۹؍ویں سیڈ نوسکووا اور۱۰؍ویں سیڈ کیرولینا خطاب کیلئے ٹکرائیںگی۔

سنیچر کو کھیلے جانے والے ومبلڈن فائنل میں چیک جمہوریہ چیک کی نویں سیڈ لِنڈا نوسکووا اور دسویں سیڈ کیرولینا  موچووا آمنے سامنے ہوں گی۔۲۰۰۹ء کے بعد یہ پہلا موقع ہوگا جب ومبلڈن کے خواتین سنگلز فائنل میں ایک ہی ملک کی ۲؍ کھلاڑی مدمقابل ہوں گی۔ اس سے قبل ۲۰۰۹ء میں امریکہ کی سیرینا اور وینس ولیمز نے فائنل کھیلا تھا۔ دونوں چیک کھلاڑیوں کے درمیان اب تک صرف ایک مقابلہ ہوا ہے جس میں ۲۰۲۵ء کے یو ایس اوپن کے تیسرے راؤنڈ میں موچووا نے ۳؍ سیٹوں میں کامیابی حاصل کی تھی۔

یہ بھی پڑھئے:ہندوستان کے سامنےکلین سویپ کی شرمندگی سے بچنے کا چیلنج

یہ نوسکووا کے کریئر کا ڈبلیو ٹی اے ٹور پر آٹھواں فائنل ہوگا۔ اگر وہ خطاب جیت لیتی ہیں تو ۲۰۱۱ءمیں پیٹرا کویٹووا کے بعد ومبلڈن جیتنے والی کم عمر ترین کھلاڑی بن جائیں گی۔ دوسری جانب  موچووا اپنے کریئر کا دوسرا گرینڈ سلیم فائنل کھیلیں گی۔ اس سے قبل وہ۲۰۲۳ء کے فرینچ اوپن میں رنر اپ رہی تھیں۔

یہ بھی پڑھئے:شیکھر سمن کے قریبی ساتھی اور پروڈیوسر دھرمیش سنگانی کیخلاف ای ڈی کی کارروائی

نوسکووا ۲۰۲۰ء کے بعد ومبلڈن میں اپنا پہلا گرینڈ سلیم فائنل کھیلنے والی چوتھی کھلاڑی ہیں۔ ۲۰۲۵ء سے اب تک وہ گھاس کے کورٹ پر ۱۹؍ ڈبلیو ٹی اے میچ جیت چکی ہیں، جو اس عرصے میں کسی بھی خاتون کھلاڑی سے زیادہ ہیں۔