بالی ووڈ کے سپر اسٹار اکشے کمار ایک بار پھر ہدایت کار نیرج پانڈے کے ساتھ کام کرنے جا رہے ہیں۔ رپورٹس کے مطابق اکشے، لیجنڈری موسیقار آر ڈی برمن (پنچم دا) کی مجوزہ بایوپک میں ایک اہم خصوصی کردار ادا کریں گے۔

 بالی ووڈ کے سپر اسٹار اکشے کمار ایک بار پھر ہدایت کار نیرج پانڈے کے ساتھ کام کرنے جا رہے ہیں۔ رپورٹس کے مطابق اکشے، لیجنڈری موسیقار  آر ڈی برمن (پنچم دا)  کی مجوزہ بایوپک میں ایک اہم خصوصی کردار ادا کریں گے۔ 
یہ فلم معروف فلم ساز نیرج پانڈے  کی ہدایت کاری میں بن رہی ہے، جبکہ  فرحان اختر اس میں آر ڈی برمن کا مرکزی کردار ادا کریں گے۔ ذرائع کے مطابق اکشے کمار کا کردار اگرچہ مختصر ہوگا، لیکن کہانی میں اس کی اہمیت خاصی نمایاں ہوگی۔ ان کے کردار کی مکمل تفصیلات فی الحال خفیہ رکھی گئی ہیں۔ 

یہ بھی پڑھئے:رام گوپال ورما اور اُرمیلا ماتونڈکر کی ’خفیہ شادی‘ کا دعویٰ، حقیقت کیا ہے؟

اکشے کمار اور نیرج پانڈے اس سے قبل ’’اسپیشل ۲۶‘‘ اور ’’’بے بی‘‘ جیسی کامیاب فلموں میں ایک ساتھ کام کر چکے ہیں۔ تقریباً ایک دہائی بعد دونوں کی یہ نئی شراکت مداحوں کے لیے خوشخبری سمجھی جا رہی ہے۔  رپورٹس کے مطابق فلم اس وقت پری پروڈکشن مرحلے میں ہے، جہاں اسکرپٹ، موسیقی اور دیگر تیاریوں پر تیزی سے کام جاری ہے۔ فلم کی شوٹنگ ستمبر ۲۰۲۶ء میں شروع ہونے کا امکان ہے۔ 

یہ بھی پڑھئے:جسپریت بمراہ سری لنکا ٹیسٹ سیریز سے باہر، بورڈ نے آرام کا مشورہ دیا

آر ڈی برمن ہندوستانی فلمی موسیقی کے عظیم ترین موسیقاروں میں شمار ہوتے ہیں۔ ان کی زندگی اور موسیقی کے سفر پر بننے والی اس بایوپک کو بالی ووڈ کے بڑے پروجیکٹس میں سے ایک قرار دیا جا رہا ہے  اور شائقین کو امید ہے کہ یہ فلم پنچم دا کی شاندار موسیقی اور ورثے کو بڑے پردے پر بھرپور انداز میں پیش کرے گی۔