روہت شرما کے بعد اب لیجنڈ کرکٹر وراٹ کوہلی نے بھی ٹیسٹ کرکٹ سے فوری طور پر ریٹائر ہونے کا اعلان کر دیا ہے۔ وراٹ کوہلی نے ٹیسٹ کرکٹ سے ریٹائرمنٹ کی معلومات سوشل میڈیا پر اپنے تمام مداحوں کے ساتھ شیئر کیں۔

روہت شرما کے بعد اب لیجنڈ کرکٹر وراٹ کوہلی نے بھی ٹیسٹ کرکٹ سے فوری طور پر ریٹائر ہونے کا اعلان کر دیا ہے۔ ۳۶؍ سالہ وراٹ کوہلی کو ٹیسٹ کرکٹ میں آسٹریلیا کے دورے کے دوران بارڈر گواسکر ٹرافی میں کھیلتے ہوئے دیکھا گیا تھا۔ جہاں ہندوستان کو ۵؍ میچوں کی سیریز میں ۱-۳؍ سے شکست کا سامنا کرنا پڑا۔ وراٹ کوہلی نے سیریز کے پہلے میچ یعنی پرتھ ٹیسٹ میں سنچری بنائی تھی لیکن اس کے بعد وہ جدوجہد کرتے نظر آئے تھے۔ 

 

 

 

 

 

View this post on Instagram

 

 

 

 

 

 

 

 

 

 

 

A post shared by Virat Kohli (@virat.kohli)

وراٹ کوہلی نے ٹیسٹ کرکٹ سے ریٹائرمنٹ کی معلومات سوشل میڈیا پر اپنے تمام مداحوں کے ساتھ شیئر کیں۔ انہوں نے لکھا کہ ’’ پہلی بار ٹیسٹ کرکٹ میں بیگی بلیو پہنا۱۴؍ سال ہو گئے ہیں۔ سچ کہوں تو میں نے کبھی تصور نہیں کیا تھا کہ یہ سفر مجھے کہاں لے جائے گا۔ اس نے مجھے آزمایا، شکل دی، اور وہ سبق سکھائے جو میں زندگی بھر ساتھ رکھوں گا۔ سفید لباس میں کھیلنا کچھ ذاتی سا ہوتا ہے۔ خاموش محنت، لمبے دن، وہ چھوٹے لمحات جو کوئی نہیں دیکھتا لیکن ہمیشہ یاد رہتے ہیں۔"
وراٹ کوہلی نے سبھی شائقین کا شکریہ بھی ادا کیا۔ انہوں نے لکھا : ’’جب میں اس فارمیٹ کو الوداع کہہ رہا ہوں تو یہ آسان نہیں ہے لیکن یہ صحیح لگتا ہے۔ میں نے اس میں اپنا سب کچھ دیا ہے اور اس نے مجھے میری توقع سے زیادہ واپس دیا ہے۔ میں تہہ دل سے شکر گزار ہوں اس کھیل کا، ان لوگوں کا جن کے ساتھ میں نے میدان شیئر کیا اور ہر اس شخص کا جنہوں نے اس سفر میں مجھے دیکھا اور سراہا۔ میں ہمیشہ اپنے ٹیسٹ کریئر کو مسکان کے ساتھ یاد کروں گا۔ ‘‘
خیال رہے کہ وراٹ کوہلی کا ٹیسٹ ڈیبیو جون۲۰۱۱ء میں ویسٹ انڈیز کے خلاف کنگسٹن میں ہوا تھا۔ اس وقت کوہلی نے پہلی اننگز میں ۴؍ اور دوسری اننگز میں ۱۵؍ رنز بنائے تھے۔ ان کا آخری ٹیسٹ آسٹریلیا کے خلاف سڈنی میں تھا جو جنوری۲۰۲۵ء میں کھیلا گیا تھا۔ اس آخری ٹیسٹ میں کوہلی نے پہلی اننگز میں ۱۷؍اور دوسری اننگز میں ۶؍ رنز بنائے تھے۔