پیرس سینٹ جرمین (پی ایس جی )اور بائرن میونخ کے درمیان کھیلا گیا مقابلہ ۴۔۵؍گول کے سنسنی خیز اسکور کے ساتھ ختم ہوا۔ اس میچ میں دونوں ٹیموں کی جانب سے شاندار حملہ آور کھیل دیکھنے کو ملا۔

  پیرس سینٹ جرمین (پی ایس جی )اور بایرن میونخ کے درمیان کھیلا گیا مقابلہ ۴۔۵؍گول  کے سنسنی خیز اسکور کے ساتھ ختم ہوا۔ اس میچ میں دونوں ٹیموں کی جانب سے شاندار حملہ آور کھیل دیکھنے کو ملا۔میچ کے آغاز سے ہی اندازہ ہو گیا تھا کہ دونوں ٹیمیں جارحانہ انداز اپنائیں گی۔ ہیری کین نے پنالٹی کے ذریعے بائرن کو ابتدائی برتری دلائی، تاہم یہ برتری زیادہ دیر قائم نہ رہ سکی۔ کھویچا کواراتسخیلیا نے شاندار مہارت کا مظاہرہ کرتے ہوئے برابری کا گول اسکور کیا۔

⏱️ 95’ I We win ✅#PSGFCB 5️⃣-4️⃣ I #UCL pic.twitter.com/FJyTNF7PCg

— Paris Saint-Germain (@PSG_English) April 28, 2026

پہلے ہاف میں دونوں ٹیموں کے درمیان مسلسل جوابی حملے ہوتے رہے۔ جواو نیویس کے ہیڈر نے پی ایس جی کو برتری دلائی، لیکن مائیکل اولیس نے شاندار سولو رن کے بعد گول کر کے بایرن کو پھر سے برابر کر دیا۔ ہاف ٹائم سے ٹھیک پہلے عثمان ڈیمبیلے نے پنالٹی پر گول کر کے پی ایس جی کو ۲۔۳؍گول کی برتری دلائی۔

یہ بھی پڑھئے:جاپان ایئرلائنز، ٹوکیو کے ہنیڈا ایئرپورٹ پر سامان کی ترسیل کیلئے ہیومنائیڈ روبوٹس کا استعمال کرے گی
دوسرے ہاف میں کچھ وقت کے لیے ایسا لگا کہ پی ایس جی میچ پر مکمل کنٹرول حاصل کر لے گا۔ اشرف حکیمی کے بہترین کراس پر کواراتسخیلیا نے اپنا دوسرا گول کیا، اور پھر ڈیمبیلے نے بھی ایک اور گول شامل کر کے اسکور ۲۔۵؍ کر دیا۔ اس وقت پی ایس جی کا حملہ انتہائی منظم اور خطرناک نظر آ رہا تھا۔

یہ بھی پڑھئے:شاہ رخ نے سیف علی سے ہاتھ ملایا، اگلی فلم ریلیز کے لیے تیار، بیٹی سارہ کو ٹکرملے گی!

بائرن میونخ کی جانب سے دیوت اپامیانو نے ہیڈر کے ذریعے ایک گول کیا، اور اس کے فوراً بعد لوئس ڈیاز نے شاندار شاٹ لگا کر اسکور۴۔۵؍گول کر دیا۔ اس واپسی نے میچ کو آخر تک سنسنی خیز بنا دیا۔پی ایس جی کے کوچ لوئس اینریکے نے میچ کے بعد کہا کہ یہ مقابلہ کسی بھی طرف جا سکتا تھا، جو اس کھیل کے معیار کو ظاہر کرتا ہے۔ جبکہ ڈیمبیلے نے بھی تسلیم کیا کہ دونوں ٹیمیں جارحانہ کھیل پر یقین رکھتی ہیں اور دوسرے لیگ میں بھی اسی طرح کا مقابلہ دیکھنے کو مل سکتا ہے۔اب جب دونوں ٹیمیں دوسرے لیگ کے لیے الیانز ایرینا میں میدان میں اتریں گی، تو توقع ہے کہ یہ مقابلہ ایک بار پھر فٹبال شائقین کو ایک کلاسک میچ دیکھنے کا موقع دے گا۔