انٹرنیشنل کرکٹ کونسل (آئی سی سی) نے جمعرات، ۱۵؍ مئی کو آئندہ آئی سی سی ورلڈ ٹیسٹ چمپئن شپ (ڈبلیو ٹی سی) فائنل \۲۰۲۵ءکیلئے تقریباً۳۱؍ کروڑ روپے کی انعامی رقم کا اعلان کیا ہے۔ یہ رقم چمپئن شپ کے پچھلے دو ایڈیشنز میں دی گئی انعامی رقم سے دگنی ہے۔

انٹرنیشنل کرکٹ کونسل (آئی سی سی) نے جمعرات، ۱۵؍ مئی کو آئندہ آئی سی سی ورلڈ ٹیسٹ چمپئن شپ (ڈبلیو ٹی سی) فائنل ۲۰۲۵ءکیلئے ریکارڈ توڑ انعامی رقم کا اعلان کیا۔ ۱۱؍جون کو لارڈز کرکٹ گراؤنڈ، لندن میں کھیلے جانے والے اس میگا میچ میں جنوبی افریقہ اور آسٹریلیا کی ٹیمیں ایک دوسرے سے ٹکرائیں گی۔ یہ رقم چمپئن شپ کے پچھلے دو ایڈیشنز میں دی گئی انعامی رقم سے دگنی ہے۔ 

Record figures 💰

The #WTC25 prize pool has been revealed ahead of the Ultimate Test 👇https://t.co/09tsNlB18Z

— ICC (@ICC) May 15, 2025

چمپئن کو تقریباً۳۱؍ کروڑ روپے ملیں گے
آئی سی سی نے انکشاف کیا ہے کہ ڈبلیو ٹی سی فائنل کے چیمپئنز کو۶ء۳؍ ملین ڈالر (تقریباً۳۱؍ کروڑ روپے) کی انعامی رقم سے نوازا جائے گا جو۲۰۲۱ء اور ۲۰۲۳ءکے ایڈیشنز میں دیئے گئے۶ء۱؍ ملین ڈالر (تقریباً ۱۴؍ کروڑ روپے) سے دگنی ہے۔ 

It`s exciting to announce that the winner of the #WTC25 Final between South Africa and Australia will earn $3.6M, with the runner-up to receive $2.1M. The increase in prize money exhibits our efforts to prioritize Test cricket and build on momentum from previous WTC cycles. @ICC pic.twitter.com/GMgWxM7GSb

— Jay Shah (@JayShah) May 15, 2025

رنر اپ ٹیم پر بھی پیسوں کی بارش ہوگی
ساتھ ہی اس میچ میں رنر اپ رہنے والی ٹیم کا بھی اچھا وقت گزرنے والا ہے۔ آئی سی سی نے ڈبلیو ٹی سی فائنل ۲۰۲۵ءکی رنر اپ ٹیم کیلئے۲ء۱۶؍ ملین ڈالر (تقریباً۱۸؍ کروڑ روپے) کی انعامی رقم کا اعلان کیا ہے جو پہلے ۸؍ لاکھ ڈالر (تقریباً ۸؍ کروڑ روپے) تھی۔ 
آئی سی سی کے چیئرمین جے شاہ نے اعلان کیا
آئی سی سی کے چیئرمین جے شاہ نے ٹوئٹر پر ایک پوسٹ میں لکھا، `یہ اعلان کرتے ہوئے بہت خوشی ہو رہی ہے کہ جنوبی افریقہ اور آسٹریلیا کے درمیان فائنل کے فاتح کو۳ء۶؍ ملین ڈالر ملیں گے، جبکہ رنر اپ کو۱ء۲؍ ملین ڈالر ملیں گے۔ 

Australia are all set to defend their prestigious World Test Championship title against first-time finalists South Africa at Lord`s 👊🤩#WTC25 #WTCFinal

Details for the blockbuster contest ➡ https://t.co/Vkw8u3mpa6 pic.twitter.com/L0BMYWSxNZ

— ICC (@ICC) January 6, 2025

ڈبلیو ٹی سی فائنل میں جنوبی افریقہ اور آسٹریلیا آمنے سامنے
آئی سی سی ورلڈ ٹیسٹ چمپئن شپ(ڈبلیو ٹی سی )۲۰۲۵ء کے ٹائٹل میچ میں جنوبی افریقہ کا مقابلہ دفاعی چمپئن آسٹریلیا سے ہوگا۔ یہ میچ۱۱؍ سے۱۵؍ جون کے درمیان لارڈز کرکٹ گراؤنڈ، لندن میں کھیلا جائے گا۔ جنوبی افریقہ نے پاکستان، ویسٹ انڈیز، بنگلہ دیش اور سری لنکا کے خلاف جیت کے ساتھ ڈبلیو ٹی سی۲۰۲۵ء کے پوائنٹس ٹیبل پر سرفہرست رہ کر فائنل میں جگہ بنا لی ہے۔ انہوں نے ہندوستان کے خلاف ہوم سیریز بھی ڈرا کی۔ آسٹریلیا نے ہندوستان کو۳- ۱؍ سے شکست دے کر بارڈر گواسکر ٹرافی کے فائنل میں جگہ بنا لی۔ اس کے ساتھ ہی ہندستان پوائنٹس ٹیبل میں تیسرے نمبر پر رہا اور پہلی بار فائنل میں پہنچنے سے محروم رہا۔