سہ رخی یکروزہ سیریز کے میچ میں سری لنکا کی مالکی مدارا نے ۴؍وکٹ لئے۔

مالکی مدارا (۴؍ وکٹ) اور دیومی وہنگا (۳؍ وکٹ) کی شاندار گیندبازی کے بعد ہرشیتا سماراویکرما (۷۷؍رن) اور کاویشا دلہری (۶۱؍رن) کی شاندار اننگز کی بدولت سری لنکا کی خواتین ٹیم نے جمعہ کو سہ روزہ سیریز کے تیسرے یکروزہ  میچ میں ۲۱؍ گیندیں باقی رہتے جنوبی افریقہ کو ۵؍ وکٹ سے ہرادیا ہے۔
 جنوبی افریقہ ویمنز کے۲۳۵؍ رن کے جواب میں بیٹنگ کرتے ہوئے سری لنکا کی شروعات خراب رہی کیونکہ اس نے تیسرے اوور میں کپتان چماری اٹاپٹو (۶؍رن) کوگنوا دیا۔ اس کے بعد وشمی گنارتنے نے ہسینی پریرا کے ساتھ مل کر اننگز کو سنبھالنے کی کوشش کی۔ ۱۵؍ ویں اوور میں این ملابا نے وشمی گنارتنے (۲۹؍رن) کو ایل بی ڈبلیو آؤٹ کر کے سری لنکا کو دوسری کامیابی دلائی۔ اس کے بعد ہرشیتا  نے چارج سنبھال لیا۔۱۸؍ویں اوور میں سن لوس نے ہسینی پریرا (۴۲؍رن) کو آؤٹ کیا۔ بیٹنگ کیلئے آنے والی کاویشا دلہری نے  ہرشیتا کے ساتھ۱۲۸؍ رن کی ریکارڈ شراکت کر کےسری لنکا کی فتح کی بنیاد رکھی۔ کاویشا دلہری نے ۷۵؍ گیندوں پر ۶۱؍رن  بنائے۔ کاویشا کو این ملابا نے آؤٹ کیا۔ ہرشیتا  نے۹۳؍ گیندوں پر۷۷؍ رن بنائے۔ ہرشیتاکو ڈی کلرک نے سری لنکا کی پانچویں وکٹ کی شکل  میں آؤٹ کیا۔ سری لنکا نے۴۶ء۳؍اوورس میں ۵؍ وکٹ پر ۲۳۷؍ رن بنا کر میچ ۵؍ وکٹ  سے جیت لیا۔ نیلاکشی ڈی سلوا (۱۱؍رن) اور انوشکا سنجیوانی  (ایک)  ناٹ آؤٹ رہیں۔  جنوبی افریقہ کی جانب سے این ملابا نے ۲؍ وکٹ حاصل کئے۔ مساباتا کلاس، نادین ڈی کلرک اور سن لوئس نے ایک ایک بلے باز کو آؤٹ کیا۔ 
 اس سے قبل جمعہ کو سری لنکا کی خواتین ٹیم نے ٹاس جیت کر جنوبی افریقہ کو بیٹنگ کی دعوت دی۔ بیٹنگ کا انتخاب کرتے ہوئے جنوبی افریقہ کی شروعات خراب رہی، جس نے کپتان لورا وولفارٹ (۱۰) اور ٹیزمین برٹس (۱۴) کو جلد ہی گنوا دیا۔ مالکی مدارا نے وولفہارٹ کو آؤٹ کیا اور سوگندھیکا کماری کو برٹس نے بولڈ کیا۔ کارابو میسو (۹؍رن) روانہ ہونے والی اگلی کھلاڑی تھیں۔  لارا گڈال اور سن لوئس نے اننگز کو سنبھالنے کی کوشش کی لیکن وہ بھی زیادہ دیر تک پچ پر نہیں ٹھہر سکیں۔ ۲۹؍ویں اوور میں دیومی وہنگا نے سنی لوس (۳۱؍ رن) کو آؤٹ کر کے سری لنکا کو پانچویں کامیابی دلائی۔  اینری ڈرکسن نے۶۰؍ گیندوں پر۶۱؍ رن  بنائے۔ سری لنکن بولرس نے جنوبی افریقہ کے بلے بازوں کو آزادی سے کھیلنے نہیں دیا۔