ہندوستانی ایتھلیٹ وتھیا رامراج نے ایشین گیمز ۲۰۲۶ءمیں خواتین کی ۴۰۰ ؍میٹر ہرڈلز میں کانسے کا تمغہ جیتنے کے ساتھ ہندوستانی ایتھلیٹکس کی تاریخ میں ایک اہم سنگ میل قائم کردیا۔

ہندوستانی ایتھلیٹ  وتھیا رامراج  نے ایشین گیمز ۲۰۲۶ءمیں خواتین کی ۴۰۰ ؍میٹر ہرڈلز میں کانسے کا تمغہ جیتنے کے ساتھ ہندوستانی ایتھلیٹکس کی تاریخ میں ایک اہم سنگ میل قائم کردیا۔ وتھیا نے ۷۵ء۵۴؍  سیکنڈ کا وقت لیتے  ہوئے عظیم ہندوستانی ایتھلیٹ  پی ٹی اوشا  کا ۴۲؍ سال پرانا قومی ریکارڈ توڑ دیا۔ اوشا کا ریکارڈ۴۲ء۵۵؍  سیکنڈ  تھا، جو انہوں نے ۱۹۸۴ء کے لاس اینجلس اولمپکس میں قائم کیا تھا۔

🇮🇳 FLAG HIGH. HISTORY MADE. 🥉

Vithya Ramraj is an Asian Games medallist! 🔥
She wins Women`s 400m Hurdles BRONZE at #AsianGames2026 in 54.75 💥
🚨 A NEW NATIONAL RECORD
The 55.42 mark had stood since P.T. Usha in 1984. Vithya equalled it in 2023, and tonight in Nagoya she… pic.twitter.com/oZklQoidS4

— Athletics Federation of India (@afiindia) September 28, 2026

یہ بھی پڑھئے:’’السلام علیکم‘‘: کرسٹیانو رونالڈو جونیئر نے عربی بول کر مداحوں کو حیران کردیا

وتھیا نے فائنل میں ذاتی بہترین کارکردگی کا مظاہرہ کرتے ہوئے ۷۵ء۵۴؍ سیکنڈ میں دوڑ مکمل کی اور تیسری پوزیشن حاصل کی۔ ان سے آگے متحدہ عرب امارات کی  مریم کریم  نے ۳۱ء۵۴؍ سیکنڈ کے گیمز ریکارڈ کے ساتھ طلائی تمغہ جیتا، جبکہ قزاخستان کی  ایڈلینا زیمس  نے ۵۸ء۵۴ ؍سیکنڈ کے وقت کے ساتھ چاندی کا تمغہ حاصل کیا۔ ہندوستان کی  انو راگھون  ۸۸ء۵۵؍ سیکنڈ کے ذاتی بہترین وقت کے ساتھ پانچویں نمبر پر رہیں۔
 پی ٹی اوشا کا ۴۲ء۵۵؍ سیکنڈ کا قومی ریکارڈ اگست ۱۹۸۴ ءسے ہندوستانی ایتھلیٹکس میں برقرار تھا۔ وتھیا نے ۲۰۲۳ء کے ہانگژو ایشین گیمز میں ۴۲ء۵۵؍ سیکنڈ کا وقت نکال کر اوشا کے ریکارڈ کی برابری کرلی تھی، لیکن اس وقت وہ اسے توڑ نہیں پائی تھیں۔ تین سال بعد ناگویا میں انہوں نے ۷۵ء۵۴؍ سیکنڈ کا وقت نکال کر اس ریکارڈ کو ۶۷ء۰؍ سیکنڈ  سے بہتر کردیا۔ اس کارکردگی کے ساتھ وتھیا خواتین کی ۴۰۰؍ میٹر ہرڈلز میں  ۵۵؍ سیکنڈ کی حد سے نیچے جانے والی پہلی ہندوستانی بھی بن گئیں۔  

یہ بھی پڑھئے:سمے رائنا نے آیوشمان کھرانہ سے کہا، ’’پتی پتنی اور وہ دو‘‘ کیلئے ری فنڈ ہی چاہئے

 ۴۰۰؍ میٹر ہرڈلز کا کانسے کا تمغہ ان کھیلوں میں وتھیا رامراج کا دوسرا تمغہ ہے۔ اس سے قبل وہ ہندوستان کی   مکسڈ ۴x۴۰۰ میٹر ریلے ٹیم  کا حصہ تھیں، جس نے چاندی کا تمغہ حاصل کیا تھا۔   وتھیا نے ۲۰۲۳ء کے ہانگژو ایشین گیمز میں بھی ۴۰۰؍ میٹر ہرڈلز میں کانسے کا تمغہ جیتا تھا۔ اس طرح انہوں نے اس مقابلے میں مسلسل دوسرے ایشین گیمز میں کانسے کا تمغہ حاصل کیا ہے۔ پی ٹی اوشا کا ۴۰۰؍ میٹر ہرڈلز کا ریکارڈ ہندوستانی ایتھلیٹکس کے طویل عرصے تک برقرار رہنے والے قومی ریکارڈز میں شامل تھا۔ ۱۹۸۴ ءکے لاس اینجلس اولمپکس میں اوشا نے  ۴۲ء۵۵؍سیکنڈ کا وقت نکالا تھا اور معمولی فرق سے تمغہ حاصل کرنے سے محروم رہی تھیں، لیکن ان کی یہ کارکردگی قومی ریکارڈ بن گئی جو چار دہائیوں سے زیادہ عرصے تک برقرار رہی۔وتھیا کے ریکارڈ توڑنے کی اہمیت اس لیے بھی بڑھ جاتی ہے کہ وہ پہلے ہی ۲۰۲۳ء میں اوشا کے نشان کی برابری کرچکی تھیں۔ ناگویا میں انہوں نے بالآخر اس ریکارڈ کو اپنے نام کرلیا۔ رپورٹس کے مطابق پی ٹی اوشا بھی اس تاریخی مقابلے کے موقع پر موجود تھیں۔