اسپین کی عالمی کپ فاتح ٹیم کے کھلاڑی فابیان روئز اور گاوی کو اپنے آبائی شہر میں ایک منفرد روایت کے تحت ان کے وزن کے برابر ٹماٹر بطور تحفہ پیش کیے گئے۔

اسپین کی عالمی کپ فاتح ٹیم کے کھلاڑی فابیان روئز اور گاوی کو اپنے آبائی شہر میں ایک منفرد روایت کے تحت ان کے وزن کے برابر ٹماٹر بطور تحفہ پیش کیے گئے۔ دونوں کھلاڑی منگل کو اپنے آبائی شہر لوس پالاسیوس ای ویافرانکا واپس پہنچے، جہاں ٹاؤن ہال میں ان کا شاندار استقبال کیا گیا۔ اس موقع پر ۲۰۱۰ء سے چلی آ رہی روایت کو برقرار رکھتے ہوئے دونوں کا وزن کیا گیا اور پھر ان کے وزن کے برابر ٹماٹر انہیں بطور اعزاز پیش کیے گئے۔

World Cup winners Gavi and Fabian Ruiz were gifted their weight in tomatoes by their jubilant hometown, Los Palacios y Villafranca 🍅

Gavi got 68kg and Fabian 84kg, for those wondering 🇪🇸pic.twitter.com/4kGlB1C5Vh

— Men in Blazers (@MenInBlazers) July 22, 2026

یہ بھی پڑھئے:ہر طالب علم منصفانہ نظام کا حقدار: طلبہ کی تنقید کے بعد آر مادھون کا ردِعمل

یہ روایت اس وقت شروع ہوئی تھی جب خیسوس ناواس اسپین کی پہلی عالمی کپ جیتنے والی ٹیم کا حصہ تھے۔ تب سے ہر عالمی کپ یا یورپی چیمپئن شپ جیتنے کے بعد اس شہر کے فاتح کھلاڑیوں کو ان کے وزن کے برابر ٹماٹر تحفے میں دیے جاتے ہیں۔پیرس سینٹ جرمین کے مڈفیلڈر فابیان روئز کا وزن ۸۴؍ کلوگرام جبکہ بارسلونا کے مڈفیلڈر گاوی کا وزن ۶۸؍ کلوگرام ریکارڈ کیا گیا  اور دونوں کو اسی مقدار میں ٹماٹر پیش کیے گئے۔ اسپین کے جنوبی علاقے اندولوسیا میں واقع لوس پالاسیوس ای ویافرانکا ٹماٹروں کی پیداوار کے لیے مشہور ہے، تاہم حالیہ برسوں میں یہ اعلیٰ معیار کے فٹبالرز تیار کرنے کے حوالے سے بھی شہرت حاصل کر رہا ہے۔

یہ بھی پڑھئے:نیٹ تنازع، بنگلور: بی جے پی ایم ایل اے پر انڈا پھینکا گیا،کانگریس کارکن پر الزام

فابیان روئز دو سال قبل یورو ۲۰۲۴ء جیتنے والی اسپین کی ٹیم کا بھی حصہ تھے جبکہ اس موسمِ گرما میں حاصل ہونے والا عالمی کپ گاوی کے لیے قومی ٹیم کے ساتھ پہلی بڑی ٹرافی تھی۔ہر عالمی کپ اور یورپی چیمپئن شپ کی فتح کے بعد لوس پالاسیوس ای ویافرانکا کی بلدیہ خیسوس ناواس، فابیان روئز اور اب گاوی کو ان کے وزن کے برابر ٹماٹر پیش کرکے ان کی کامیابی کا منفرد انداز میں جشن مناتی ہے۔