عامر خان نے کہاکہ آپ اپنے ہی خاندان سے کیسے لڑ سکتے ہیں؟مسٹر پرفیکشنسٹ عامر خان نے اپنی سب سے بڑی فلاپ فلم ’’میلہ‘‘ کی ۲۵؍ویں سالگرہ کے موقع پر جذباتی بیان دیا ہے۔ فلم کی ناکامی سے زیادہ عامر اور ان کے بھائی فیصل خان کے درمیان تلخ تعلقات کو زیر بحث لایا جا رہا ہے۔

 عامر نے پہلی بار کھلے عام اعتراف کیا کہ انہوں نے یہ فلم صرف اور صرف اپنے بھائی کے کریئر کو بڑھانے کے لیے بنائی تھی۔ اب انہوں نے فیصل خان کی جانب سے اپنے اوپر لگائے گئے سنگین الزامات پر افسوس کا اظہار کیا ہے۔
 سپر اسٹار عامر خان حال ہی میں اپنے بھائی فیصل خان کے ساتھ جھگڑے کی وجہ سے سرخیوں میں آئے تھے۔ دونوں نے ایک ساتھ فلم ’’میلہ‘‘ میں کام کیا جو باکس آفس پر بری طرح فلاپ ہوگئی۔ عامر خان کی فلم ’میلہ‘ کو ریلیز ہوئے اب ۲۵؍ سال ہوچکے ہیں اور اس موقع پر سپر اسٹار نے انکشاف کیا کہ انہوں نے یہ فلم صرف اور صرف اپنے بھائی فیصل خان کے کریئر  کو شروع کرنے کے لیے بنائی تھی۔
عامر خان کے بھائی فیصل خان نے فلم ’’میلہ‘‘ سے ڈیبیو کیا۔ حیرت کی بات یہ ہے کہ وہی بھائی جس کے لیے عامر نے بعد میں یہ فلم بنائی تھی، ان پر سنگین الزامات عائد کیے، جن میں انھیں یرغمال بنانے اور ان کے کریئر کو برباد کرنے کے بھی شامل تھے۔ بالی ووڈ ہنگامہ سے گفتگو میں عامر نے ان الزامات پر دکھ کا اظہار کرتے ہوئے کہا کہ میں کیا کروں، یہ میری قسمت ہے، آپ پوری دنیا سے لڑ سکتے ہیں، لیکن اپنے خاندان سے کیسے لڑ سکتے ہیں؟

یہ بھی پڑھئے:آئی ایم پی پی اے کا ’’دُھرندھر‘‘ پر خلیجی ممالک میں پابندی ہٹانے پر زور

فلم ’’میلہ‘‘ میں کام کرنے پر کوئی پچھتاوا نہیں
فلم ’’میلہ‘‘ کے بارے میں بات کرتے ہوئے، عامر خان نے اعتراف کیا کہ انہوں نے یہ پروجیکٹ صرف اپنے بھائی فیصل خان کو لانچ کرنے کے لیے لیا تھا۔ اگرچہ یہ فلم باکس آفس پر بری طرح فلاپ ہوئی لیکن عامر کو اس کا حصہ بننے پر کوئی افسوس نہیں ہے۔عامر خان ’’میلہ‘‘ سے مایوس عامر خان نے کہا، ’’ظاہر ہے، فلم توقعات پر پوری نہیں اتری، جس سے مجھے مایوسی ہوئی۔ آپ کے سوال کا مزید جواب دینا میرے لیے تھوڑا مشکل ہے۔ پہلے میں یہ کہوں کہ میری ہر فلم میرے لیے بہت معنی رکھتی ہے۔’’میلہ‘‘ کی ناکامی نے مجھے ضرور متاثر کیا۔ فیصل کے لیے یہ مشکل وقت تھا لیکن میرے لیے بھی اتنا ہی مشکل تھا۔ مجھے نفرت ہے جب میری کوئی فلم ڈیلیور کرنے میں ناکام رہتی ہے۔ ہماری پوری ٹیم نے بہت محنت کی، اور ہم سب بہت مایوس ہوئے۔

یہ بھی پڑھئے:ہوپ کے ریکارڈرن اور اینگیڈی کی تاریخی ہیٹ ٹرک سے کیپیٹلز کی شاندار فتح

ٹوئنکل کھنہ نے خود کو بالی ووڈ سے دور کر لیا
۷؍جنوری ۲۰۰۰ء کو ریلیز ہونے والی فلم ’’میلہ‘‘ نے باکس آفس پر پوری طرح ناکام رہی تھی۔ عامر خان اور ٹوئنکل کھنہ کی یہ فلم دھرمیش درشن نے ڈائریکٹ کی تھی جنہوں نے ہمیں ’’راجہ ہندوستانی‘‘ جیسی سپر ہٹ فلم بنائی تھی۔ اپنے ایکشن، رومانس اور ڈرامے کے باوجود، یہ سامعین  کے سامنے  ناکام  رہی۔ ’’میلہ‘‘ کے بعد ٹوئنکل کھنہ نے خود کو اداکاری سے دور کر لیا اور بالآخر بالی ووڈ چھوڑ دیا۔