اب آئی پی ایل ۲۰۲۴ء انڈین پریمیر لیگ ۲۰۲۴ء شروع ہونے میں تقریباً دو ہفتے باقی ہیں۔ تمام فرنچائزیز نے اپنی اپنی تیاریاں شروع کر دی ہیں۔

اب آئی پی ایل ۲۰۲۴ء انڈین پریمیر لیگ ۲۰۲۴ء شروع ہونے میں تقریباً دو ہفتے باقی ہیں۔ تمام فرنچائزیز نے اپنی اپنی تیاریاں شروع کر دی ہیں۔ سن رائزرس حیدرآباد نے آئی پی ایل۲۰۲۴ء کی کپتانی کی ذمہ داری ورلڈ کپ ۲۰۲۳ء کے فاتح کپتان پیٹ کمنس کو سونپ دی ہے۔ انہیں ایڈین مارکرم کی جگہ کپتان بنایا گیا ہے۔ سابق ہندوستانی آل راؤنڈر عرفان پٹھان اور آکاش چوپڑا نے ایڈین مارکرم سے کپتانی چھین کر پیٹ کمنس کو سونپنے کو سن رائزرس حیدرآباد کی سب سے بڑی غلطی قرار دیا ہے۔ یہ بھی واضح ہو گیا ہے کہ اس کی وجہ سے حیدرآباد کو کس طرح نقصان اٹھانا پڑ سکتا ہے۔ 
  عرفان پٹھان نے کہا کہ جب آپ اعلیٰ قیادت کی بات کرتے ہیں تو پیٹ کمنس سے آگے کو رول ماڈل کے طور پر مت سوچیں۔ آسٹریلیا نے حال ہی میں ان کی کپتانی میں ون ڈے ورلڈ کپ جیتا تھا۔ اگرچہ انہوں نے گزشتہ ڈیڑھ سال میں شاندار کارکردگی کا مظاہرہ کیا ہے، جب ٹی ۲۰؍ کی کپتانی کی بات کی جائے تو ان کے اعداد و شمار کچھ خاص نہیں ہیں۔ ان کے ٹی۲۰؍ انٹرنیشنل اور آئی پی ایل کے اعدادوشمار اتنے اچھے نہیں ہیں۔ ساتھ ہی آکاش چوپڑا نے کہا ہے کہ کیا آپ نے ان کے آئی پی ایل کے اعدادوشمار دیکھے ہیں ؟ وہ بہت زیادہ رن دیتا ہے اور بلے سے اتنے رن نہیں بنا پاتا۔ صرف ۴؍ غیر ملکی کھلاڑی کھیلتے ہیں۔ وہ نہ تو پاور پلے میں بولنگ کرتے ہیں اور نہ ہی ڈیتھ اوورس میں۔ پیٹ کمنس کےٹی ۲۰؍ انٹرنیشنل کریئر کے بارے میں بات چیت کرتے ہوئے، وہ اب تک آسٹریلیاکیلئے ۵۲؍ میچوں میں ۷ء۴۳؍ کی اکانومی سے۱۴۱۲؍ رن دے کر۵۷؍ وکٹ لے چکے ہیں۔ اس کا بہترین۳/۱۵؍ ہے۔ اس دوران انہوں نے ۲۴؍اننگز میں ۱۱ء۰۸؍ کے اوسط سے بلے سے ۱۴۴؍ رن بنائے ہیں۔