امنجوت کور (۵۷؍ اور ایک وکٹ) اور دپتی شرما (۵۳؍ اور ۳؍ وکٹ) کی آل راؤنڈ کارکردگی کی بدولت ہندوستان نے منگل کو ڈک ورتھ لوئس طریقہ کے تحت سری لنکا کو۵۹؍ رن سے شکست دے کر خواتین کے ورلڈ کپ میں فاتحانہ شروعات کی۔

 امنجوت کور (۵۷؍ اور ایک وکٹ) اور دپتی شرما (۵۳؍ اور ۳؍ وکٹ) کی آل راؤنڈ کارکردگی کی بدولت ہندوستان نے منگل کو ڈک ورتھ لوئس طریقہ کے تحت سری لنکا کو۵۹؍ رن سے شکست دے کر خواتین کے ورلڈ کپ میں فاتحانہ شروعات کی۔
 امنجوت کور (۵۷؍ اور ایک وکٹ) اور دپتی شرما (۵۳؍ اور ۳؍ وکٹ) کی آل راؤنڈ کارکردگی کی بدولت ہندوستان نے منگل کو ڈک ورتھ لوئس طریقہ کے تحت سری لنکا کو۵۹؍ رن سے شکست دے کر خواتین کے ورلڈ کپ میں فاتحانہ شروعات کی۔

A crucial fifty ✅
A 3⃣-wicket haul ✅
Showcasing her all-round abilities in style ✅

Deepti Sharma with the Player of the Match award as #TeamIndia make a winning start to our #CWC25 campaign! 👏 👏

Scorecard ▶️ https://t.co/lcSNn79t77#WomenInBlue | #INDvSL pic.twitter.com/bmYSKmdJ6m

— BCCI Women (@BCCIWomen) September 30, 2025

بارش سے متاثرہ میچ میں ہندوستان نے ۸؍ وکٹ  پر ۲۶۹؍ رن بنائے۔ سری لنکا کو ڈک ورتھ لوئس طریقہ کار کے تحت جیت کے لئے۲۷۱؍ رن کا ہدف دیا گیا لیکن اس کی پوری ٹیم ۴ء۴۵؍ اوور میں۲۱۱؍ رن  پر آل آؤٹ ہو گئی۔
ہندوستان نے عمدہ بولنگ کا مظاہرہ کرتے ہوئے سری لنکا کو مسلسل دباؤ میں رکھا اور اسے کوئی موقع نہیں دیا۔ سری لنکا کی جانب سے کپتان چماری اٹاپٹو (۴۳؍رن) اور نیلاکشی ڈی سلوا (۳۵؍رن ) کے علاوہ کوئی اور بلے باز ہندوستانی گیند بازوں کا سامنا نہیں کر سکا۔ ہرشیتھا سمارا وکراما نے ۲۸؍ رن  کا تعاون دیا۔
ہندوستان کی اننگز میں شاندار نصف سنچریاں بنانے والی امنجوت اور دپتی نے گیندبازی میں بھی اچھی کارکردگی پیش کرتے ہوئے وکٹ حاصل کئے۔ دپتی نے۵۴؍ رن پر ۳؍ اور امنجوت نے۳۷؍ رن پر ایک وکٹ حاصل کیا۔ اسنیہ رانا اور شری چرنی نے ۲۔۲؍ وکٹ حاصل کئے۔تعاقب کے دوران  ہندوستان کو سری لنکا سے صرف ایک بار خطرہ محسوس ہوا، وہ تھا کپتان اٹا پٹو اور ہرشیتھا سماراوکراما کے درمیان دوسرے وکٹ کی شراکت کے دوران۔ جب ہندوستان کی یارکر گیندوں کی  بارش  سے اسے توڑا  تو  سری لنکا کی اننگز پوری طرح سے لڑکھڑا گئی۔
اس سے قبل امن جوت کور (۵۷؍رن) اور دپتی شرما (۵۳؍رن) کی شاندار نصف سنچریوں کی بدولت ہندوستان نے منگل کو سری لنکا کے خلاف خواتین ورلڈ کپ کے بارش سے متاثرہ میچ میں ۸؍ وکٹ پر۲۶۹؍ رن کا چیلنجنگ اسکور بنا لیا۔
 سری لنکا نے ٹاس جیت کر پہلے گیندبازی کا فیصلہ کیا۔ اس مقابلے میں بارش سے دو مرتبہ خلل پڑا۔ پہلے اوورس کی تعداد گھٹا کر۴۸؍رن  اور پھر۴۷؍رن  کر دی گئی۔ ہندوستان نے اپنے ۶؍ وکٹ محض۱۲۴؍ رن  پر گنوا  دیئے  تھے لیکن امنت جوت اور دپتی کی نصف سنچریوں نے ہندوستانی اننگز کو سنبھال لیا۔ دپتی آخری گیند پر آؤٹ ہوئیں۔
امن جوت کور ورلڈ کپ میں نمبر۸؍ پر بلے بازی کرتے ہوئے نصف سنچری بنانے والی دوسری کھلاڑی بن گئیں۔ یہ نمبر۸؍بلے باز کا ورلڈ کپ میں بہترین اسکور بھی ہے۔ امن جوت نے۵۶؍ گیندوں پر۵۷؍ رن بنائے، جن میں ۵؍ چوکے اور ایک چھکا شامل تھا جبکہ دپتی نے۵۳؍ گیندوں پر۵۳؍ رن میں ۳؍ چوکے لگائے۔
 ایک وقت ایسا لگ رہا تھا کہ ہندوستان کی خاتون ٹیم ۲۰۰؍ رن کا اسکور بھی نہیں بناسکے گی۔ رناویرا نے ایک ہی اوور میں ۳؍ جھٹکے دیتے ہوئے ہندوستان کو بیک فٹ پر دھکیل دیا تھا۔ ہرلین دیول اورجیمائمہ  روڈریگز کے بعد ہرمن پریت کور بھی پویلین لوٹ گئیں۔ اسی کے اگلے اوور میں رناویرا نے رچا گھوش کو بھی شکار بنایا اور ہندوستان محض۱۲۴؍ رن کے اسکور پر ۶؍ وکٹ گنوا بیٹھا لیکن یہاں سے دپتی شرما اور امن جوت کور کے درمیان شاندار سنچری شراکت ہوئی اور دونوں نے ہی نصف سنچریاں مکمل کیں۔ اس کے بعد اسنہیہ رانا کی تیز بلے بازی کی بدولت ہندوستان نے اسکور بورڈ پر۲۶۹؍ رن  جوڑ لیے۔
پرتیک راول نے ۳۷؍رن  اور ہرلین دیول نے ۴۸؍ رن  کا تعاون دیا جبکہ اسمرتی مندھانا۸؍رن  اور کپتان ہرمن پریت کور۲۱؍ رن  بنا کر آؤٹ ہوئیں۔ جیمائمہ  روڈرگز کھاتہ بھی نہ کھول سکیں۔ اسنیہ رانا نے ۱۵؍ گیندوں پر ناٹ آؤٹ ۲۸؍ رن بنائے، جس میں دو چوکے اور دو چھکے شامل تھے۔ سری لنکا کی جانب سے انوکا رناویرا نے ۴۷؍ رن دے کر سب سے زیادہ ۴؍ وکٹ حاصل کئے۔