ارجنٹائنا نے آسٹریا کو ۰۔۲؍گول سے شکست دے کر ۲۰۲۶ء ورلڈ کپ کے راؤنڈ آف ۳۲؍ میں اپنی جگہ تقریباً یقینی بنا لی ہے۔ لیونل اسکالونی کی ٹیم الجزائر اور آسٹریا کے خلاف دونوں میچ جیت کر گروپ جے میں مضبوط پوزیشن حاصل کر چکی ہے۔

ارجنٹائنا نے آسٹریا کو ۰۔۲؍گول سے شکست دے کر ۲۰۲۶ء ورلڈ کپ کے راؤنڈ آف ۳۲؍ میں اپنی جگہ تقریباً یقینی بنا لی ہے۔ لیونل اسکالونی کی ٹیم الجزائر اور آسٹریا کے خلاف دونوں میچ جیت کر گروپ جے میں مضبوط پوزیشن حاصل کر چکی ہے۔ اگرچہ گروپ میں پہلی پوزیشن کا باضابطہ فیصلہ اردن اور الجزائر کے میچ کے بعد ہوگا، لیکن ارجنٹینا اب تیسرے نمبر پر نہیں آ سکتا۔ اس لیے توجہ اب ان کے ممکنہ ناک آؤٹ حریفوں پر مرکوز ہو گئی ہے۔
فی الحال ارجنٹائنا کا مقابلہ گروپ ایچ کی رنر اپ ٹیم سے ہونے کا امکان ہے، جہاں صورتحال کافی دلچسپ ہے۔
اگر یوروگوئےاسپین کو شکست دے دی اور کیپ وردے اپنا میچ جیتنے میں ناکام رہے، تو ارجنٹائنا کا سامنا اسپین سے ہوگا۔اگر یوروگوئے اور کیپ وردے دونوں اپنے میچ جیت جاتے ہیں تو گول فرق، کیے گئے گول اور فیئر پلے پوائنٹس کی بنیاد پر فیصلہ ہوگا کہ کون دوسرے نمبر پر آتا ہے۔ ایسی صورت میں ارجنٹینا کا مقابلہ یوروگوئے یا کیپ وردے میں سے کسی ایک سے ہو سکتا ہے۔ اگر یوروگوئے کامیاب نہ ہو اور سعودی عرب اپنا میچ جیت لے، تو سعودی عرب ارجنٹینا کا اگلا حریف بن سکتا ہے۔

یہ بھی پڑھئے:ٹرمپ کی ملک بدری مہم تیز، ۱۸؍ ماہ میں ۹؍ لاکھ تارکینِ وطن امریکہ بدر

فائنل تک ممکنہ راستہ
اگر ارجنٹینا اگلا مرحلہ عبور کرتا ہے تو اس کا سامنا غالباً آسٹریلیا یا بلجیم سے ہو سکتا ہے۔کوارٹر فائنل میں ایک بڑا مقابلہ پرتگال کے خلاف متوقع ہے۔ دیگر ممکنہ حریف سوئزرلینڈ یا کنیڈا ) بھی ہو سکتے ہیں۔اگر بڑے فیورٹ اپنی اپنی پوزیشن برقرار رکھتے ہیں تو ارجنٹینا کو سیمی فائنل میں برازیل یا انگلینڈ جیسی طاقتور ٹیموں کا سامنا کرنا پڑ سکتا ہے۔ٹورنامنٹ کے ڈرا کے مطابق ارجنٹینا فائنل میں ہی جرمنی ، فرانس ، نیدرلینڈز  یا اسپین  جیسی روایتی فٹبال طاقتوں سے ٹکرا سکتا ہے۔

یہ بھی پڑھئے:ورلڈ بینک نے ہندوستان کی معاشی ترقی کیلئے ۱ء۵؍ بلین دالر کے قرض کو منظوری دی

لیونل میسی اس وقت ورلڈ کپ کی تاریخ میں ۱۸؍ گول  کے ساتھ سب سے زیادہ گول کرنے والے کھلاڑی بن چکے ہیں۔ ناک آؤٹ مرحلے میں ان کی کارکردگی نہ صرف ارجنٹینا کی کامیابی کے لیے اہم ہوگی بلکہ وہ اپنے تاریخی ریکارڈ کو مزید بہتر بنانے کی بھی کوشش کریں گے۔