اہان پانڈے اور انیت پڈا کی اداکاری سے سجی فلم ’’ سیارہ‘‘ کا ٹریلر ریلیز کردیا گیا ہے۔ موہت سوری کی ہدایتکاری میں بنی یہ فلم ۱۸؍ جولائی ۲۰۲۵ء کو سنیما گھروں میں ریلیز ہوگی۔

چنکی پانڈے کے بھتیجے اور اننیا پانڈے کے کزن بھائی اہان پانڈے یش راج فلمز کی رامینٹک میوزیکل فلم ’’سیارہ‘‘ کے ذریعے اپنے اداکاری کے کریئر کی شروعات کریں گے جس میں ان کے مدمقابل ویب سیریز ’’بگ گرلز ڈونڈ کرائے‘‘ کیلئے مشہور انیت پانڈا نظر آئیں گی۔

moment in the trailer broke me. #Saiyaara pic.twitter.com/z2ElacDj2j

— Tanishk (@TanisaK41080) May 30, 2025

اس فلم کی ہدیاتکاری ’’ایک ویلن‘‘، ’’زہر‘‘،’’آوارہ پن‘‘، ’’عاشقی ۲‘‘ اور ایسی ہی دیگر فلموں کیلئے مشہور موہت سوری نے انجام دی ہے۔ فلم کا ٹریلر ریلیز کردیا گیا ہے جس میں ایک گلوکار اور نغمہ نگار کی جھلکیاں دکھائی گئی ہیں۔

یہ بھی پڑھئے: ’’پتی، پتنی اور وہ ۲‘‘ میں سارہ علی خان مرکزی کردار ادا کرسکتی ہیں

یش راج فلمز نے فلم کا ٹریلر شیئر کرتے ہوئے کیپشن میں لکھا ہے کہ ’’نامکمل افراد کو مکمل لو اسٹوریز بنانے کیلئے بنایا گیا ہے، ایک ایسی لو اسٹوری کا تجربہ جو آپ کے دل کے زخموں پر مرحم کا کام کرے گی۔ ’’سیارہ‘‘ کا ٹریلر ریلیز کردیا گیا ہے۔‘‘ ’’سیارہ‘‘ ۱۸؍ جولائی ۲۰۲۵ء کو سنیما گھروں میں ریلیز ہوگی۔