راکنگ اسٹار یش کی طویل انتظار کی جانے والی فلم ’’ ٹاکسک: اے فیری ٹیل فار گرون اَپس‘‘ کا ٹریلر جاری کر دیا گیا ہے۔ ٹریلر میں ایک ایسی وسیع اور پراسرار دنیا کی جھلک دکھائی گئی ہے، جہاں افراتفری کا مقابلہ افراتفری سے ہوتا ہے، وفاداریوں کا امتحان لیا جاتا ہے اور ہر کردار اپنی الگ کہانی کے ساتھ سامنے آتا ہے۔

راکنگ اسٹار یش کی طویل انتظار کی جانے والی فلم ’’ ٹاکسک: اے فیری ٹیل فار گرون اَپس‘‘‘ کا ٹریلر جاری کر دیا گیا ہے۔ ٹریلر میں ایک ایسی وسیع اور پراسرار دنیا کی جھلک دکھائی گئی ہے، جہاں افراتفری کا مقابلہ افراتفری سے ہوتا ہے، وفاداریوں کا امتحان لیا جاتا ہے اور ہر کردار اپنی الگ کہانی کے ساتھ سامنے آتا ہے۔

یش کی قیادت میں بننے والی یہ فلم بڑے پیمانے پر تیار کی گئی ایک ایسی داستان کے طور پر نظر آتی ہے، جس میں زبردست ایکشن کے ساتھ جذباتی کہانی بھی شامل ہے۔ ٹریلر میں محبت، اقتدار کی خواہش، فریب دہی اور نجات جیسے پہلوؤں کو ایک ساتھ پیش کیا گیا ہے۔ شاندار مناظر، سنسنی خیز ایکشن، پیچیدہ کردار اور گہرے رشتے فلم کی دنیا کو مزید مؤثر بناتے ہیں۔

یہ بھی پڑھئے:پہلی فلم میں ہیما مالنی ڈر کی وجہ سے ڈائیلاگ بھی صحیح نہیں بول پارہی تھیں

فلم کے ٹریلر کی سب سے خاص بات یش کا یش سے ہی مقابلہ ہے۔ یش فلم میں رایا اور ٹکٹ، دونوں کردار ادا کرتے دکھائی دے رہے ہیں۔ باپ اور بیٹے کے طور پر دونوں کردار کہانی میں ٹکراؤ کے دو مختلف پہلوؤں کی نمائندگی کرتے نظر آتے ہیں۔ یہ تصادم فلم کی مرکزی کہانی کا ایک اہم حصہ دکھائی دیتا ہے۔
فلم کی سنیماٹوگرافی اس کی تاریک اور پراسرار دنیا کو مزید مؤثر بناتی ہے۔ گیتو موہن داس نے ایکشن، جذبات اور کرداروں کے باہمی تعلقات کو ایک ساتھ جوڑ کر ایسی سنیما کی دنیا تیار کی ہے جو ناظرین کو ایک منفرد تجربہ دینے کا وعدہ کرتی ہے۔

یہ بھی پڑھئے:سعودی، ترکی اور پاکستان معاہدہ کی عالمی میڈیا میں گونج

’’ٹاکسک‘‘ کو کنڑ اور انگریزی زبان میں بیک وقت بنایا گیا ہے۔ فلم کو ہندی، تیلگو، تمل اور ملیالم زبانوں میں ڈب کرکے بھی ریلیز کیا جائے گا۔ فلم سازوں کا مقصد ایکشن اور سنسنی سے بھرپور اس دنیا کو ملک بھر میں مختلف زبانیں بولنے والے ناظرین تک پہنچانا ہے۔  یہ فلم  ۲۶؍ اگست ۲۰۲۶ء کو دنیا بھر کے سینما گھروں میں ریلیز ہونے کے لیے تیار ہے۔