اے آر رحمان آج کل مسلسل حیران کن بیانات دے رہے ہیں۔ حال ہی میں انہوں نے ہندی سنیما پر مذہب کی بنیاد پر امتیاز کرنے کے الزامات عائد کیے تھے۔ اب اس موسیقار نے خود آسکر جیتنے کے بارے میں بڑی بات کہہ دی ہے۔

 آسکر جیتنے والے موسیقار اے آر رحمان نے حال ہی میں اعتراف کیا کہ اپنے پچھلے کاموں کی مسلسل یادیں انہیں اپنی تخلیقی صلاحیتوں پر شک کرنے پر مجبور کرتی رہی ہیں۔ انہوں نے بتایا کہ دو آسکر جیتنا ایک بوجھ کی طرح محسوس ہوتا ہے، لیکن اس نے انہیں بار بار خود کو ثابت کرنے پر مجبور کیا۔ رحمان نے بتایا کہ انہوں نے جان بوجھ کر مسلسل کام کرنے کا فیصلہ کیا، ایک کے بعد ایک فلمیں کیں اور لگاتار گانے کمپوز کیے۔
 انہوں نے بتایا کہ ہدایت کار اب اکثر ان کے حالیہ کام، خاص طور پر منی رتنم کی فلم ’’ٹھگ لائف‘‘ کے موسیقی کو ایک مثال کے طور پر دیکھتے ہیں، اور زیادہ تر مثالیں پچھلے ۶؍برسوں کے کام سے آتی ہیں۔ انہوں نے بتایا کہ اس دوران انہوں نے تقریباً ۲۰؍ سے ۳۰؍ فلموں کے لیے موسیقی دی ہے۔ رحمان نے کہا کہ یہ قدم سوچ سمجھ کر اٹھایا گیا تھا اور اب وہ کہتے ہیں،  میں اب محفوظ ہوں۔ میں نے اگلی نسل کے لیے کافی کچھ کر دیا ہے۔ 
بات چیت کے دوران رحمان نے بتایا کہ ان کے لیے پچھلی کامیابیوں سے زیادہ ذاتی تحریک معنی رکھتی ہے۔ انہوں نے کہا  کہ ’’مجھے یہ سب پسند ہے، لیکن مجھے اپنے اندر عزت نفس اور اعتماد واپس لانا ہے اور خود کو ثابت کرنا ہے۔ میں آگے جو کرنے والا ہوں، وہ  بہترین ہوگا۔ ماضی پر انحصار نہیں کرنا ہے اور یہ نہیں سوچنا ہے کہ میں نے ۲؍ آسکر جیتے ہیں۔  یہ سوچ آپ کو تھکا دیتی ہے۔ آپ کچھ بھی کرنے کے لیے تحریک نہیں پاتے، یہ ایک بوجھ بن سکتا ہے۔ میرے ٹویٹر یا انسٹاگرام بایو میں یہ نہیں لکھا ہے، نہ آسکر، نہ گرامی، کچھ بھی نہیں۔ یہ ایک نئی شروعات ہے۔‘‘اس موسیقار نے وِجئے سیتوپتی کی آنے والی فلم `گاندھی ٹاکس  کا موسیقی تیار کیا ہے۔ کشور پانڈورنگ بیلیکَر کی ہدایت کاری اور زی اسٹوڈیوز، کیوریئس اور مووی مل کی پروڈکشن میں اس خاموش ڈرامہ میں اروِندسوامی، ادیتی راؤ حیدری اور سدھارتھ جادھو بھی اہم کرداروں میں ہیں۔ فلم ۳۰؍ جنوری ۲۰۲۶ءکو سنیما گھروں میں ریلیز ہونے والی ہے۔

یہ بھی پڑھئے:افریقن کپ آف نیشنز:سینیگال دوسری بار براعظم کا بادشاہ بن گیا

انہوں نے نیتیش تیواری کی رامائن  پر بھی کام کیا ہے۔ اس فلم کے لیے انہوں نے گرامی ایوارڈ یافتہ موسیقار ہانس زیمر کے ساتھ تعاون کیا ہے۔ فلم میں رنبیر کپور، سائی پلوی، سنی دیول اور یش اہم کرداروں میں ہیں اور یہ دیوالی ۲۰۲۶ء پر سنیما گھروں میں ریلیز ہونے والی ہے۔

یہ بھی پڑھئے:آسٹریلین اوپن: ڈینیل میدویدیف کی گرینڈ سلیم فتوحات میں واپسی

 رحمان نے کہا کہ سچ کہوں تو، پچھلے ۶؍برسوں سے جب لوگ آپ کے پاس آتے ہیں، تو ۹۰ء کی دہائی کی نسل آپ کے موسیقی سے ایک خاص طرح کی پرانی یادیں اور لگاؤ محسوس کرتی ہے۔ یہی بات ۲۰۰۰ء کی دہائی میں آنے والے لوگوں پر بھی لاگو ہوتی ہے  اور بعد کی دہائی کے لوگوں پر بھی۔ وہ آ کر آپ کو گمراہ کرنے کی کوشش کرتے ہیں۔ وہ کہتے ہیں کہ ۹۰ء کی دہائی میں آپ نے ’’روجا‘‘ (۱۹۹۲ء) بنائی تھی۔ وہ بہت شاندار موسیقی تھی ۔