ہندوستان کی ۱۷؍سالہ اسکواش کھلاڑی اناہت سنگھ نےکنیڈا ویمنس اوپن ۲۰۲۵ء کے کوارٹر فائنل میں بلجیم کی عالمی نمبر۷؍، ٹن گلس کو شکست دے کر اپنے کریئر کی سب سے بڑی جیت حاصل کی اور ساتھ  میں ٹورنا منٹ کے سیمی فائنل میں بھی قدم رکھا ۔ منگل کو بروک فیلڈ پلیس میں کھیلے گئے کوارٹر فائنل میں۴۳؍ویں نمبر پر موجود اناہت سنگھ نے دفاعی پی ایس اے چمپئن گلس کو۳۶؍ منٹ کے مقابلے میں ۰-۳؍(۱۰-۱۲؍،۹-۱۱؍۹-۱۱؍) سے شکست دے کر سلور سطح کے ایونٹ کے سیمی فائنل میں جگہ بنائی۔ اس سے قبل اتوار کو اناہت سنگھ نے دوسرے راؤنڈ میں ٹاپ۲۰؍ کھلاڑی کے خلاف اپنی پہلی کامیابی حاصل کی تھی۔ انہوں نے عالمی نمبر۲۰؍ فرانس کی میلیسا الویس کو۱-۳؍ سے شکست دی تھی  ۔میچ کے بعد ہندوستانی اسکواش کھلاڑی نے کہا’’ میں بہت پرجوش ہوں، اور وہ (ٹن گلس) ٹاپ۱۰؍کھلاڑی ہیں اور یہ پہلا موقع ہے جب میں نے ٹاپ۱۰؍کھلاڑی کو شکست دی ہے۔‘‘ انہوں نے مزید کہا’’میں اس ہفتے جس طرح سے کھیل رہی ہوں اس سے بہت خوش ہوں اور میں آج صبح اپنے کوچ سے بات کر رہی تھی،انہو ںنے کہا کہ میں اسی طرح کھیلتی رہی تو کسی کو بھی ہرا سکتی ہوں۔‘‘