کلب نے ایک بیان میں کہا کہ یہ اصولوں کے خلاف ہے اور اس سےفٹ بال کی دنیا پر سنگین اثرات مرتب ہونگے۔

اسپینش لیگ لالیگا کے میچ امریکہ میںکرائے جانے  پر رئیل میڈرڈ نے برہمی کا اظہار کرتے ہوئے اسے مسترد کردیا ہے اور کہا ہے کہ اس سے فٹ بال کی دنیا پرسنگین اثرات مرتب ہوں گے۔ امریکی ریاست فلوریڈا کے شہر میامی میں ولارئیل اور بارسلونا کا میچ ہونے والا ہےاوراگرمیچ کے ہونے کی منظوری دے دی گئی تویہ اس لیگ کا پہلا میچ ہوگا جو امریکہ میں کھیلا جائے گا۔ اس دوران ولا رئیل نے میامی میں میچ کو منظوری ملنے کی صورت میں میچ کا پاس رکھنے والوں کو سفر کیلئے مفت ٹکٹ دینے کا وعدہ کیا ہے۔ واضح رہے کہ لالیگا میں ۱۷؍و یں راؤنڈ کا میچ ہارڈ راک اسٹیڈیم میں کھیلا جائے گا۔ رئیل میڈرڈ انتظامیہ نے اس تعلق سے کہا ہے کہ وہ ۲۰؍ دسمبر کو ہونے وا لا یہ میچ روکنے کی کوشش کررہا ہے۔ اس کا کہنا ہےکہ اس سے مقابلے کی سالمیت اور نتائج بھی متاثر ہوں گے۔ رئیل میڈرڈ کلب کی جانب سے جاری کئے گئے بیان کے مطابق ’’ایونٹ میں شریک کلبوں سے مشورہ اور انہیں پیشگی مطلع کئے بغیر یہ اقدام کیاجارہا ہے۔ یہ اقدام لیگ کے میچ کلبوں کے متعلقہ شہروں اور گھریلو میدانوں  میں کھیلے جانے کے اصول کے خلاف ہیں۔ اس سے مقابلہ کا توازن بگڑجائے گا اور کلبوں کو غیرضروری فائدہ پہنچے گا جو ایسے کسی (غیر جانبدار) وینو پر میچ کرانے کیلئے درخواست دیں گے۔ اس سے فٹ بال کی دنیا پرسنگین اثرات مرتب ہوسکتے ہیں۔