دیمبیلے نے لامین یامل کو شکست دے کر روڈری کی جگہ لے لی اور فٹبال کا سب سے باوقار ایوارڈ، بیلن ڈی اور، جس پر طویل عرصے سے لیونل میسی اور کرسٹیانو رونالڈو کا غلبہ تھا جیت لیا۔

پیرس سینٹ جرمین کے ونگر عثمان دیمیبلے  نے گزشتہ سیزن میں کلب کی یوئیفا چمپئن لیگ کی فتح میں کلیدی کردار ادا کرنے پر پیر کو بیلن ڈی اور جیت لیا جبکہ اسپین کی ایتانا بونماتی نے مسلسل تیسرے سال خواتین کا ایوارڈ جیتا۔

Our BALLON D’OR 🤩🇫🇷#FiersdetreBleus #BallonDor pic.twitter.com/DEU6NsL6H1

— French Team ⭐⭐ (@FrenchTeam) September 23, 2025

۲۸؍ سالہ عثمان دیمیبلے نے بارسلونا کے سنسنی خیزلامین  یامل کو پیچھے چھوڑ کر مانچسٹر سٹی  کے روڈری کا مقام حاصل کیا۔۲۰۲۴ء میں ٹرافی جیتنے والے ہسپانوی مڈفیلڈر روڈری کو پیچھے چھوڑتے ہوئے  فٹبال کے سب سے باوقار انفرادی ایوارڈ کے فاتح بن گئے –۔ یہ وہ ایوارڈ ہے جس پر طویل عرصے سے لیونل میسی اور کرسٹیانو رونالڈو کا غلبہ ہے۔سابق بورسیا ڈورٹمنڈ اور بارسلونا کے فارورڈ عثمان دیمیبلے، جو۲۰۱۸ء میں ورلڈ کپ جیتنے والی فرانس کی ٹیم کا حصہ تھے، نے تمام مقابلوں میں۳۵؍ گول کیے کیونکہ پی اس جی نے فرانسیسی لیگ اور کپ ڈبل کے ساتھ ساتھ چمپئن  لیگ بھی جیتا تھا۔کائلیان ایمباپے کے  ریئل  میڈرڈ جانے کے بعدعثمان کو سینٹر فارورڈ میں تبدیل کر دیا گیا، جس کے نتیجے میں پی ایس جی نے میونخ میں ہونے والے فائنل میں انٹر میلان کو ۰۔۵؍ سے شکست دے کر اپنی تاریخ میں پہلی بار یورپی کپ جیتا۔ 

Beaucoup de joie, de fierté et d’émotion. Un rêve devenu réalité. Merci à tous ceux qui m’ont toujours soutenu tout au long de ce parcours. #ballondor pic.twitter.com/dLTgZXqa6d

— Ousmane Dembélé (@dembouz) September 23, 2025

وسطی پیرس میں تھیٹر ڈو چیٹلیٹ کے اسٹیج پر  جذباتی عثمان دیمبیلے نے کہاکہ ’’میرے پاس الفاظ نہیں ہیں۔ یہ پی ایس جی کے ساتھ ایک ناقابل یقین سیزن تھا۔انہوں نے کہا کہ کلب کے کوچ آف دی ایئر کا ایوارڈ جیتنے والے ان کے باس لوئس اینریک ان کے لیے ’باپ کی طرح‘ رہے ہیں۔ فرانسیسی کھلاڑی نے زور دیاکہ ’’یہ ایک انفرادی ٹرافی ہے، لیکن یہ واقعی اجتماعی طور پر جیتی گئی ہے۔‘‘ عثمان  گزشتہ سیزن کی فاتح پی ایس جی  ٹیم کے ۹؍ اراکین میں سے ایک تھے جنہیں ایوارڈ کے لیے نامزد کیا گیا تھا۔
  انہوںنے مزید کہاکہ بیلون ڈی اور  واقعی میرے کریئر میں میرا مقصد نہیں تھا لیکن میں نے ٹیم کو  چمپئن  لیگ جیتنے میں مدد کرنے کے لیے سخت محنت کی۔۱۸؍ سالہ یامل، جو۲۰۲۳ء میں بارسلونا میں  دیمبیلے کے ساتھی ہوں گے، اس سے قبل ۲۱؍ سال سے کم عمر کے بہترین کھلاڑی کے لیے کوپا لیگا جیت چکے ہیں – یہ مسلسل دوسرا سال ہے جب انہوں نے یہ ایوارڈ جیتا ہے۔ دیمبیلے ایوارڈ وصول کرنے کی تقریب میں موجود تھے جب کہ ان  کے پی ایس جی کے ساتھی لیگ وَن کے ایک میچ میں مارسیلے سے۰۔۱؍گول  سے ہار رہے تھے - میچ اتوار کو ہونا تھا لیکن فرانس کے جنوب میں خراب موسم کی وجہ سے اسے۲۴؍ گھنٹے ملتوی کر دیا گیا۔