اسپین کے کارلوس الکاراز نے اپنے ایتھلیٹک ہنر اور شاٹ میکنگ کا شاندار مظاہرہ کرتے ہوئے اٹلی کے اسٹار یانک سنرکو ہرا کر مردوں کا سنگلز خطاب اپنے نام کر لیا ہے۔

اسپین کے کارلوس الکاراز نے اپنے ایتھلیٹک ہنر اور شاٹ میکنگ کا شاندار مظاہرہ کرتے ہوئے اٹلی کے اسٹار یانک سنرکو ہرا کر مردوں کا سنگلز خطاب اپنے نام کر لیا ہے۔ دوسرے سیڈ یافتہ۲۲؍ سالہ کھلاڑی نے آرتھر ایش اسٹیڈیم میں اتوار کی رات کھیلے گئے فائنل  میں سنرکو۲۔۶، ۶۔۳، ۱۔۶، ۴۔۶؍ سے ہرا کر یو ایس اوپن مردوں کا سنگلز خطاب دوبارہ جیتا اور عالمی ٹینس کی چوٹی پر پہنچ گئے۔ اس جیت کے ساتھ الکاراز نے۲۰۲۲ء میں یو ایس اوپن اور۲۰۲۳ء میں ومبلڈن میں کامیابی کے بعد اپنا تیسرا گرینڈ سلیم  خطاب حاصل کیا اور انہوں نے اس سال کے آغاز میں ومبلڈن فائنل میں سنر سے ملی  والی شکست کا  حساب بھی  برابر کردیا۔

Carlos Alcaraz is a US Open champion once again! 🏆🏆 pic.twitter.com/VxwNranecl

— US Open Tennis (@usopen) September 7, 2025

الکاراز نے پہلا سیٹ۲۔۶؍ سے جیت لیا، دونوں جانب سے شاندار شاٹس لگائے اور سنر کی ابتدائی سروس بریک کرکے مسلسل دباؤ میں رکھا تاہم اطالوی کھلاڑی نے دوسرے سیٹ میں اپنا فارم حاصل کیا، اپنی سروس میں بہتری کی اور الکاراز کے بیک ہینڈ کو نشانہ بنا کر مقابلہ۳۔۶؍ سے برابر کر دیا۔ تیسرے سیٹ میں الکاراز نے اچھی سروس کی اور شاندار شاٹس لگا کر۱۔۶؍ سے کامیابی  حاصل کی۔ چوتھے سیٹ میں سنر نے جم کر مقابلہ کیا، لیکن الکاراز نے۴۔۶؍ سے چوتھا سیٹ جیت کر میچ اپنے نام کر لیا۔

یہ بھی پڑھیئے:دورہ ٔ آسٹریلیا سے قبل وراٹ اور روہت یکروزہ میچ کھیلیں گے

اس جیت کے ساتھ ہی الکاراز نوواک جوکووچ کے بعد ۳؍ گرینڈ سلیم  خطاب جیتنے والے سب سے کم عمر کھلاڑی بن گئے ہیں۔ ان کی فٹنیس، ہمہ جہت حکمت عملی  اور بڑے اسٹیج پر ابھرنے کی صلاحیت نے انہیں مردوں کے ٹینس میں ایک نئے دور کی شروعات کا رہنما بنا دیا ہے۔ ماہرین کا ماننا ہے کہ سنر کے ساتھ ان کی رقابت اگلی دہائی کو متعین کر سکتی ہے، بالکل ویسے ہی جیسے فیڈرر، ندال اور جوکووچ کے درمیان ہونے والے شاندار مقابلوں نے کیا تھا۔