ہندوستان کے نیرج چوپڑہ اور پاکستان کے ارشد ندیم ایک بار پھر ایتھلیٹکس میدان میں آمنے سامنے ہوں گے۔ ٹوکیو میں ہونے والی ورلڈ ایتھلیٹکس چمپئن شپ ۲۰۲۵ء میں دونوں اولمپک گولڈ میڈلسٹوں کا دلچسپ مقابلہ متوقع ہے۔

ٹاپ انڈین ایتھلیٹ نیرج چوپڑہ اور پاکستان کے موجودہ اولمپک چمپئن ارشد ندیم اس ماہ کے آخر میں ٹوکیو میں ہونے والی عالمی ایتھلیٹکس چمپئن ۲۰۲۵ء شپ میں پیرس گیمز کے جیولین فائنل کے ہائی پروفائل دوبارہ میچ کیلئے تیار ہیں۔ چوپڑہ، موجودہ عالمی چمپئن، ۱۳؍ سے ۲۱؍ ستمبر کے شو پیس میں ۱۹؍ رکنی ہندوستانی ٹیم کی قیادت کر رہے ہیں جبکہ ندیم پاکستان کے واحد کھلاڑی ہیں۔ مردوں کے نیزہ پھینکنے کی کوالیفکیشن ۱۷؍ستمبر کو ہوگی اور فائنل اگلے دن ہوگا۔ جاپان نیشنل اسٹیڈیم میں نیرج چوپڑہ بمقابلہ ارشد ندیم کا مقابلہ، جہاں نیراج نے ٹوکیو۲۰۲۰ء میں سونے کا تمغہ جیتا تھا، پیرس۲۰۲۴ء کے بعد ان کا پہلا آمنے سامنے مقابلہ ہوگا، جب ندیم نے اولمپک ریکارڈ۹۷ء۹۲؍ میٹر پھینک کر سونا جیتا تھا۔ ارشد ندیم نے پیرس۲۰۲۴ء کے بعد صرف ایک بار مقابلہ کیا ہے، جب انہوں نے مئی میں جنوبی کوریا کے گومی میں ہونے والے ایشین ایتھلیٹکس چمپئن شپ میں ۴۰ء۸۶؍ میٹر پھینک کر سونا جیتا۔ 

یہ بھی پڑھئے: روہت یکروزہ کرکٹ کھیلتے رہیں گے: عرفان پٹھان

پیرس ۲۰۲۴ءکے سونے کے تمغے کے حامل ندیم ٹوکیو میں نیرج سے اپنا عالمی ٹائٹل چھیننے کی امید رکھیں گے، جبکہ دو سال قبل بوداپسٹ میں اپنے حریف کے پیچھے سلور میڈل جیتا تھا۔ ورلڈ ایتھلیٹکس چمپئن شپ میں مردوں کے نیزہ پھینکنے کے ایونٹ میں فارم میں موجود جرمن ایتھلیٹ جولیان ویبر، جو گزشتہ ماہ ڈائمنڈ لیگ جیت چکے ہیں، گرینیڈا کے دو مرتبہ عالمی چمپئن اینڈرسن پیٹرز اور سابق اولمپک چمپئن کیشورن والکاٹ ٹرینیڈا و ٹوباگو بھی حصہ لیں گے۔