توانائی کے شعبے کی صفِ اول کی کمپنی شیل کے چیف ایگزیکٹیو وائل ساوان نے کہا ہے کہ مشرقِ وسطیٰ میں جاری تنازعہ کے سبب یورپ کو جلد ہی ایندھن کی قلت کا سامنا کرنا پڑے گا۔

توانائی کے شعبے کی صفِ اول کی کمپنی شیل کے چیف ایگزیکٹیو وائل ساوان نے کہا ہے کہ مشرقِ وسطیٰ میں جاری تنازعہ کے سبب یورپ کو جلد ہی ایندھن کی قلت کا سامنا کرنا پڑے گا۔
میڈیا رپورٹوں میں ساوان کے حوالے سے کہا گیا، ’’جنوبی ایشیا کو سب سے پہلے اس مار کا سامنا کرنا پڑا۔ اپریل کے آغاز کے ساتھ ہی یہ بحران جنوب مشرقی ایشیا اور شمال مشرقی ایشیا سے ہوتے ہوئے اب یورپ کی  سمت وسعت اختیار کر گیا ہے۔‘‘ساوان نے کہا کہ مغربی ایشیا میں بحران پہلے ہی ہوا بازی کے ایندھن کی سپلائی کو متاثر کر چکا ہے، جس کی قیمت تنازع شروع ہونے کے بعد سے دوگنی ہو گئی۔ انہوں نے مزید کہا کہ ڈیزل کی سپلائی پر دباؤ بڑھ سکتا ہے، جس کے بعد پٹرول کی قیمتیں بھی بڑھ سکتی ہیں کیوں کہ امریکہ اور یورپ میں  موسم گرما شروع ہونے والا ہے۔

یہ بھی پڑھئے:اسرائیل: فلسطینی قیدیوں کو سزائے موت کا قانون منظوری کے قریب

امریکہ اور اسرائیل نے ۲۸؍ فروری کو تہران سمیت متعدد ایرانی اہداف پر حملہ کیا، جس سے کافی نقصان ہوا اور ہزاروں شہری ہلاک ہوئے۔اس کے جواب میں  ایران نے انتہائی منظم انداز میں اسرائیل کی سرزمین اور مغربی ایشیا میں امریکی فوجی اڈوں نشانہ بنایا۔

یہ بھی پڑھئے:’’ڈی ڈی ایل جے‘‘ کا کردار میرے والد سے متاثر تھا: انوپم کھیر کا انکشاف

ایران کے گرد بڑھتی ہوئی کشیدگی کے باعث آبنائے ہرمز کی عملی طور پر ناکہ بندی کر دی گئی ہے، جو خلیجی ممالک سے عالمی منڈی تک تیل اور مائع قدرتی گیس (ایل این جی) کی سپلائی کا ایک اہم ترین راستہ ہے۔ اس صورتحال نے خطے میں تیل کی پیداوار اور برآمدات کو بھی متاثر کیا ہے۔