ہندوستانی ٹیسٹ کپتان شبھ من گل سری لنکا کے دورے کے دوران پریکٹس سیشن میں زخمی ہونے کے باعث سری لنکا الیون کے خلاف واحد سہ روزہ وارم اپ میچ کے پہلے دن نہیں کھیل رہے ہیں۔ ان کی عدم موجودگی میں نائب کپتان کے ایل راہل ٹیم کی قیادت کر رہے ہیں۔

ہندوستانی ٹیسٹ کپتان شبھ من گل سری لنکا کے دورے کے دوران پریکٹس سیشن میں زخمی ہونے کے باعث سری لنکا الیون کے خلاف واحد سہ روزہ وارم اپ میچ کے پہلے دن نہیں کھیل رہے ہیں۔ ان کی عدم موجودگی میں نائب کپتان کے ایل راہل ٹیم کی قیادت کر رہے ہیں۔

یہ بھی پڑھئے:اشفاق نے ۴۰۰؍ میٹر دوڑ میں قومی ریکارڈ توڑ کر سیمی فائنل میں جگہ بنالی

ہندوستانی کرکٹ کنٹرول بورڈ (بی سی سی آئی) نے بتایا کہ جمعرات کے پریکٹس سیشن کے دوران گل کے دائیں ہاتھ کی رنگ فنگر پر گیند لگنے سے چوٹ لگ گئی ہے۔ احتیاطی اقدام کے طور پر انہیں پہلے دن میدان میں نہ اتارنے کا فیصلہ کیا گیا ہے، جبکہ بی سی سی آئی کی طبی ٹیم ان کی حالت پر مسلسل نظر رکھے ہوئے ہے۔ اب یہ دیکھنا ہوگا کہ گل میچ کے دوسرے یا تیسرے دن کھیل پاتے ہیں یا نہیں۔ سری لنکا الیون نے ٹاس جیت کر پہلے گیندبازی کا فیصلہ کیا ہے اور توقع ہے کہ  ٹیم انڈیا کے زیادہ تر بلے باز دوسرے دن بلے بازی کریں گے۔

یہ بھی پڑھئے:ہم اسکول میں تھے جب سیف کی شادی کی خبر ملی: سوہا اور صبا علی خان

ادھر بی سائی سدرشن بھی ابھی تک سری لنکا نہیں پہنچے ہیں۔ انہیں ہندوستان اے کے دورۂ سری لنکا کے دوران پاؤں کے انگوٹھے میں چوٹ لگ گئی تھی، تاہم امید ہے کہ وہ پہلے ٹیسٹ سے قبل ٹیم سے جڑ جائیں گے۔ گل کی چوٹ ایسے وقت میں سامنے آئی ہے جب   ٹیم انڈیا پہلے ہی کئی اہم کھلاڑیوں کی انجری سے دوچار ہے۔ جسپریت بمراہ بائیں گھٹنے کی تکلیف کے باعث دو ٹیسٹ میچوں کی سیریز سے باہر ہیں اور ان کی جگہ عاقب نبی کو ٹیم میں شامل کیا گیا ہے۔ ہرشیت رانا اور نتیش کمار ریڈی بھی بالترتیب ہیم اسٹرنگ اور کواڈری سیپس کی انجری سے صحت یاب ہو رہے ہیں، جبکہ واشنگٹن سندر کم از کم پہلے ٹیسٹ سے باہر ہو چکے ہیں۔ آکاش دیپ بھی کمر میں اسٹریس ری ایکشن کے باعث طویل عرصے سے ٹیم سے باہر ہیں۔ ہندوستان اور سری لنکا کے درمیان پہلا ٹیسٹ ۱۵؍ اگست سے گال جبکہ دوسرا ٹیسٹ ۲۳؍ اگست سے کولمبو کے ایس ایس سی گراؤنڈ میں کھیلا جائے گا۔