عامر خان کی اگلی فلم سے متعلق قیاس آرائیاں تیز ہو گئی ہیں، جہاں رپورٹس کے مطابق وہ اشنیر گروور کی بایوپک میں دلچسپی رکھتے ہیں۔ فلم مبینہ طور پر پری پروڈکشن مرحلے میں ہے، تاہم ابھی تک کوئی باضابطہ اعلان سامنے نہیں آیا۔

بالی ووڈ کے ’’مسٹر پرفیکشنسٹ‘‘ عامر خان ایک بار پھر خبروں میں ہیں، مگر اس بار وجہ ان کی ممکنہ نئی فلم ہے۔ رپورٹس کے مطابق، وہ معروف اسٹارٹ اپ انٹرپرینیور اشنیر گروور کی زندگی پر بننے والی بایوپک میں مرکزی کردار ادا کر سکتے ہیں۔ عامر خان کو آخری بار فلم ’’ستارے زمین پر‘‘ میں دیکھا گیا تھا، جس کی ہدایتکاری آر ایس رسنّا نے کی تھی۔ اس فلم میں جنیلیا ڈی سوزا بھی اہم کردار میں نظر آئیں، اور فلم نے باکس آفس پر اچھی کارکردگی دکھائی۔

‘Doglapan’ - the autobiography continues to deliver strong numbers even after 15 months.

While I have even more intense stories (stranger than fiction) for Doglapan 2.0, we are busy working on the MOVIE for now. Stay tuned !

Doglapan : Ashneer Grover’s Autobiography
#1 :… pic.twitter.com/CbCTTJNqj8

— Ashneer Grover (@Ashneer_Grover) February 22, 2024

اب عامر اپنے بیٹے جنید خان کی فلم ’’ایک دن‘‘ کی ریلیز کے منتظر ہیں، جو سائی پلوی کے بالی ووڈ ڈیبیو کے طور پر بھی جانی جا رہی ہے۔ اس کے باوجود، بطور اداکار عامر نے اپنی اگلی فلم کا باضابطہ اعلان ابھی تک نہیں کیا، جس سے مداحوں میں تجسس بڑھ گیا ہے۔ 

میڈیا رپورٹس کے مطابق، عامر خان نے اشنیر گروور کی زندگی پر مبنی اسکرپٹ پڑھ لی ہے اور اسے پسند بھی کیا ہے۔ ذرائع کے مطابق، ’’عامر نے کہانی پڑھی اور انہیں پسند آئی۔ وہ اس فلم کو کرنے کیلئے تیار ہیں۔ یہ پروجیکٹ فی الحال پری پروڈکشن میں ہے اور موضوع بھی آج کے ناظرین کیلئے انتہائی متعلقہ ہے۔‘‘ اشنیر گروور، جو ٹی وی شو ’’شارک ٹینک‘‘ کے پہلے سیزن میں بطور ’’شارک‘‘ اپنی بے باک شخصیت کی وجہ سے مشہور ہوئے، پہلے ہی اپنی سوانح عمری ’’دوگلاپن: دی ہارڈ ٹروتھ اباؤٹ لائف اینڈ اسٹارٹ اپس‘‘ کے ذریعے اپنی کہانی بیان کر چکے ہیں۔

انہوں نے حال ہی میں ایک سوشل میڈیا پوسٹ میں بھی اس بات کی تصدیق کی کہ ان کی زندگی پر فلم بنانے کا کام جاری ہے۔ ان کے الفاظ تھے، ’’دوگلاپن‘‘ مضبوط کارکردگی دکھا رہی ہے… جبکہ میرے پاس مزید کہانیاں ہیں، ہم ابھی فلم پر کام کرنے میں مصروف ہیں۔ دیکھتے رہیں۔‘‘ رپورٹس کے مطابق، اس بایوپک کی ہدایتکاری اور پروڈکشن راہل مودی کر سکتے ہیں، جو ’’پیار کا پنچ نامہ‘‘، ’’سونو کے ٹیٹو کی سویٹی‘‘ اور ’’تو جھوٹی میں مکّار‘‘ جیسے پروجیکٹس سے وابستہ رہے ہیں۔ تاہم، اس حوالے سے بھی کوئی سرکاری اعلان سامنے نہیں آیا۔

یہ بھی پڑھئے: ستارے زمین پر : عامر خان کی فلم ’’لال سنگھ چڈھا ‘‘کے پہلے دن کے کلیکشن کو پار نہیں کر پائی

دوسری جانب، عامر خان ایک اور اہم پروجیکٹ پر بھی کام کر رہے ہیں، جو بھارتی سنیما کے بانی دادا صحب پھالکے کی بایوپک ہے۔ اس فلم کیلئے وہ ایک بار پھر راجکمار ہیرانی کے ساتھ تعاون کر رہے ہیں۔ رپورٹس کے مطابق، اس فلم کی شوٹنگ شروع ہو چکی ہے، جس سے یہ واضح ہو گیا ہے کہ یہ پروجیکٹ ابھی جاری ہے۔عامر خان کے آئندہ منصوبے نہ صرف متنوع ہیں بلکہ موضوع کے لحاظ سے بھی خاصے مختلف دکھائی دیتے ہیں، ایک طرف اسٹارٹ اپ دنیا کی کہانی اور دوسری جانب بھارتی سنیما کی تاریخ۔ تاہم، شائقین اب بھی اس بات کا انتظار کر رہے ہیں کہ وہ باضابطہ طور پر اپنی اگلی فلم کا اعلان کب کرتے ہیں۔