دنیا کے سابق نمبر ایک کھلاڑی رافیل ندال نے پیر کو یہاں میڈرڈ اوپن ٹینس ٹورنامنٹ میں ۳؍ گھنٹے سے زائد جاری رہنے والے سخت مقابلے میں پیڈرو سیچن کو ۳؍ سیٹوں میں شکست دے دی۔
EPAPER
Updated: May 01, 2024, 11:22 AM IST | Agency | Madrid
دنیا کے سابق نمبر ایک کھلاڑی رافیل ندال نے پیر کو یہاں میڈرڈ اوپن ٹینس ٹورنامنٹ میں ۳؍ گھنٹے سے زائد جاری رہنے والے سخت مقابلے میں پیڈرو سیچن کو ۳؍ سیٹوں میں شکست دے دی۔
دنیا کے سابق نمبر ایک کھلاڑی رافیل ندال نے پیر کو یہاں میڈرڈ اوپن ٹینس ٹورنامنٹ میں ۳؍ گھنٹے سے زائد جاری رہنے والے سخت مقابلے میں پیڈرو سیچن کو ۳؍ سیٹوں میں شکست دے دی۔ ندال نے مردوں کے سنگلز میچ میں عالمی نمبر۹۱؍پیڈرو کو۱۔ ۶، ۷۔ ۶، ۳۔ ۶؍ سے شکست دی۔ پانچ بار کے چمپئن ندال نے اس جیت کے ساتھ ہی پری کوارٹر فائنل میں جگہ بنالی۔ اگلے راؤنڈ میں ندال کا مقابلہ ۳۱؍ ویں نمبر کے جیری لہکا سے ہوگا۔ ٹاپ سیڈ یانک سنر اپنا بہترین کھیل نہ دکھانے کے باوجود پاول کوٹوف کو ۲۔ ۶، ۵۔ ۷؍سے شکست دینے میں کامیاب رہے۔ پری کوارٹر فائنل میں ان کا مقابلہ ۱۶؍ ویں سیڈ کیرن خاچانوف سے ہوگا۔ تھرڈ سیڈ یڈینیل میدویدیف شکست سے صرف دو پوائنٹس دور تھے لیکن انہوں نے سیباسٹین کورڈا کو۷۔ ۵، ۶۔ ۷، ۳۔ ۶؍ سے شکست دی جبکہ پانچویں سیڈ کاسپر رُوڈ نے کیمرون نوری کو۲۔ ۶، ۴۔ ۶؍ سے شکست دی۔ ویمنز سنگلز میں میڈیسن کیز نے کوکو گاف کو۶۔ ۷، ۶۔ ۴، ۴۔ ۶؍ سے ہرا کر کوارٹر فائنل میں رسائی کی۔ ان کا اگلا مقابلہ اونس جبیور سے ہوگا۔ ٹاپ رینکنگ کھلاڑی ایگا سواتیک نے یکطرفہ میچ میں سارہ سوریبس ٹورمو کو۱۔ ۶، ۰۔ ۶؍سے شکست دے کر میڈرڈ میں اپنے پہلے ٹائٹل کی طرف بڑھا۔ اگلے راؤنڈ میں سواتیک کا مقابلہ۱۱؍ ویں سیڈ بیٹریز حداد مایا سے ہوگا جنہوں نے پانچویں سیڈ ماریہ سکاری کو۴۔ ۶، ۴۔ ۶؍ سے شکست دی۔