چنئی اور گجرات کی ٹیموںکی قیادت نئے کپتان کررہے ہیں۔ دونوں نے اپنے پہلے میچ میں کامیابی حاصل کی ہےاور وہ اسے برقرار رکھنا چاہیں گے۔

۲؍ نئے کپتانوں شبھمن گل اور رتوراج گائیکواڑ کی قائدانہ صلاحیتوں کی جانچ انڈین پریمیر لیگ (آئی پی ایل) کے دفاعی چمپئن چنئی سپر کنگز اور گجرات ٹائٹنس کے درمیان منگل کو یہاں ہونے والے میچ میں کی جائے گی۔ یہ دونوں اوپننگ بلے باز اپنی فنکارانہ بلے بازی کیلئے جانے جاتے ہیں لیکن یہاں سب کی توجہ ان کی اسٹریٹجک صلاحیتوں پر بھی ہوگی۔ 
 دونوں ٹیمیں اپنا پہلا میچ جیتنے کے بعد آمنے سامنے ہوں گی اور ان کا مقصد جیت کا سلسلہ برقرار رکھنا ہوگا۔ لیجنڈری مہندر سنگھ دھونی نے آئی پی ایل سے عین قبل گائیکواڑ کو کپتانی سونپی، جنہوں نے رائل چیلنجرس بنگلور (آر سی بی) کے خلاف اپنی قائدانہ صلاحیتوں کا خوب مظاہرہ کیا۔ 
 ہاردک پانڈیا کے ممبئی انڈینس کی ٹیم میں شامل ہونے کے بعد کپتانی سنبھالنے والے گِل نے بھی اپنے سابق کپتان کے سامنے اس نئے کردار میں اچھی کارکردگی کا مظاہرہ کیا اور اپنی ٹیم کی جیت میں اہم کردار ادا کیا۔ اس وقت گل کی عمر۲۴؍ سال ہے اور وہ آئی پی ایل میں سب سے کم عمر کپتان ہیں۔ 
 ان کا کام ہیڈ کوچ آشیش نہرا کی موجودگی سے آسان ہو جاتا ہے، جو حکمت عملی میں ماہر ہیں اور تجربہ کار ڈیوڈ ملر اور کین ولیمسن ہیں۔ دوسری طرف گائیکواڑ کو کرشماتی دھونی کی حمایت حاصل ہے۔ گائیکواڑ کی قیادت میں انہوں نے چنئی میں پہلے میچ میں آر سی بی کو۶؍ وکٹ سے شکست دے کر اپنی مہم کا شاندار آغاز کیا۔ 
 چنئی سپرکنگز کے آخری میچ میں تیز گیند باز تشار دیشپانڈے نے کافی رن دیئے تھے۔ اسے ٹیم میں اپنی جگہ برقرار رکھنے کے لئے اچھی کارکردگی پیش کرنی ہوگی کیونکہ شاردُل ٹھاکر اور مکیش کمار پلیئنگ الیون میں جگہ کے مضبوط دعویدار ہیں۔ چنئی کے لئے اچھی بات یہ تھی کہ بنگلہ دیش کے تیز گیند باز مستفیض الرحمان نے اچھی کارکردگی کا مظاہرہ کیا۔ 
 چنئی اپنے بیٹنگ آرڈر میں کوئی تبدیلی کرنے کا امکان نہیں ہے۔ دوسری جانب اگر ٹائٹنس میچ جیتنا چاہتے ہیں تو ان کے بلے بازوں کو اچھی کارکردگی پیش کرنی ہوگی۔ ممبئی کے خلاف گزشتہ میچ میں اس کے بلے باز اچھے آغاز کو بڑے اسکور میں تبدیل نہیں کر پائے تھے۔ تاہم اس کے گیندبازوں نے عمدہ کارکردگی کا مظاہرہ کیا جس کی وجہ سے ٹیم میچ جیتنے میں کامیاب رہی۔ 
  چنئی سپر کنگز: رتوراج گائیکواڑ (کپتان)، ایم ایس دھونی (وکٹ کیپر)، معین علی، دیپک چاہر، تشار دیشپانڈے، شیوم دوبے، راج وردھن ہنگارکر، رویندر جڈیجا، اجے منڈل، مکیش چودھری، اجنکیا رہانے، شیخ رشید، مشیل سینٹنر، سمر سنگھ، نشانت سندھو، پرشانت سولنکی، مہیش تھیکشنا، راچن رویندر، شاردُل ٹھاکر، ڈیرل مشیل، سمیر رضوی، مستفیض الرحمان اور اراولی اونیش راؤ (وکٹ کیپر)۔ 
 گجرات ٹائٹنس: شبھمن گل (کپتان)، ڈیوڈ ملر، میتھیو ویڈ، ردھیمان ساہا، کین ولیمسن، ابھینو منوہر، سائی سدرشن، درشن نالکنڈے، وجے شنکر، جینت یادو، راہل تیوتیا، نور احمد، سائی کشور، راشد خان، جوشوا لٹل، موہت شرما، عظمت اللہ عمرزئی، امیش یادو، شاہ رخ خان، سُشانت مشرا، کارتک تیاگی، مناو ستھر، اسپینسر جانسن، سندیپ واریئر، بی آر شرتھ۔ 
چنئی سپرکنگز کے بارے میں 
چنئی سپرکنگز کے آخری میچ میں تیز گیند باز تشار دیشپانڈے نے کافی رن دیئے تھے۔ انہیں ٹیم میں اپنی جگہ برقرار رکھنے کے لئے اچھی کارکردگی پیش کرنی ہوگی کیونکہ شاردُل ٹھاکر اور مکیش کمار پلیئنگ الیون میں جگہ کے مضبوط دعویدار ہیں۔ 
 چنئی کیلئے اچھی بات یہ تھی کہ بنگلہ دیش کے تیز گیند باز مستفیض الرحمان نے اچھی کارکردگی کا مظاہرہ کیا۔ 
چنئی اپنے بیٹنگ آرڈر میں کوئی تبدیلی کرنے کا امکان نہیں ہے۔ اس کے پاس اچھا بلے بازی آرڈر ہے اور سبھی اچھا کھیل رہے ہیں۔