باکس آفس: اکشے اور سیف کی فلم ’حیوان‘ کا خراب آغاز، پہلے دن صرف ۳؍ کروڑ کی کمائی

اکشے کمار اور سیف علی خان کی ۱۸؍ سال بعد اسکرین پر واپسی بھی فلم ’’حیوان‘‘ کو باکس آفس پر مضبوط آغاز نہ دلا سکی۔ پریہ درشن کی ہدایتکاری میں بننے والی اس تھرلر فلم نے ریلیز کے پہلے روز صرف ۳؍ کروڑ روپے نیٹ کا بزنس کیا، جو رواں سال بڑے ستاروں کی فلموں میں سب سے کم اوپننگ قرار دی جا رہی ہے۔ کمزور ایڈوانس بکنگ، محدود تشہیر اور ناقدین کے منفی تبصروں کے باعث فلم کی شروعات توقعات کے مطابق نہ ہو سکیں، جبکہ دوسری جانب ’’مرزا پور: دی مووی‘‘ اور ’’ہنومان انش‘‘ جیسی فلمیں باکس آفس پر مسلسل مضبوط کارکردگی دکھا رہی ہیں۔