ہندوستانی نشانہ باز سمراٹ رانا اور ورون تومر نے آئی ایس ایس ایف ورلڈ چیمپئن شپ رائفل/پستول ۲۰۲۵ء میں متاثر کن کارکردگی کا مظاہرہ کرتے ہوئے مردوں کے۱۰؍ میٹر ایئر پسٹل مقابلے میں بالترتیب طلائی اور کانسہ کے تمغے جیتے۔

ہندوستانی نشانہ  باز سمراٹ رانا اور ورون تومر نے آئی ایس ایس ایف ورلڈ چیمپئن شپ رائفل/پستول  ۲۰۲۵ء میں متاثر کن کارکردگی کا مظاہرہ کرتے ہوئے مردوں کے۱۰؍ میٹر ایئر پسٹل مقابلے میں بالترتیب طلائی اور کانسہ  کے تمغے جیتے۔  پیر کو مصر کے قاہرہ میں منعقدہ مردوں کے۱۰؍ میٹر ایئر پسٹل مقابلے میں سمراٹ رانا۵۸۶-۲۷؍ایکس کے اسکور کے ساتھ کوالیفائنگ راؤنڈ میں سرفہرست رہے، جب کہ ہم وطن ورون تومر (۵۸۶- ۲۶؍ ایکس) دوسرے نمبر پر رہے۔ فائنل راؤنڈ میں سخت مقابلہ دیکھنے میں آیا، لیکن ۲۰؍ سالہ سمراٹ رانا نے چین کے ہو کائی کو۲۴۳ء۷؍  پوائنٹس کے ساتھ ۴ء۰؍ پوائنٹس سے شکست دی جبکہ ورون تومر۷ء۲۲۱؍ پوائنٹس کے ساتھ تیسرے نمبر پر رہے۔ 
بین الاقوامی سینئر مقابلے میں رانا کا یہ پہلا تمغہ ہے۔ اس سے قبل  انہوں نے ۲۰۲۲ء جونیئر ورلڈ چیمپئن شپ میں مردوں اور مکسڈ ٹیم ایئر پسٹل مقابلوں میں طلائی تمغے جیتے تھے۔  سمراٹ رانا، ورون تومر اور شرون کمار، جو کوالیفائر میں۵۸۲-۱۶؍ایکس کے اسکور کے ساتھ ۱۲؍ ویں نمبر پر رہے، نے بھی مجموعی طور پر ۱۷۵۴؍ کا اسکور کیا تاکہ ہندوستان کو ٹیم کی درجہ بندی میں سرفہرست رہنے اور طلائی تمغہ جیتنے میں مدد ملے۔ اٹلی اور جرمنی نے بالترتیب چاندی اور کانسہ کے تمغے جیتے۔ 
اس سے قبل، منو بھاکر (۵۸۰-۲۰؍ایکس)  اور ایشا سنگھ (۵۸۳-۲۵؍ایکس) نے خواتین کے ۱۰؍ میٹر ایئر پسٹل کوالیفائر میں بالترتیب چھٹے اور چوتھے نمبر پر رہے، میڈل راؤنڈ میں جگہ حاصل کی۔ دو بار کی اولمپک تمغہ جیتنے والی منو بھاکر نے خواتین کے ٹیم ایونٹ میں چاندی کا تمغہ جیتا، لیکن انفرادی تمغہ جیتنے میں ناکام رہیں۔  سروچی سنگھ (۵۷۷-۱۷؍ایکس ) ۱۴؍  ویں نمبر پر رہیں اور ایک  پوزیشن  سے محروم رہیں، لیکن  انہوں نے۱۷۵۴۰-۶۲؍ایکس  کے اسکور کے ساتھ ٹیم ایونٹ میں ہندوستان کو چاندی کا تمغہ دلانے میں اہم کردار ادا کیا۔ تاہم، منو اور نہ ہی ایشا سنگھ انفرادی فائنل میں کوئی تمغہ جیتنے میں کامیاب رہے۔ منو ۵ء۱۳۹؍ پوائنٹس کے ساتھ ساتویں نمبر پر رہی جبکہ ایشا۲ء۱۵۹؍ پوائنٹس کے ساتھ اپنے سینئر ہم وطن سے ایک مقام آگے رہیں۔ 

یہ بھی پڑھئے:پاکستان کے سابق اسپنر کا دعویٰ،بابر اعظم کی سرعام تذلیل کی گئی

منو بھاکر اور ایشا سنگھ کے پاس خواتین کے ۱۰؍ میٹر ایئر پسٹل مقابلے میں تمغہ جیتنے کا ایک اور موقع ہوگا۔ ایشا۱۰؍ میٹر ایئر پسٹل مکسڈ ٹیم ایونٹ کی انٹری لسٹ میں بھی شامل ہیں۔ منو اور ایشا دونوں نے ابھی تک عالمی چیمپئن شپ میں انفرادی تمغہ نہیں جیتا ہے۔ اس عالمی مقابلے میں اب تک ان کے تینوں تمغے ٹیم کیٹیگری میں آئے ہیں۔