پریمیر لیگ مقابلے میں فاتح ٹیم نے ایک صفر سے کامیابی حاصل کی۔برائٹن نے سٹی کو شکست دی۔

پریمیر لیگ کے تیسرے راؤنڈمیں لیورپول نے اینفیلڈ میں آرسنل کو ایک صفرسے شکست  دےدی۔ فاتحانہ گول ہنگری کے ڈومینک سوبوسلائی نے ۸۳؍ویں منٹ میں فری کک پر ایک زبردست شاٹ کے ذریعے کیا۔​اس جیت کے ساتھ لیورپول نے لگاتار تیسری فتح حاصل کی اور ۹؍ پوائنٹس کے ساتھ سرفہرست پوزیشن حاصل کر لی جو چیلسی سے ۲؍ پوائنٹس زیادہ ہے۔ آرسنل کو، جس نے ۲۰۱۲ء سے اینفیلڈ میں فتح حاصل نہیں کی، ۲؍ جیت کے بعد اپنی پہلی شکست کا سامنا کرنا پڑا اور وہ ۶؍پوائنٹس کے ساتھ تیسرے نمبر پر ہے۔
​مانچسٹر سٹی کو برائٹن نے ہرادیا
​  برائٹن نے مانچسٹر سٹی کو  ایک کے مقابلے ۲؍سے شکست دے کر انہیں لگاتار دوسری شکست دی۔ یہ برائٹن کی پہلی فتح تھی جبکہ اس سے پہلے انہیں ایک ڈرا اور ایک شکست کا سامنا  پڑاتھا۔​سٹی کے ۳؍ پوائنٹس ہیں جبکہ برائٹن کے ۴؍پوائنٹس ہو گئے۔ میچ کا پہلا گول سٹی کے لئے ناروے کے ایرلنگ ہالاند نے ۳۴؍ویں منٹ میں کیا۔ برائٹن نے اس کا جواب تجربہ کار متبادل جیمز ملنر کے پنالٹی گول (۶۷؍ویں منٹ) اور جرمن برائن گرودا کے گول (۸۹؍ویں منٹ) سے دیا۔ 
بارسلونا نے ڈرا کھیلا
ہسپانوی لیگ لا لیگا میں بارسلونا کو رایو وایکانو نے ایک ایک کی برابری پر روک دیا۔ بارسلونا کے لئے لامین یمال نے پنالٹی پر گول کرتے ہوئے ٹیم کو برتری دلائی تھی ۔ لیکن رایو  نے بھی گول کرکے میچ برابر کردیا۔ گول کیپر جوان گارسیا کی شاندار کارکردگی نے بارسلونا کو صرف ایک پوائنٹ پر اکتفا کرنے پر مجبور کردیا۔