ہندوستانی ایتھلیٹ سرویش کشارے نے اپنے پہلے ہی مقابلے میں جمعہ کو موناکو ڈائمنڈ لیگ ۲۰۲۶ء میں مردوں کے ہائی جمپ مقابلے میں شاندار کارکردگی کا مظاہرہ کرتے ہوئے تیسرا مقام حاصل کیا۔ اس نتیجے کے ساتھ ہی، سرویش کشارے ڈائمنڈ لیگ ایتھلیٹکس میٹ میں ٹاپ۳؍ میں جگہ بنانے والے چوتھے ہندوستانی ایتھلیٹ بن گئے۔

ہندوستانی ایتھلیٹ سرویش کشارے نے اپنے پہلے ہی مقابلے میں جمعہ کو موناکو ڈائمنڈ لیگ ۲۰۲۶ء میں مردوں کے ہائی جمپ مقابلے میں شاندار کارکردگی کا مظاہرہ کرتے ہوئے تیسرا مقام حاصل کیا۔ اس نتیجے کے ساتھ ہی، سرویش کشارے ڈائمنڈ لیگ ایتھلیٹکس میٹ میں ٹاپ۳؍ میں جگہ بنانے والے چوتھے ہندوستانی ایتھلیٹ بن گئے۔ ان سے پہلے ڈسکس تھروور وکاس گوڑا، جیولن تھروور نیرج چوپڑا اور لانگ جمپر مرلی شری شنکر ایسا کر چکے ہیں۔

یہ بھی پڑھئے:فلم’ستیہ‘ میں شیفالی شاہ کو شامل کروانے کیلئے منوج باجپئی نےڈائریکٹر کو منایا تھا

سرویش کشارے، جو پچھلے سال ٹوکیو میں ورلڈ ایتھلیٹکس چیمپئن شپ کے فائنل کے لیے کوالیفائی کرنے والے پہلے ہندوستانی ہائی جمپر بنے تھے،  ۲۰۲۶ء میں شاندار کارکردگی کا مظاہرہ کر رہے ہیں۔ انہوں نے گزشتہ ماہ بھونیشور میں نیشنل انٹر اسٹیٹ سینئر ایتھلیٹکس چیمپئن شپ ۲۰۲۶ء میں ۳۱ء۲؍ میٹر کی چھلانگ لگا کر تیجسون شنکر کا آٹھ سال پرانا نیشنل ریکارڈ توڑا تھا۔ فونٹیویل کے اسٹڈ لوئی ۲؍ میں مقابلہ کرتے ہوئے، کشارے نے اپنی پہلی ہی کوشش میں۱۲ء۲؍ میٹر، ۱۶ء۲؍ میٹر، ۲۰ء۲؍ میٹر، ۲۳ء۲؍ میٹر اور ۲۶ء۲؍ میٹر کی اونچائی پار کی اور برطانیہ کے جیک کیمانی اور یوکرین کے اولیہ ڈوروشچوک کے ساتھ ٹاپ-3 میں جگہ بنائی۔

یہ بھی پڑھئے:آیت اللہ علی خامنہ ای کے راستے پر چلنے کا عزم

ایشیئن ایتھلیٹکس چیمپئن شپ کے چاندی کا تمغہ جیتنے والے کشارے  ۲۸ء۲؍ میٹر کی اونچائی پار کرنے کی اپنی تینوں کوششوں میں ناکام رہے، جس سے وہ تیسرے مقام پر رہے۔ تاہم، وہ ٹوکیو ۲۰۲۰ء اولمپک کے مشترکہ چیمپئن اٹلی کے جیان مارکو ٹمبیری اور قطر کے معتز برشم سے آگے رہے، جو بالترتیب ساتویں (۲۳ء۲؍میٹر) اور آٹھویں (۲۰ء۲؍میٹر) مقام پر رہے۔ اولمپین اور یورپی چیمپئن شپ میں کانسے کا تمغہ جیتنے والے ڈوروشچوک نے ۳۲ء۲؍ میٹر کی اونچائی پار کر کے ایونٹ جیتا، جبکہ کشارے کی طرح اپنا پہلا ڈائمنڈ لیگ کھیل رہے کیمانی ۳۲ء۲؍ میٹر کے ساتھ دوسرے مقام پر رہے۔ واضح رہے کہ سرویش کشارے کامن ویلتھ گیمز ۲۰۲۶ء کے لیے ہندوستان کی ۳۲؍ رکنی ایتھلیٹکس ٹیم کا حصہ ہیں۔