لَو اینڈ وار بجٹ: رنبیر کپور، عالیہ بھٹ اور وکی کوشل کی `لَو اینڈ وار اس وقت دوبارہ خبروں میں ہے۔ سنجے لیلا بھنسالی کی یہ فلم اس بار بجٹ کی وجہ سے سرخیاں بٹور رہی ہے۔ ایک رپورٹ میں فلم کے اصل بجٹ کے بارے میں بڑا دعویٰ کیا گیا ہے۔

ہدایتکار سنجے لیلا بھنسالی کی فلم ’’لَو اینڈ وار‘‘ کافی عرصے سے زیر بحث ہے۔ سنجے لیلا بھنسالی اپنی اس فلم میں رنبیر کپور، عالیہ بھٹ اور وکی کوشل کو پہلی بار ایک ساتھ بڑے پردے پر لے کر آ رہے ہیں۔ اس سے پہلے یہ تینوں کبھی ساتھ کام نہیں کر چکے۔ فلم کی باتیں طویل عرصے سے ہیں۔ حال ہی میں اس کے بجٹ کے حوالے سے بھی ایک رپورٹ میں بڑا دعویٰ سامنے آیا تھا، جس میں بتایا گیا کہ اس فلم پر میکرز ۴۵۰؍ کروڑ کے بھاری بھرکم بجٹ میں کام کر رہے ہیں۔ تاہم نئی رپورٹ میں اسے غلط قرار دیا گیا ہے۔
’’لَو اینڈ وار’ کا بجٹ کیا ہے؟‘‘
بالی ووڈ ہنگاما نے اپنی ایک رپورٹ میں ذرائع کے حوالے سے بتایا ہے کہ فلم پر۴۵۰؍ کروڑ کا خرچ نہیں ہوگا۔ رپورٹ میں کہا گیا کہ فلم پلان کے مطابق ہی آگے بڑھ رہی ہے۔ ذرائع نے بتایا ’’لَو اینڈ وار‘‘ کا بجٹ بڑھا ہے، مگر یہ تو سنجے لیلا بھنسالی کی ہر فلم کے ساتھ ہوتا ہے۔ ابتدا میں بجٹ ۲۵۰؍ کروڑ طے ہوا تھا، لیکن شوٹنگ کے دوران یہ ۳۵۰؍ کروڑ تک پہنچ گیا ہے۔‘‘
مزید کہا گیاکہ ’’سنجے لیلا بھنسالی اپنے وژن سے سمجھوتہ نہیں کرتے اور یہ فلم وہ اپنے جذبے کے ساتھ بنا رہے ہیں۔ ان کا ماننا ہے کہ یہ اب تک ان کا سب سے بہترین کام ہوگا۔۴۲۵؍ کروڑ روپے کی پروڈکشن لاگت بتانا جان بوجھ کر پروجیکٹ کو نقصان پہنچانے کی کوشش ہے اور ایسے کسی دعوے میں کوئی حقیقت نہیں۔‘‘

یہ بھی پڑھئے:منی رتنم کی نئی فلم: وجے سیتھوپتی اور سائی پلوی کے نام پر غور

’’لَو اینڈ وار ‘‘اس لیے ۴۲۵؍ کروڑ نہیں ہے 
رپورٹ میں بتایا گیا کہ ذرائع نے کہا کہ یہ کوئی وی ایف ایکس   والی فلم نہیں ہے  بلکہ اس فلم کے زیادہ تر حصے کو پرانے زمانے کے سیٹ پر فلمایا گیا ہے، جس پر زیادہ لاگت نہیں آتی۔ کوئی بھی جو فلم میکنگ سمجھتا ہے وہ یہی کہے گا کہ ۴۲۵؍ کروڑ کا دعویٰ جھوٹ ہے۔ رپورٹ میں بتایا گیا کہ فلم کا بجٹ ۳۵۰؍ کروڑ ہے اور مارکیٹنگ پر ۳۰؍ کروڑ اور خرچ کیے جائیں گے۔ یعنی کل لاگت ۳۸۰؍ کروڑ تک پہنچے گی۔

یہ بھی پڑھئے:ایران پر امریکہ اور اسرائیل کا حملہ غیر قانونی جارحانہ جنگ ہے: ظہران ممدانی

’’لَو اینڈ وار‘‘ کب آئے گی؟
’’لَو اینڈ وار‘‘کی شوٹنگ کافی عرصے سے جاری ہے۔ بتایا جا رہا ہے کہ یہ فلم اگلے سال ریلیز کی جائے گی۔ دراصل رنبیر کپور اس وقت نتیش  تیواری کی رامائن میں بھی مصروف ہیں، جو دو حصوں میں ریلیز ہوگی۔ پہلا حصہ اسی سال دیوالی پر آئے گا اور دوسرا حصہ اگلے سال دیوالی پر۔ ان دونوں فلموں کے درمیان ’’لَو اینڈ وار‘‘ ریلیز کرنے کی منصوبہ بندی ہے۔ شوٹنگ اس سال جون تک مکمل ہونے کی توقع ہے۔