مشفق الرحیم۱۰۰؍ویں ٹیسٹ میں سنچری بنانے والے ۱۱؍ویں بلے بازبن گئے

Updated: November 21, 2025, 11:18 AM IST | Agency | New Delhi

بنگلہ دیش کے وکٹ کیپر بلے باز مشفق الرحیم ۱۰۰؍ویں ٹیسٹ میں سنچری بنانے والے کھلاڑیوں کی منفرد فہرست میں شامل ہوگئے۔

Bangladesh batsman Mushfiqur Rahim. Photo: INN

بنگلہ دیش کے بلے باز مشفق الرحیم۔ تصویر:آئی این این

بنگلہ دیش کے وکٹ کیپر بلے باز مشفق الرحیم ۱۰۰؍ویں ٹیسٹ میں سنچری بنانے والے کھلاڑیوں کی منفرد فہرست میں شامل ہوگئے۔ مشفق الرحیم آئرلینڈ کے خلاف ڈھاکا میں اپنے کریئر کا ۱۰۰؍واں ٹیسٹ کھیل رہے ہیں۔ انہوں نے دوسرے ٹیسٹ کے دوسرے روز اپنی سنچری مکمل کی۔ یہ ان کے کریئر کی ۱۳؍ویں سنچری ہے۔ ۱۰۰؍ویں ٹیسٹ میچ میں سنچری بنانے کے بعد مشفق الرحیم ایک منفرد فہرست میں شامل ہوگئے۔ اس فہرست میں دنیا کے وہ خوش نصیب بلے باز شامل ہیں جنہوں نے ۱۰۰؍ویں ٹیسٹ میں سنچری بنانے کا ریکارڈ اپنے نام کیا۔ مشفق الرحیم سمیت اس فہرست میں ۱۱؍ ویں بلے باز ہیں۔

میچ کی بات کریںتو بنگلہ دیش نے دوسرے ٹیسٹ کے دوسرے دن اپنی پہلی اننگز میں ۴۷۶؍ رن کا بڑا اسکورکھڑا کرنے کے بعد آئرلینڈ کی ٹیم کو ۹۸؍ رنوں پر ۵؍ وکٹ لے کر کرکے میچ پر اپنی مضبوط گرفت کر لی ہے۔

بنگلہ دیش نے دوسرے دن اپنے گزشتہ اسکور ۴؍وکٹ پر ۲۹۴؍رنوں سے اننگز آگے بڑھائی تھی۔ مشفق الرحیم نے۲۱۴؍ گیندوں کی اننگز میں ۱۰۶؍رن بنائے ۔ لٹن داس نے بھی ۱۲۸؍ رنوں کی اننگز کھیلی۔

۱۰۰؍ویں ٹیسٹ میں سنچری بنانے والے بلے باز
بلے باز ملک بمقابلہ رن کب
کولن کاؤڈرے انگلینڈ آسٹریلیا ۱۰۴ ۱۹۶۸ء
جاوید میاں داد پاکستان ہندوستان ۱۴۵ ۱۹۸۹ء
گورڈن گرینج ویسٹ انڈیز انگلینڈ ۱۴۹ ۱۹۹۰ء
الیک اسٹیورٹ انگلینڈ ویسٹ انڈیز ۱۰۵ ۲۰۰۰ء
انضمام الحق پاکستان ہندوستان ۱۸۴ ۲۰۰۵ء
رکی پونٹنگ آسٹریلیا جنوبی افریقہ ۱۲۰؍اور ۱۴۳ ۲۰۰۶ء
گریم اسمتھ جنوبی افریقہ انگلینڈ ۱۳۱ ۲۰۱۲ء
ہاشم آملہ جنوبی افریقہ سری لنکا ۱۳۴ ۲۰۱۷ء
جو روٹ انگلینڈ ہندوستان ۲۱۸ ۲۰۲۱ء
ڈیوڈ وارنر آسٹریلیا جنوبی افریقہ ۲۰۰ ۲۰۲۲ء
مشفق الرحیم بنگلہ دیش آئرلینڈ ۱۰۶ ۲۰۲۵ء

مشفق الرحیم۱۰۰؍ویں ٹیسٹ میں سنچری بنانے والے ۱۱؍ویں بلے بازبن گئے

متعلقہ خبریں