ہندوستانی بیڈمنٹن کھلاڑی انتی ہڈا اور تنوی شرما نے جمعہ کو شاندار کارکردگی کا مظاہرہ کرتے ہوئے اپنے اپنے مقابلوں میں جیت درج کر کے تائیپے اوپن ۲۰۲۶ء بیڈمنٹن ٹورنامنٹ کے سیمی فائنل میں جگہ بنا لی ہے۔

ہندوستانی بیڈمنٹن کھلاڑی انتی ہڈا اور تنوی شرما نے جمعہ کو شاندار کارکردگی کا مظاہرہ کرتے ہوئے اپنے اپنے مقابلوں میں جیت درج کر کے تائیپے اوپن ۲۰۲۶ء بیڈمنٹن ٹورنامنٹ کے سیمی فائنل میں جگہ بنا لی ہے۔ جمعہ کو کھیلے گئے مقابلے میں تیسری سیڈ یافتہ انتی ہڈا نے آٹھویں سیڈ دیویکا سہاگ کے خلاف آل انڈین کوارٹر فائنل میں جیت حاصل کی۔ انہوں نے تائیپے ایرینا میں  ۴۲؍منٹ تک چلے مقابلے میں سہاگ کو ۲۱۔۲۳، ۱۸۔۲۱؍ سے ہرایا۔’

🏸TANVI SHARMA & UNNATI HOODA REACHED SEMIS OF TAIPEI OPEN

Tanvi Sharma defeated Supanida Katethong🇹🇭 21-15, 18-21, 21-14 to reach the Semis of Taipei Open.

Semis vs Huang🇹🇼

Unnati Hooda defeated compatriot Devika Sihag 23-21, 21-16. pic.twitter.com/hDQeCoMDVj

— SPORTS ARENA🇮🇳 (@SportsArena1234) July 31, 2026

تنوی شرما نے بھی سخت مشقت کے بعد انتی کے ساتھ آخری چار میں جگہ بنائی۔ میچ کے درمیان میں لڑکھڑانے کے باوجود، انہوں نے تھائی لینڈ کی چوتھی سیڈ حاصل سپنیدا کاٹیٹھونگ کو ۵۴؍ منٹ تک چلے مقابلے میں۱۵۔۲۱، ۲۱۔۱۸، ۱۴۔۲۱؍ سے ہرایا۔بیڈمنٹن رینکنگ میں ۲۸؍ویں نمبر پر موجود انتی کے لیے یہ بی ڈبلیو ایف ورلڈ ٹور ۲۰۲۶ء میں پہلا سیمی فائنل ہوگا۔ دلچسپ بات یہ ہے کہ اس سیزن میں اپنے پچھلے تمام ورلڈ ٹور میچوں میں یہ ہندوستانی بیڈمنٹن کھلاڑی شروعاتی دور سے آگے نہیں بڑھ پائی تھیں۔ وہیں، دنیا کی ۳۴؍ویں نمبر کی کھلاڑی تنوی شرما اس سال اپنے دوسرے بی ڈبلیو ایف سپر۳۰۰؍ سیمی فائنل میں پہنچی ہیں؛ اس سے پہلے وہ اورلیئنز ماسٹرز میں آخری چار میں پہنچی تھیں۔

یہ بھی پڑھئے:ہندوستان نے ویٹ لفٹنگ میں ایک گولڈ سمیت کل آٹھ تمغے جیتے

دونوں کھلاڑی الگ الگ بریکٹ میں ہیں، اس لیے سیمی فائنل میں ان کا آمنا سامنا نہیں ہوگا۔ انتی ہڈا کا مقابلہ ویتنام کی چھٹی سیڈ حاصل نگوین تھوئی لن سے ہوگا، جبکہ بغیر سیڈ والی تنوی شرما کا مقابلہ پانچویں سیڈ اور گھریلو کھلاڑی ہوانگ یو-ہسن سے ہوگا۔ ہوانگ یو-ہسن نے کوارٹر فائنل میں اپنے ہی ملک کی دوسری سیڈ یافتہ لن ہسیانگ-ٹی کو ہرا کر الٹ پھیر کیا؛ لن نے اس سے پہلے کے راؤنڈ میں اشمیتا چالیہا اور انمول کھرب کو باہر کیا تھا؛ دوسری طرف، لن نے کوارٹر فائنل میں ٹاپ سیڈ  چیو پن-چین کو باہر کا راستہ دکھایا۔

یہ بھی پڑھئے:’’اسپائیڈر مین: برانڈ نیو ڈے‘‘ نے ہندوستان میں تاریخ رقم کی، کئی ریکارڈ توڑے

انتی اور تنوی، دونوں ہی ۲۰۲۶ء ایشیائی کھیلوں کے لیے ہندوستان کی ٹیم کا حصہ ہیں۔ اس دوران، ٹورنامنٹ میں مردوں کے ایونٹس میں ہندوستان کا چیلنج ختم ہو گیا، کیونکہ کرن جارج سنگلز مقابلے میں چوتھے سیڈ والے جاپانی کھلاڑی یوڈائی اوکیموتو سے ۱۲۔۲۱، ۱۰۔۲۱؍ سے ہار کر باہر ہو گئے۔