۱۹۴۷ء کو ہندوستان آزاد ہوا۔ اس سے قبل ہندوستان پر ۲۰۰؍ سال سے زیادہ عرصہ تک نوآبادیاتی حکمرانی تھی۔ ۱۵؍ اگست ۱۹۴۷ء کو ہندوستان نے اپنا پہلا یوم آزادی منایا تھا۔

(۱)۱۹۴۷ء: آزادی کا سال

۱۹۴۷ء کو ہندوستان آزاد ہوا۔ اس سے قبل ہندوستان پر ۲۰۰؍ سال سے زیادہ عرصہ تک نوآبادیاتی حکمرانی تھی۔ ۱۵؍ اگست ۱۹۴۷ء کو ہندوستان نے اپنا پہلا یوم آزادی منایا تھا۔

(۲)آدھی رات کا وقت

ہندوستان کو آدھی رات کو آزادی ملی۔ ہندوستان کے پہلے وزیر اعظم جواہر لعل نہرو نے ۱۵؍ اگست ۱۹۴۷ء کو آدھی رات کو ہندوستان کی آزادی کا باضابطہ اعلان کیا تھا۔ ’تقدیر کے ساتھ کوشش‘ خطاب جو انہوں نے نئی دہلی میں پارلیمنٹ ہاؤس میں دیا، اسے اہم سمجھا جاتا ہے۔

یہ بھی پڑھئے: شیخ چلّی مصنف بن گئے

(۳)دو ملکوں میں تقسیم

برصغیر ہندوستان اور پاکستان میں تقسیم ہوا۔ ہندوستان سے ایک دن قبل پاکستان ۱۴؍ اگست کو اپنا یوم آزادی مناتا ہے۔

(۴)قومی پرچم

ہندوستان کا قومی پرچم اتحاد اور آزادی کی علامت ہے جسے ’ترنگا‘ کہا جاتا ہے۔ اس میں تین افقی دھاریاں ہیں: زعفرانی، سفید اور سبز۔ زعفرانی رنگ ہمت اور قربانی کی نمائندگی کرتا ہے، سفید امن اور سچائی کی اور سبز اعتماد اور زرخیزی کی علامت ہے۔ درمیان میں ۲۴؍ لکیروں کے ساتھ ایک نیلے رنگ کا پہیہ ہے جسے ’اشوک چکر‘ کہا جاتا ہے جو قانون کی پاسداری کی نمائندگی کرتا ہے۔

(۵)قومی ترانہ: جن گن من

ہندوستان کے مشہور شاعر رابندر ناتھ ٹیگور نے ۱۹۱۱ء میں ہندوستان کا قومی ترانہ ’جن گن من‘ لکھا تھا۔ اسے سرکاری طور پر ۲۴؍ جنوری ۱۹۵۰ء کو قومی ترانے کے طور پر اپنایا گیا۔

(۶)پتنگ بازی

یوم آزادی کے موقع پر پتنگ بازی کی روایت رہی ہے۔ ہندوستان کے یوم آزادی پر آسمان رنگ برنگی پتنگوں سے بھر جاتا ہے جو آزادی کے جذبے کی علامت ہے۔

یہ بھی پڑھئے: منفرد طریقے، جشن ِآزادی منانے کیلئے۱۶؍ آئیڈیاز

(۷)وزیر اعظم کی تقریر اور پرچم کشائی

یوم آزادی کے موقع پر ملک کے وزیراعظم نئی دہلی میں لال قلعہ کی فصیل سے تقریر کرتے ہیں۔ خطاب عام طور پر پچھلے سال کی کامیابیوں اور حکومت کے مستقبل کے ارادوں کو بیان کرتا ہے۔ اس دوران وزیر اعظم پرچم کشائی کرتے ہیں اور تقریر کے بعد قومی ترانہ گایا جاتا ہے۔

(۸)شہیدوں کو خراجِ عقیدت

آزادی کے موقع پر مجاہدین آزادی کو خراجِ عقیدت پیش کیا جاتا ہے جنہوں نے ملک کو آزادی دلانے کیلئے اپنی جان قربانی کر دیں۔

(۹)ملک بھر میں تقریبات

اس دن کو قومی تعطیل کے طور پر بڑے جوش و خروش کے ساتھ منایا جاتا ہے۔ اسکول، کالج اور سرکاری دفاتر ثقافتی پروگرام، حب الوطنی کے گیت اور پرچم کشائی کی تقریبات کا اہتمام کرتے ہیں۔

(۱۰)سودیشی تحریک

سودیشی تحریک کے بارے میں جاننا ضروری ہے کیونکہ اس نے ہندوستان کی جدوجہد آزادی میں اہم کردار ادا کیا تھا۔ یہ تحریک ۱۹۰۵ء میں شروع ہوئی تھی جس میں خود انحصاری اور ہندوستان میں تیار شدہ اشیاء کے استعمال کو فروغ دیا گیا تھا اور برطانوی سامان، اسکولوں اور اداروں کا بائیکاٹ کرنے کی ترغیب دی گئی تھی۔

(۱۱)ہندوستان چھوڑو تحریک

’ہندوستان چھوڑو تحریک‘ کا آغاز ۱۹۴۲ء میں مہاتما گاندھی نے کیا تھا۔ یہ ایک ملک گیر سول نافرمانی کی تحریک تھی جس کا مقصد انگریزوں کو ہندوستان چھوڑنے پر مجبور کرنا تھا۔ اس تحریک کے دوران ’کرو یا مرو‘ کا نعرہ لگایا گیا اور یہ لاکھوں ہندوستانیوں کیلئے ایک آواز بن گیا تھا۔ ہندوستان چھوڑو تحریک نے ۱۹۴۷ء میں ملک کی آزادی کے حصول میں اہم کردار ادا کیا تھا۔

یہ بھی پڑھئے: عالمی کہانیوں کا اردو ترجمہ: کینٹروِل کا بوڑھا بھوت

(۱۲)عدم تعاون کی تحریک

۱۹۲۰ء میں مہاتما گاندھی کے ذریعہ عدم تعاون کی تحریک ہندوستان کی آزادی کی جدوجہد کا ایک اور دلچسپ پہلو ہے۔ اس تحریک کا مقصد برطانوی حکومت کے ساتھ تعاون کرنے سے انکار کرکے اس کے خلاف احتجاج کرنا تھا۔ لوگوں نے برطانوی سامان اور اداروں کا بائیکاٹ کیا جس کے نتیجے میں برطانوی معیشت اور انتظامیہ پر خاصا اثر پڑا تھا۔

(۱۳)کثرت میں وحدت

ہندوستان اپنی ثقافت، زبان، مذاہب اور روایت کیلئے مشہور ہے۔ یہی ہندوستان کی خوبصورتی  ہے۔ کثرت میں وحدت کا نظریہ ہندوستانی سماج کی بنیادی قدر ہے جو یوم آزادی کے جشن کو اور بھی خاص بناتا ہے۔

(۱۴)انڈین انڈی پینڈنس ایکٹ

۱۸؍ جولائی ۱۹۴۷ء کو برطانوی پارلیمنٹ نے انڈین انڈی پینڈنس ایکٹ نافذ کیا جس نے ہندوستان اور پاکستان کو برطانوی اتھاریٹی سے آزادی دی۔ اس ایکٹ نے برصغیر پاک و ہند کو دو نئی قوموں میں تقسیم کرنے کا بھی بندوبست کیا۔

(۱۵)ہندوستان کا پہلا ڈاک ٹکٹ

۲۱؍ نومبر ۱۹۴۷ء کو آزادی حاصل کرنے کے چند ماہ بعد ہی ہندوستان نے اپنا پہلا ڈاک ٹکٹ جاری کیا۔ ڈاک ٹکٹ پر ہندوستانی پرچم، ’جے ہند‘ اور آزادی کی تاریخ ۱۵؍ اگست ۱۹۴۷ء کو پیش کیاگیا تھا۔n (بشکریہ: ایروکڈز ڈاٹ کام)