ہندوستان کے اسٹار کرکٹ کھلاڑی وراٹ کوہلی کیلئے ۲۰۲۳ءکافی یادگاررہا۔ انہوں نے کئی ریکارسڈ بنائے اور توڑے۔ وہ پچھلے سال دوسرے سب سے زیادہ بین الاقوامی رن بنانے والے بلے باز تھے۔
EPAPER
Updated: January 03, 2024, 11:07 AM IST | Agency | New Delhi
ہندوستان کے اسٹار کرکٹ کھلاڑی وراٹ کوہلی کیلئے ۲۰۲۳ءکافی یادگاررہا۔ انہوں نے کئی ریکارسڈ بنائے اور توڑے۔ وہ پچھلے سال دوسرے سب سے زیادہ بین الاقوامی رن بنانے والے بلے باز تھے۔
ہندوستان کے اسٹار کرکٹ کھلاڑی وراٹ کوہلی کیلئے ۲۰۲۳ءکافی یادگاررہا۔ انہوں نے کئی ریکارسڈ بنائے اور توڑے۔ وہ پچھلے سال دوسرے سب سے زیادہ بین الاقوامی رن بنانے والے بلے باز تھے۔ انہوں نے ۳۵؍میچوں میں ۸؍سنچریوں اور ۱۰؍نصف سنچریوں کی مدد سے۲؍ہزار۴۸؍ رن بنائے۔انہوں نے ہندوستان کے عظیم بلے باز سچن تینڈولکر کو پچھاڑ کر سب سے زیادہ ۵۰؍ ون ڈے سنچریوں کا ریکارڈ اپنے نام کیا۔ وہ ون ڈے ورلڈ کپ میں پلیئر آف دی ٹورنامنٹ تھے۔ تاہم کوہلی کو فائنل میں شکست کا درد بھی برداشت کرناپڑاتھا۔
ریکارڈس جو وراٹ کوہلی ۲۰۲۴ء میں توڑ سکتے ہیں
وراٹ کوہلی یکروزہ کرکٹ میں تیز ترین۱۴؍ہزار رن مکمل کرنے کی دہلیز پر ہیں ۔ اس کیلئے انہیں ۱۵۲؍ رن درکار ہیں ۔ انہوں نے ۲۹۲؍ میچوں میں ۱۳؍ہزار۸۴۸؍ رن بنائے ہیں ۔ اس وقت یہ ریکارڈ سچن تینڈولکر کے نام ہے جنہوں نے ۳۵۰؍ میچوں میں یہ کارنامہ انجام دیا تھا۔
وراٹ کوہلی کو تمام فارمیٹ میں انگلینڈ کے خلاف ہندوستان کے سب سے زیادہ رن بنانے کیلئے ۲۱؍رن درکار ہیں ۔ کوہلی انگلینڈ کے خلاف ۴ ؍ ہزار بین الاقوامی رن بنانے والے پہلے ہندوستانی بلے باز بننے سے صرف ۳۰؍ رن دور ہیں ۔ واضح رہےکہ ہندوستان اور انگلینڈ کے درمیان جنوری سے مارچ تک ۵؍ ٹیسٹ میچوں کی سیریز کھیلی جانی ہے۔
– وراٹ کوہلی کو ٹی۔۲۰؍کرکٹ میں ۱۲؍ ہزار رن بنانے والے پہلے ہندوستانی بننے کیلئے صرف ۳۵؍ رن درکار ہیں ۔ وہ ٹی ۔۲۰؍ کرکٹ میں سب سے زیادہ رن بنانے والے کھلاڑیوں کی فہرست میں چوتھے نمبر پر ہیں ۔ ان سے آگے ویسٹ انڈیز کے کرس گیل، پاکستان کے شعیب ملک اور ویسٹ انڈیز کے کیرون پولارڈ ہیں ۔
وراٹ کوہلی کو گھریلو سرزمین پر سب سے زیادہ بین الاقوامی سنچریاں بنانے والے بلے باز بننے کیلئے۵؍ سنچریاں درکار ہیں ۔ یہ ریکارڈ اس وقت سچن تینڈولکر کے کھاتے میں ہے۔ انہوں نے ۲۴؍ سالہ کریئر میں ہوم گراؤنڈ پر ۴۲؍ سنچریاں بنائی ہیں ۔
کوہلی نیوزی لینڈ کے خلاف سب سے زیادہ بین الاقوامی سنچریاں بنانے والے ہندوستانی کھلاڑی بننے کی راہ پر ہیں ۔ انہیں یہ کارنامہ انجام دینے کیلئے ایک سنچری درکار ہے۔ کوہلی اور سچن ۹۔۹؍سنچریوں کے ساتھ برابر ہیں ۔