ہندوستانی کرکٹ ٹیم کے سابق کپتان اور بی سی سی آئی کے صدرسورو گنگولی نے کہا کہ سابق وکٹ کیپر بلے باز پارتھیو پٹیل ہمیشہ ٹیم کی طرح کھیلے اور وہ ہندوستانی کرکٹ کے شاندار امبیسڈر ہیں

ہندوستانی کرکٹ ٹیم کے سابق کپتان اور بی سی سی آئی کے صدرسورو گنگولی نے کہا کہ سابق وکٹ کیپر بلے باز پارتھیو پٹیل ہمیشہ ٹیم کی طرح کھیلے اور وہ ہندوستانی کرکٹ کے شاندار امبیسڈر ہیں۔واضح رہے کہ پارتھیو پٹیل نے گزشتہ روز کرکٹ کے تمام فارمیٹ سے ریٹائرمنٹ لے لیا ہے۔یاد رہے کہ پارتھیو پٹیل نے سورو گنگولی نے کی کپتانی میں ہی ہندوستان کےلئے ڈیبو کیا تھا۔
  ہندوستانی کرکٹ بورڈ(بی سی سی آئی) کے صدر سورو گنگولی نے کہا کہ پارتھیو پٹیل ہندوستانی کرکٹ کے شاندار امبیسڈر رہے ہیں۔وہ ہمیشہ ٹیم مین کے طور پر کھیلے اور ۱۷؍سال کی عمر میں جب انہوں نےبین الاقوامی کرکٹ کا آغاز کیا تھا تو ان کی کپتانی کرنا مجھے اچھا لگا تھا۔گنگولی نے مزید کہا کہ پارتھیو پٹیل کی محنت نے انہیں بین الاقوامی اور گھریلو کرکٹ میں کافی شہرت دلائی ہے۔ میں انہیں شاندار کریئر کےلئے مبارکباد دیتا ہوں اورمستقبل کےلئےنیک خواہشات پیش کرتا ہوں۔ رنجی ٹرافی کے فائنل میںانہوںنے جس شاندار کارکردگی کا مظاہرہ کیا تھا اسے ہمیشہ یاد رکھا جائے گا۔ان کی شاندار کارکردگی کی بدولت گجرات نے پہلی بار رنجی ٹرافی کاخطاب حاصل کیا تھا۔۳۵؍ سال کے پارتھیو پٹیل نے ۱۹۴؍ فرسٹ کلاس میچ کھیلے ہیں اور ان میں  شاندار کارکردگی کا مظاہرہ کرتے ہوئے۱۱؍ ہزار ۲۴۰؍رن بنائے ہیں۔انہوںنے ۲۷؍ سنچریاں اور ۶۲؍ ہاف سنچریاں بنائی ہیں۔ان کی  شاندار کارکردگی کے بوتےپر گجرات نے۱۷۔۲۰۱۶ء میں پہلی بار رنجی ٹرافی خطاب حاصل کیا تھا۔ بی سی سی آئی کے سیکریٹری جے شاہ نے کہا کہ پارتھیو پٹیل نے ہمیشہ جنون کے ساتھ کرکٹ کھیلا۔انہوںنے ہندوستانی ٹیم کےلئے کئی بار شاندار کارکردگی کا مظاہرہ کیا۔کرکٹ میں ان کی شراکت اور کارکردگی نوجوانوں کو تحریک دیتی رہےگی۔ بی سی سی آئی ان کے اس ساندار سفر کےلئے مبارکباد دیتی ہے ۔ایک نوجوان کھلاڑی کرکٹ میں اپنا نام کرنا چاہتا تھا اور پٹیل نے ویسا کر دکھایا۔نہیں قومی ٹیم ،گجرات کی ٹیم اور آئی پی ایل ٹیموں کے لئے کی جانے والی شاندار کارکردگی کےلئے مبارکباد دیتا ہوں۔