہیں کھیل سکیں گے۔ 
 میامی ۲۱؍فروری کو اپنے گھریلو میدان پر ریئل سالٹ لیک کے خلاف امریکہ کے ٹاپ ساکر مقابلے میجر لیگ ساکر میں اپنی مہم کا آغاز کرے گی۔ میجر لیگ ساکر کے اگلے سیزن کے شیڈول کے مطابق ہر ٹیم ۳۴؍میچ کھیلے گی۔دنیا کی زیادہ تر فٹبال لیگز فیفا کے شیڈول کے دوران اپنے میچ نہیں کرواتی لیکن میجر لیگ ساکر نے بین الاقوامی میچوں کے دوران بھی لیگ کو جاری رکھنے کا فیصلہ کیا ہے جس کی وجہ سے کئی ٹاپ کھلاڑی اپنی قومی ٹیم میں مصروف ہونے کی وجہ سے اس مقابلے میں نہیں کھیل سکیں گے۔ان میں میسی بھی شامل ہیں ۔ ۲۳؍مارچ کو میامی کے ریئل بلز کیخلاف میچ کے دوران میسی ارجنٹائنا کی ٹیم کیساتھ ہو سکتے ہیں ۔ اس کے علاوہ وہ فلاڈیلفیا (۱۵؍جون)، کولمبس (۱۹؍جون)، نیش ویلے (۲۹؍جون)، شارلٹ (۳؍جولائی) اور سنسناٹی (۶؍جولائی)کیخلاف بھی نہیں کھیل سکیں گے۔