پتی پتنی اور وہ دو ٹیزر: آیوشمان کھرانہ کی فلم ’’پتی پتنی اور وہ دو‘‘ کا ٹیزر جاری کر دیا گیا ہے۔ اس فلم کے تعلق سے مداح کافی پرجوش نظر آ رہے ہیں۔ ٹیزر کی خاص بات یہ ہے کہ اس میں سنجیو کمار والی اصل فلم کے فوٹیج اور کارتک آرین کی سیکنڈ پارٹ کے فوٹیج بھی شامل کیے گئے ہیں۔ ٹیزر میں آیوشمان کھرانہ کا کردار کافی حیران اور کنفیوز دکھائی دے رہا ہے۔

بالی ووڈ کے باصلاحیت اداکاروں میں سے ایک آیوشمان کھرانہ کے لیے ۲۰۲۵ء چیلنجنگ رہا۔ اس سال ان کی ایکسپیریمنٹل فینٹسی ڈراما فلم ’’تھاما‘‘ ریلیز ہوئی، جو سنیما گھروں میں کوئی خاص کامیابی حاصل نہ کر سکی۔ زبردست ہائپ کے باوجود فلم باکس آفس پر بری طرح ناکام رہی۔ اس کے علاوہ ان کی دیگر فلموں کو بھی توقع کے مطابق اچھا رسپانس نہیں ملا۔ اس لحاظ سے دیکھا جائے تو اب آیوشمان کھرانہ ۲۰۲۶ء میں تین فلموں کے ذریعے اپنی قسمت آزما رہے ہیں۔
اس کی شروعات ان کی آنے والی فلم ’’پتی پتنی اور وہ دو‘‘ سے ہو رہی ہے۔ اس فلم کی خاص بات یہ ہے کہ اس کا ٹیزر جاری کر دیا گیا ہے۔ فلم میں آیوشمان کھرانہ مرکزی کردار ادا کرتے نظر آئیں گے۔ ان کے علاوہ فلم میں سارہ علی خان، وامیکا گبی اور رکول پریت سنگھ بھی نظر آئیں گی۔ آئیے جانتے ہیں کہ ٹیزر میں ان اداکاروں کی کیمسٹری کیسی دکھائی دیتی ہے۔

کیسا ہے پتی پتنی اور وہ دو کا ٹیزر؟
آیوشمان کھرانہ کی فلم ’’پتی پتنی اور وہ دو‘‘ کے ٹیزر کی بات کریں تو اس کی شروعات سنجیو کمار کی ۴۸؍ سال پرانی فلم ’’پتی پتنی اور وہ‘‘ کے مناظر سے ہوتی ہے، جس میں وہ دفتر میں فلرٹ کرتے نظر آ رہے ہیں۔ اس کے بعد ۷؍ سال پہلے آئی کارتک آرین کی اسی نام سے بنی فلم کے مناظر دکھائے جاتے ہیں، جس میں وہ بھی دفتر میں فلرٹ کرتے نظر آتے ہیں۔ پھر ایک منٹ ۲۲؍ سیکنڈ کے ٹیزر میں آیوشمان کھرانہ کی انٹری ہوتی ہے اور وہ بھی اپنے پہلے سین میں دفتر میں فلرٹ کرتے نظر آتے ہیں۔ اس سے اندازہ لگایا جا سکتا ہے کہ اس فلم میں بھی اصل فلم کی روح کو برقرار رکھا گیا ہے۔

یہ بھی پڑھئے:نماز کے صحت کے تعلق سے فوائد بتانے پر نمیتا تھاپر ٹرول، کہا مَیں اپنی بات پر قائم ہوں

اس کے بعد ٹیزر میں آیوشمان کھرانہ کی زندگی کے گرد گھومنے والی تین لڑکیوں کو دکھایا گیا ہے، جن کے کردار سارہ علی خان، رکول پریت سنگھ اور وامیکا گبی ادا کر رہی ہیں۔ مختصر ٹیزر میں ان چاروں کرداروں کے درمیان رومانس اور کنفیوژن کو دکھایا گیا ہے، جو کچھ نیا محسوس نہیں ہوتا۔ ایسے میں فلم کے ٹریلر کے آنے کے بعد ہی واضح ہو سکے گا کہ کہانی کیسی ہے اور اداکاروں کے کردار کیسے ہوں گے۔

یہ بھی پڑھئے:پنجاب کنگزلکھنؤ سپر جائنٹس کو شکست دے کر پوائنٹس ٹیبل میں سرفہرست

 کب ریلیز ہوگی پتی پتنی اور وہ دو؟ 
فلم ’’پتی پتنی اور وہ دو‘‘ کی ہدایت کاری مدثر عزیز کر رہے ہیں۔ فلم میں رکول پریت سنگھ، وامیکا گبی اور سارا علی خان کے علاوہ شیبا چڈھا بھی نظر آئیں گی۔ یہ فلم ۱۵؍مئی ۲۰۲۶ء کو ریلیز ہونے کے لیے تیار ہے۔