منتظمین نے تصدیق کی کہ سابق اولمپک اور عالمی چیمپئن نیرج چوپڑا ۲۱؍ اگست کو ہونے والی لوزان ڈائمنڈ لیگ ۲۰۲۶ء کے مردوں کے جیولن تھرو مقابلے میں شرکت کریں گے۔ اتھلیٹسیما کے نام سے مشہور اس ایونٹ میں چوپڑا چوتھی مرتبہ لوزان میں حصہ لیں گے۔

 منتظمین نے تصدیق کی کہ سابق اولمپک اور عالمی چیمپئن نیرج چوپڑا ۲۱؍ اگست کو ہونے والی لوزان ڈائمنڈ لیگ ۲۰۲۶ء کے مردوں کے جیولن تھرو مقابلے میں شرکت کریں گے۔ اتھلیٹسیما  کے نام سے مشہور اس ایونٹ میں چوپڑا چوتھی مرتبہ لوزان میں حصہ لیں گے۔ ۲۸؍سالہ ہندوستانی ایتھلیٹ نے  ۲۰۲۲ء میں  ۰۸ء۸۹ ؍میٹر کی تھرو کے ساتھ یہ مقابلہ جیتا تھا جبکہ ۲۰۲۳ء میں ۶۶ء۸۷؍ میٹر کی تھرو کے ساتھ اپنے خطاب کا کامیابی سے دفاع کیا۔ اس کے بعد ۲۰۲۴ء میں انہوں نے ۴۹ء۸۹؍ میٹر کی تھرو کی اور دوسرے مقام پر رہے۔

یہ بھی پڑھئے:ویمنز ٹی۲۰: پاکستان نے تیسرا میچ ۴؍ وکٹوں سے جیت لیا، سری لنکاکا سیریز پر قبضہ

۲۰۲۶ء کے اس ایونٹ میں حالیہ برسوں کا سخت ترین مقابلہ دیکھنے کو مل سکتا ہے، جس میں حال ہی میں دولتِ مشترکہ کھیلوں کے چیمپئن بننے والے اور موجودہ سیزن کے عالمی نمبر ایک رومیش پتھی راج مضبوط دعویدار ہوں گے۔اس مقابلے میں دو مرتبہ کے عالمی چیمپئن اینڈرسن پیٹرس اور اولمپک طلائی تمغہ یافتہ پاکستان کے ارشد ندیم، جرمنی کے تھامس روہلر اور ٹرینیڈاڈ اینڈ ٹوباگو کے کیشورن والکاٹ بھی شامل ہوں گے۔
جون میں دوحہ ڈائمنڈ لیگ اور گزشتہ ماہ گلاسگو میں منعقدہ دولتِ مشترکہ کھیلوں میں شرکت کے بعد، لوزان ڈائمنڈ لیگ موجودہ سیزن میں نیرج چوپڑا کا تیسرا مقابلہ ہوگا۔ طویل عرصے تک انجری کے باعث میدان سے باہر رہنے کے بعد اس سیزن میں واپسی کرنے والے چوپڑا دولتِ مشترکہ کھیلوں میں ۸۳ء۸۵؍ میٹر کی سیزن کی بہترین تھرو کے ساتھ چاندی کا تمغہ جیتنے کے بعد لوزان پہنچ رہے ہیں۔

یہ بھی پڑھئے:’’دی ریلوے مین‘‘ کے بعد یش راج فلمز کا نیا پروجیکٹ ’’ٹنل مین‘‘

وہ رومیش پتھی راج کے بعد دوسرے نمبر پر رہے تھے، جنہوں نے ۷۵ء۸۹؍ میٹر کی تھرو کے ساتھ دولتِ مشترکہ کھیلوں کا طلائی تمغہ جیتا تھا۔ اس طرح لوزان میں ایک بار پھر دونوں کے درمیان دلچسپ مقابلے کی توقع ہے۔لوزان نیرج چوپڑا کو اپنے اعزازات کے طویل وقفے کا خاتمہ کرنے کا ایک اور موقع بھی فراہم کرے گا۔ ہندوستانی ایتھلیٹ نے گزشتہ سال دوحہ ڈائمنڈ لیگ میں۲۳ء۹۰؍  میٹر کی تھرو کے ساتھ قومی ریکارڈ قائم کیا تھا، لیکن جولائی ۲۰۲۵ء میں این سی کلاسک جیتنے کے بعد سے وہ کوئی بین الاقوامی مقابلہ نہیں جیت سکے ہیں۔ اس کے بعد ان کی بہترین کارکردگی ڈائمنڈ لیگ فائنل ۲۰۲۵ء اور دولتِ مشترکہ کھیل ۲۰۲۶ء میں دوسرے مقام پر رہنا رہی ہے۔