وزیر خارجہ ایس جے شنکر نے جمعہ کی شام اپنے ایرانی ہم منصب وزیر خارجہ عباس عراقچی کے ساتھ ٹیلی فون پر گفتگو کی، جس کے دوران انہوں نے مشرق وسطیٰ کے ہنگامہ خیز خطے میں بڑھتی ہوئی دشمنیوں اور کشیدگی کے حوالے سے ہندوستان کی گہری تشویش کا اظہار کیا۔

وزیر خارجہ ایس جے شنکر نے جمعہ کی شام اپنے ایرانی ہم منصب وزیر خارجہ عباس عراقچی کے ساتھ ٹیلی فون پر گفتگو کی، جس کے دوران انہوں نے مشرق وسطیٰ کے ہنگامہ خیز خطے میں بڑھتی ہوئی دشمنیوں اور کشیدگی کے حوالے سے ہندوستان کی گہری تشویش کا اظہار کیا۔ اس گفتگو کی تفصیلات جے شنکر نے سوشل میڈیا پلیٹ فارم ایکس پر شیئر کیں۔ واضح رہے کہ یہ گفتگو ایسے وقت میں ہوئی ہے جب خلیج فارس اور آس پاس کے بحری راستوں میں بحری سلامتی میں نمایاں کمی آئی ہے۔وزیر جے شنکر نے اپنے ایرانی ہم منصب پر زور دیا کہ وہ اس بات کو یقینی بنائیں کہ بین الاقوامی پانی میں کام کرنے والے تجارتی بحری جہازوں اور بحری عملے کو کسی بھی قسم کے حملے سے محفوظ رکھا جائے۔بعد ازاں انہوں نے واضح طور پر کہا کہ تجارتی جہازوں اور معصوم عملےپر حملوں کو کسی بھی صورت حال میں روکا جانا چاہیے، اور اس بات پر زور دیا کہ ہندوستان اس طرح کے کسی بھی جارحانہ عمل کی، چاہے وہ کسی بھی فریق کی طرف سے کیا جائے، واضح طور پر مذمت کرتا ہے۔

یہ بھی پڑھئے: تلنگانہ: مودی سے متعلق قابلِ اعتراض پوسٹس، میٹا انڈیا ہیڈ کے خلاف ایف آئی آر

واضح رہے کہ ہندوستان کے بہت سے شہری تجارتی بحری جہازوں پر کام کرتے ہیں، اور ان کی حفاظت کو یقینی بنانا انتہائی اہمیت کا حامل ہے۔وزیر خارجہ کی پوسٹ کے مطابق، عراقچی نے انہیں موجودہ جغرافیائی سیاسی پیش رفت اور علاقائی کشیدگی کو کم کرنے کے لیے جاری سفارتی مذاکرات کے بارے میں ایرانی نقطہ نظر سے مکمل طور پر آگاہ کیا۔ جے شنکر نے اس بریفنگ کا نوٹس لیا اور تنازعات کو مکالمے اور سفارت کاری کے ذریعے حل کرنے کے لیے ہندوستان کے مضبوط عزم کا اعادہ کیا۔ انہوں نے اس بات پر زور دیا کہ پرامن مذاکرات ہی خطے میں پائیدار استحکام کے حصول کا واحد قابل عمل راستہ ہیں۔ مزید برآں ہندوستانی وزیر کی یہ بات چیت علاقائی اور عالمی اسٹیک ہولڈرز کے ساتھ کشیدگی کم کرنے کےکی کوشش  کو ظاہر کرتی ہے۔ یاد رہے کہ ہندوستان  کے ایران کے ساتھ گہرے تاریخی اور تہذیبی تعلقات ہیں، اور نئی دہلی نے ہمیشہ تحمل اور تعمیری مواصلات کی وکالت کی ہے۔ دونوں سرفہرست سفارت کاروں کے درمیان یہ گفتگو مزید مشاورت کی راہ ہموار کرنے کی امید ہے، کیونکہ ہندوستان صورتحال پر گہری نظر رکھے ہوئے ہے۔ساتھ ہی خطے میں امن کی تعمیر کی کسی بھی کوشش میں مثبت کردار ادا کرنے کے لیے تیار ہے۔